"An" (Contén)

PERSOEIRO

Xurista e político. Foi profesor axudante na Facultade de Dereito da Universidade de Santiago de Compostela (1967-1969). Nomeado director xeral de Tributos e Política Financeira (1982-1985), foi conselleiro de Economía e Facenda desde 1990 e deputado no Parlamento de Galicia polo PP (1997-2001). Escribiu varios artigos en revistas especializadas de economía, entre os que destacan “Administración autonómica e control externo público” (2000) e “O futuro da economía galega” (2000).

SEMANARIOS

Semanario publicado na Coruña a partir do 25 de novembro de 1983. Cesou a finais de decembro de 1986. Baixo o subtítulo “Semanario coruñés independiente”, estivo dirixido por Carlos Luís Rodríguez e, desde xuño de 1984, por José L. Centeno. De carácter propagandístico e cun marcado carácter antigaleguista, foi un medio de promoción do alcalde socialista coruñés, Francisco Vázquez. Contou coas colaboracións de Xavier Alcalá, Luís Iglesias ou Martínez Barbeito.

ENSEADAS

Enseada do litoral atlántico, situada entre as puntas de Mexillosa e O Orzán, na cidade da Coruña.

PUNTA

Punta do litoral atlántico que pecha polo N a enseada do seu nome, situada na cidade da Coruña.

PRAIAS

Praia da costa atlántica situada no centro da cidade da Coruña. Duns 700 m de longitude e dotada de numerosos servizos.

PERSOEIRO

Relixioso. Evanxelizador de Suecia e Dinamarca, considérase o grande apóstolo do cristianismo entre os escandinavos. Trasladouse a Alemaña e o Rei Harold de Dinamarca, que se convertera ao cristianismo, levouno coa idea de evanxelizar o seu pobo. Tivo pouco éxito e foi evanxelizar Suecia. Posteriormente foi bispo de Hamburgo e, tras o saqueo desta cidade polos viquingos, o Papa Nicolao I nomeouno arcebispo de Hamburgo e Bremen, e delegado para Dinamarca, Noruega e Suecia. A súa festividade celébrase o 3 de febreiro.

IGREXAS

Igrexa parroquial situada en Arteixo. Realizada no s XII, ten unha soa nave rematada en ábsida rectangular e un anexo barroco no lado dereito. A planta é rectangular coa cuberta a dúas augas. Na fachada destaca a portada coroada con arquivoltas e un rosetón adornado con molduras e arcos semicirculares. A cornixa presenta canzorros agás no anexo barroco.

PERSOEIRO

Físico estadounidense. Estudou no Instituto de Tecnoloxía de California e doutorouse en 1973 pola Universidade de Cornell. En 1996 recibiu, xunto con David Lee e Robert Richardson, o Premio Nobel de Física polo descubrimento da superfluidez do helio-3.

PERSOEIRO

Teólogo alemán. De nome Andreas Hoseman, foi profesor de hebreo en Nuremberg e predicou a reforma luterana (1521). Aconsellou o rigor cos anabaptistas e desde 1549 foi reitor e profesor de teoloxía de Kaliningrad. Defendeu a impanación na eucaristía e motivou unha forte controversia coa súa concepción da xustificación que, segundo el, consistía na unión real e intrínseca de Xesús Cristo coa alma, é dicir, na inhabitatio Christi. Encargouse da supervisión da obra de Copérnico De Revolutionibus Orbium Coelestium e engadiu un prólogo onde afirmaba que as teorías expostas non correspondían á realidade, senón que eran un simple modelo matemático para facilitar os cálculos relativos aos movementos dos corpos celestes.

CONDADOS

Condado de Croacia (3.619 km2; 326.446 h [2001]). A súa capital é Osijek.

PERSOEIRO

Sultán (1281-1326), fillo e sucesor de Erto ǧ rul. Fundou a dinastía otomá e converteuse en xefe das tribos turcas da rama oģuz. Combateu os bizantinos e levou a cabo unha política expansiva. Sucedeuno o seu fillo Orhan I, que conquistou a cidade de Brusa (1326), convertida despois na capital do Imperio Otomán.

PERSOEIRO

Sultán otomán (1618-1621), fillo de Ahmet I. Accedeu ao sultanato ao ser declarado incompetente o seu tío Mustafá I (1617-1618). Ao fracasar a expedición contra Polonia, foi substituído polo seu tío outra vez e asasinárono no transcurso dunha revolta dos xanízaros.

PERSOEIRO

Sultán otomán (1754-1757), fillo de Mustafá II. Sucedeu o seu irmán Ma ḥ mūd I.