"AVI" (Contén)

CIDADES

Cidade da rexión do Tagalog Meridional, provincia de Cavite, na illa de Luzón, Filipinas (87.813 h [1980]). Situada nunha chaira cunha grande actividade agrícola, produce principalmente arroz, cana de azucre e cocos. Posúe unha base naval. Durante a guerra hispano-norteamericana foi ocupada polas tropas norteamericanas trala Batalla naval de Cavite (1 de maio de 1898).

GALICIA

Xornalista. Licenciouse en Medicina e Cirurxía pola Universidade de Santiago de Compostela. Comezou a súa andaina profesional nos xornais El Correo Gallego e O Correo Galego. Redactor xefe de O Correo Galego, coordina a edición electrónica deste xornal na Internet. Publicou O Pindo: pedra e mar (1996).

MUNICIPIOS

Municipio da provincia de Cáceres, Extremadura, na confluencia dos ríos Alagón e Tajo (2.284 h [1996]). A agricultura (cereais e legumes) e a gandería (lanar e caprina) son as principais actividades económicas. Destaca a igrexa parroquial de Santa María del Olmo, de estilo gótico do s XIII.

PERSOEIRO

Educador e filósofo mexicano. Foi profesor de historia xeral e patria, psicoloxía, moral, xeografía e lóxica na Escuela Nacional Preparatoria. Preocupado pola educación, reorganizou o ensino primario e a preparatoria (bacharelato superior). Foi deputado e intentou mellorar as condicións laborais dos educadores. Fundou a Escuela Nacional de Maestros, a Escuela Internacional de Arqueología y Etnografía e, en colaboración con Justo Sierra, a Escuela de Altos Estudios e a Universidad de México (1910); foi ademais membro fundador do Colegio Nacional en 1943. En 1915 formulou dous proxectos de lei: un sobre a federalización da educación e outro sobre a autonomía universitaria.

PERSOEIRO

Escultor francés. Na súa formación mesturou a base teórica recollida na École de Beaux Arts de París, da que foi profesor, e a súa actividade como restaurador do Musée du Louvre. A súa primeira exposición individual (1958) revelou un traballo marcado pola carga material e a evocación de formas humanas ou de animais. A súa obra evolucionou cara a un expresionismo paralelo á obra de Giacometti, ao tempo que empregou materiais diversos como resinas, aluminio, aceiro e, sobre todo, bronce. Entre as súas obras destacan Le prophète (O profeta, 1963) e Maison du berger (A casa do pastor, 1965).

PARROQUIA

Parroquia do concello de Viveiro baixo a advocación de santa María.

PERSOEIRO

Arquitecto. Realizou traballos no Reino Unido, España, Xapón, Alemaña, Italia e nos EE UU. Entre as súas obras destaca a ampliación dos Neuen Museums de Berlín (1994-1999). Asociado con Fermín Vázquez Huarte, foi finalista no concurso convocado polo concello de Vigo para a construción do Auditorio de Beiramar (2001). Entre os galardóns que recibiu destaca o Premio Andrea Palladio (1993).

PERSOEIRO

Arqueólogo británico. Director de estudios de arqueoloxía e antropoloxía do Peterhouse College de Cambridge e catedrático de Arqueoloxía e Antropoloxía na Cambridge University, sentou as bases teóricas da análise arqueolóxica con independencia da época e rexión estudiada. A súa obra principal é Analytical archeology (Arqueoloxía analítica, 1984).