"CIA" (Contén)

Nome que adoptou en 1974 o Partido Socialista del Interior, creado en 1968 ao redor de Enrique Tierno Galván. Manifestábase socialista de esquerda, autoxestionario, terceiromundista e federalista, e tivo un carácter intelectual e universitario. En 1977 obtivo 4 deputados e 3 senadores, e viuse obrigado a integrarse no PSOE (1978).

Organización política fundada en 1875 en Lisboa polo obreiro de orixe suíza José Fontana e núcleos influídos pola Asociación Internacional de Traballadores. Adoptou unha liña política reformista e antimonárquica e intentou elevar o nivel cultural da poboación. O golpe de estado de 1926 declarouno fóra da lei e foi refundado, cunha orientación moderada, por Mário Soares (1972), co novo nome de Partido Socialista. Tras a revolución de 1974 participou nos primeiros gobernos provisionais, tivo a maioría relativa na asemblea constituínte de 1975 e gobernou en 1976-1978 e en 1983-1985 (en coalición co Partido Social Demócrata). Nas eleccións anticipadas de 1985 só obtivo o 20% dos votos. Estes resultados foron mellorando paulatinamente ata que gañou as eleccións lexislativas de 1995 por maioría simple e António M. de Oliveira Guterres formou goberno en minoría. Nas eleccións presidenciais de 1996 Jorge Sampaio, en substitución de M. Soares, foi elixido presidente do país.

Organización política rusa que xurdiu en 1901 da fusión dos grupos populistas moi influídos polo anarquismo e polo revisionismo. Defendía a colectivización da terra no marco do mir (‘comunidade campesiña tradicional’) e o acto terrorista individual. Participou, con Aleksandr F. Kerenskij, no goberno provisional formado en marzo de 1917. Co triunfo da Revolución de Outubro, o PSR escindiuse: a á dereita, cos menxeviques, abandonou o congreso dos soviets, mentres que a á esquerda apoiou, temporalmente, os bolxeviques.

Organización política catalá fundada o 22 de xullo de 1936 a partir da fusión do Partit Comunista de Catalunya, a Federació Catalana del PSOE, a Unió Socialista de Catalunya e o Partit Català Proletari. O seu crecemento durante a guerra foi notable. Desde os primeiros momentos do exilio, a dirección do PCE tentou integralo baixo a súa autoridade e, a partir de 1949, o PSUC quedou fortemente ligado ao PCE, perdendo a súa independencia. De acordo coa súa concepción da loita pola democracia, tivo un papel destacado na Asemblea de Catalu-nya e participou no Consell de Forces Polítiques de Catalunya. Legalizado en maio de 1977, no V congreso (1981) a ocasional alianza dos sectores leninistas e históricos provocou a desfeita eurocomunista e a case ruptura co PCE. O VI congreso (1982) implicou o retorno á ortodoxia eurocomunista e a tendencia prosoviética emprendeu a creación dunha organización paralela que constituíu o Partit dels Comunistes de Catalunya (PCC). O VII congreso reafirmou a súa...

Agrupación política italiana fundada en 1892, co nome de Partito dei Lavoratori Italiani, por Filippo Turati, Andrea Costa e Gregorio Agnini. Dominou o sector sindicalista entre 1904 e 1908. A gran crise produciuse coa cuestión da adhesión á Terceira Internacional no congreso de Livorno (1921), onde se produciu a escisión principal, a dos leninistas, que fundaron o Partito Comunista Italiano. O secretario do PSI, Giacomo Matteotti, foi asasinado (1924) e os socialistas reagrupáronse no exilio e asinaron en 1934 un pacto de acción cos comunistas para unha colaboración coa Resistenza. En 1947 escindiuse en dúas ramas: o PSI, guiado por Pietro Nenni, e o PSDI (Partito Socialista Democratico Italiano), guiado por Giuseppe Saragat. O afastamento entre o PSI e os comunistas permitiu a súa entrada nos gobernos de coalición dirixidos pola democracia cristiá. No período de 1978-1985, con Alessandro Pertini, acadou a presidencia da república, e o seu secretario xeral, Bettino Craxi, encabezou entre...

Indicación xeográfica protexida segundo a Orde do 29 de outubro de 2001 da Consellería de Agricultura, Gandería e Política Agroalimentaria, que reciben as patacas dalgúns concellos da comarca de Bergantiños, de Terra Chá, da Mariña Lucense, da Terra Lemos e da comarca da Limia que sexan da variedade Kennebec. As patacas teñen forma de redonda a oval, con presenza de ollos moi superficiais, cun calibre entre 40 e 80 mm, pel lisa e fina de cor amarela clara, e a carne de cor branca con textura firme e cremosa ao cocer.

Antropónimo que ten a súa orixe no latín patricius, que designaba a quen era membro dunha familia de patres, ‘de pai nobre’, é dicir, descendente dos primeiros que con Rómulo e Remo fundaron Roma. A súa festividade celébrase o 17 de marzo.

Cada un dos fascículos dun libro medieval formado por un folio pregado en catro.

Asociación de escritores galegos creada como iniciativa de 27 autores o 10 de maio de 1989. Previamente, en abril de 1977 e co apoio do PEN Club catalán, un total de 47 autores galegos pediran a creación da sección galega do Internacional PEN, que non foi aceptada. A partir de 1990, xa como asociación recoñecida polo Ministerio do Interior, participou en diferentes eventos do PEN Club International, como a organización do LX Congreso Internacional celebrado en Santiago de Compostela en 1993 e no que participaron máis de 500 escritores. Presidido por Alfredo Conde (1990-1991), Úrsula Heinze (1991-1996), Carlos Casares (1996-1999) e Luís González Tosar, ademais de promocionar actos literarios, defende a liberdade de escritores represaliados e os dereitos lingüísticos dos pobos. Instituíu o Premio Rosalía de Castro para homenaxear a escritores doutras linguas da Península Ibérica.