"CIO" (Contén)

Colectivo agrupado que naceu en Vigo no ano 1983 arredor da revista de educación especial Quinesia. Os seus responsables e membros fundadores son Francisco Insua Meirás, Elixio Domarco Álvarez e Álvaro Espilla Dopico, e está formada, principalmente, por profesionais que traballan no terreo das discapacidades. Acreditada no ámbito da integración das persoas con discapacidades, cómpre dicir que o seu labor desenvólvese, sobre todo, a través da publicación da revista Quinesia de estudios e investigacións no campo das discapacidades, e da organización de diversos cursos e proxectos sobre as discapacidades (formación do profesorado, integración laboral, escolar e social do discapacitado, etc). Constituíse como Asociación (1992) de ámbito galego e como Fundación Benéfico-Asistencial (1996).

Fundación sen ánimo de lucro con sede en Pontevedra creada en 1991 coa finalidade de promover actividades culturais e deportivas que contribúan ao coñecemento do patrimonio cultural, histórico e artístico de Galicia e da realidade cultural española. Naceu co propósito de dar continuidade e impulso ao labor que desenvolveron as Rutas Cicloturísticas del Románico-Internacionales. Das súas actividades destacan, ademais da organización das Rutas Cicloturísticas, a celebración de conferencias, concertos, exposicións e cursos, e a edición de libros sobre poesía, arte e historia. Concede un premio de escultura e pintura para alumnos da facultade de Belas Artes de Pontevedra, e colabora en actividades análogas con outras fundacións, asociacións e particulares.

Construción situada en San Vicente de Mañufe (Gondomar). Construída probablemente no s XVII, orixinariamente tiña planta rectangular con dúas alturas no eixe maior e unha altura no testeiro SL, á que se engadiu outra para acoller a cociña. Na fachada SO ten un patio pechado por un muro e por construcións adxectivas e unha solaina a xeito de patín á que se accede por unha escaleira de pedra. Na fachada N conserva outro patín. A porta de acceso ao patio é rectangular e remata nunha cornixa con dúas ameas, decoradas con baixorrelevos, e unha cruz central. Atópase en estado ruinoso.

Relativo ou pertencente á fundación.

Acción e efecto de fundamentar ou fundamentarse.

Feito de estar algo orientado cara ao futuro, como a vida humana.

Que se gaba ou presume de algo.

Asociación política de tendencia ideolóxica teoricamente centrista fundada en xullo de 1975. Foi creada á marxe da nova Lei de Asociacións Políticas e inscribiuse como unha sociedade anónima, aínda que tiña obxectivos políticos. O seu presidente foi Rafael Pérez Escolar mentres, Manuel Fraga Iribarne permaneceu no goberno de Carlos Arias Navarro. Xunto á Federación de Estudios Independientes integrou o partido político Reforma Democrática en 1976.

De cor entre verde e azul, aplicado en particular aos ollos.

Entidade constituída no ano 1983 baixo a presidencia de Ramon Boixadós, situada no edificio do Teatre-Museu Dalí en Figueres. Ten como obxectivo promover a obra de Dalí, ademais de protexer e xestionar o seu patrimonio.

Acción de galeguizar.

Revista editada no verán de 1992 en Santiago de Compostela. Editada por Alveiro SL, estaba dirixida por Antón Rozas Caeiro. Todos os seus artigos estaban escritos en castelán e ían acompañados da súa correspondente tradución ao inglés. Incluíu información sobre a arte e a arquitectura de Galicia, referencias a museos e pintores, ademais de datos sobre gastronomía e actividades de ocio en Galicia.

Fundación sen ánimo de lucro constituída en Santiago de Compostela e declarada de Interese Galego. Os seus obxectivos son promover, incentivar e executar as accións encamiñadas a potenciar e difundir a galeguidade en calquera parte do mundo, en especial nos lugares onde existan comunidades galegas, e realizar accións tendentes a apoiar galegos e os seus descendentes residentes fóra da Comunidade Autónoma. O seu padroado, baixo a presidencia de honra do presidente da Xunta de Galicia, está presidido polo conselleiro de Emigración e Cooperación Exterior e formada por un representante da consellería de Economía e Facenda, de Sanidade e de Asuntos Sociais e un membro da Comisión Delegada do Consello de Comunidades Galegas. Ademais forman parte do padroado as persoas e/ou entidades que acheguen unha cantidade igual ou superior a 30.000 euros. Conta tamén cunha Asemblea de Colaboradores formada por aquelas persoas e/ou entidades que acheguen unha cantidade igual ou superior aos 3.000 euros.

Fundación sen ánimo de lucro que se constituíu o 15 de febreiro de 1988 presidida polo presidente da Xunta de Galicia. Agrupa diversas entidades públicas e privadas representativas da vida económica e social de Galicia. O padroado está integrado por representantes das entidades que compoñen a fundación: Xunta de Galicia, Banco Pastor, Caixa Galicia, Caixanova, Consorcio Zona Franca de Vigo, Cámaras Gallegas de Comercio, Industria y Navegación, CC da Coruña, CC de Ferrol, CC de Ourense, CC de Pontevedra, CC de Santiago de Compostela, CC de Tui, CC de Vigo, CC de Lugo e CC de Vilagarcía. Entre os seus obxectivos inclúense fomentar o achegamento da realidade galega á realidade europea e aos países da Unión Europea en especial, e está aberta á colaboración de todas as institucións que persigan os mesmos fins.

Revista de información xeral editada en Santiago de Compostela a partir de novembro de 1994. Cesou a súa edición en xullo de 1996 (nº 12). Dirixida por Olegario Sotelo Blanco e coordinada por Luís Álvarez Pousa, tentaba ser un instrumento de comunicación destinado aos centros galegos no exterior. Incluíu diversidade de reportaxes, entrevistas, temas culturais, crónicas e artigos de opinión. Nalgúns números inseriuse un relato breve de narradores galegos.

Fundación sen ánimo de lucro constituída o 3 de setembro de 1976 baixo a presidencia do conselleiro de Cultura e Comunicación Social e coa vicepresidencia dun representante do Centro de Galicia en Bos Aires. Os sete vocais repártense entre os catro que designa o Centro de Galicia de Bos Aires, e os que nomean o conselleiro de Presidencia, o conselleiro de Economía e Facenda e o secretario xeral para as Relacións coas Comunidades Galegas. Entre os seus obxectivos inclúense o achegamento da realidade galega a todos os países americanos nos que exista unha comunidade galega vertebrada.

Fundación sen ánimo de lucro constituída o 26 de novembro de 1996 por iniciativa da Asociación de Funcionarios para a Normalización Lingüística de Galicia e que ten como obxecto a promoción, vertebración e divulgación da empresa galega como entidade específica, caracterizada pola súa vinculación á realidade socioeconómica e cultural de Galicia. En particular, son obxectivos a normalización do uso do galego na empresa, tanto nas súas relacións internas coma externas, e sen prexuízo do apoio á poliglosia como factor esencial da actividade empresarial; a promoción da investigación das características peculiares da empresa galega e da súa potenciación e desenvolvemento; o apoio á aplicación dunha estética diferenciadora dos seus produtos; e a creación e fomento de centros de diálogo e de publicacións relativas á vinculación da empresa coa realidade económica, social e cultural de Galicia. Entre os membros do padroado inclúense Manuel Puga Pereira, actual presidente, Ramón Barral Maquieira,...