"Az" (Contén)

Construción situada en Fontefría (Amoeiro). Presenta dúas partes de diferentes épocas construtivas. A máis antiga ten planta en forma de U do s XVII xunto á que se atopa outro corpo en forma de L, do s XVIII. Conserva unha capela do s XIX, ademais de hórreos, pombal e fonte.

Construción situada en Arca (O Pino). Ten planta en forma de U, con patín como entrada principal. As dúas ás son desiguais e unha delas remata en forma de torre. Cara ao centro do corpo central ten outra torre e sobre a porta da solaina atópase a data de 1699. Conserva un pombal, a capela, os alpendres e outras construcións adxectivas. A pedra de armas alude aos Leis ou Caamaño, Villardefrancos, Moscoso e Pardiñas ou Rioboo.

Capela situada en Santiago de Compostela. Trátase dun pequeno templo situado no lugar dun antigo hospital para acoller aos cóengos leprosos e outros enfermos, a xuízo do seu prior. Foi fundado en 1149 por Afonso Anaya e a súa dona Adosinda Menéndez, polo cóengo Pedro Pardo e por Pedro, prior da colexiata de Santa María do Sar. O domingo de Lázaro ou de Paixón, que se corresponde co quinto domingo de Coresma, celébrase unha romaría en que se ofrecen diversas clases de esmolas.

Estadio de titularidade municipal situado en Santiago de Compostela, con capacidade para 12.000 espectadores. Obra do arquitecto Andrés Fernández-Albalat Lois, foi inaugurado o 24 de xuño de 1993. Conta cun campo de fútbol e unha pista de atletismo. Nel xoga os seus partidos como local a S. D. Compostela.

Construción situada sobre o río Valiñadares en Mondoñedo. Trátase dunha ponte de cantaría con dous arcos rebaixados e tallamares triangulares no centro rematados con escudos. Atópase nun camiño local.

Construción situada en Penas (Monterroso). Ten forma de L, formado pola torre da homenaxe dun antigo castelo e o pazo propiamente dito. A torre ten planta rectangular, con tres pisos e soto, con seteiras e ventás nos muros. O pazo ten unha soa planta e patín. Está pechada por un muro cunha porta de acceso arquitrabada, flanqueada por escudos que fan referencia aos Ribadeneira e aos Taboada.

Construción situada na Estrada. Ten planta en forma de L con planta baixa e piso. Na fachada principal atópase un portón arquitrabado sobre o que se sitúa un escudo que alude os Figueroa e Puga, Sotomayor e Aldao.

Construción situada en Castro (Miño). De planta rectangular, na parte central dispúxose un engadido de dúas plantas amodo de torre. As pedras de armas aluden os Tenreiro, Montenegro, Andrade, Bolaño e Valdés.

Construción situada en Bembribe (Taboada). Ten planta en forma de U que forma un patio interior con arcadas no piso baixo e columnas no superior, cun corredor que percorre as tres ás. O patio está pechado cun muro en que se abre un arco de medio punto sobre o que se sitúa unha pedra de armas. Conserva unha torre e unha escaleira de pedra.

Construción situada en Sárdoma (Vigo). Construído no s XVII, ten planta rectangular, próxima ao cadrado, con dúas alturas e remata con ameas. Na fachada destaca unha torre redonda pola que se accede, percorrendo un pasadizo disposto sobre un arco, á capela de San Roque, de planta rectangular. É o lugar de celebración dunha romaría na honra de san Roque, patrón da cidade, o 16 de agosto.