"Bra" (Contén)

PERSOEIRO

Matemático e astrónomo indio. Traballou no observatorio de Ujjaen. No seu libro Brāhmasphu ṭ asiddhānta aplicou métodos matemáticos á Astronomía e estudiou a resolución de ecuacións determinadas e indeterminadas de primeiro e de segundo grao.

ENTRADA LARGA

A área do cuadrilátero de lados de lonxitudes a, b, c e d é:

FORMULAS:

= Ö(p-a) (p-b) (p-c) (p-d)   onde p = 1/2 (a+b+c+d)

CIDADES

Cidade do estado de Orissa (India) situada a 14 km da badía de Bengala, ao L dos Ghats orientais, entre a cidade de Cuttack e Vishakhapatnam, no Golfo de Bengala (210.585 h [1991]).

RIOS

Río da Asia Meridional. Nace no Tibet (China), nos glaciares da vertente N do Himalaia co nome de Tsangpo. O seu curso adopta nun principio unha dirección O-L, paralela ao eixo axial da cordilleira, que atravesa virando cara ao S ao chegar ás Mishmi Hills, na fronteira chinesa co estado de Arunachal Pradesh, na India. No estado de Assam, tamén na India, unha vez superado o Himalaia, vira de rumbo cara ao O. Aí recibe o nome de Dibāng, e despois na confluencia do Luhit, cámbiao polo de Brahmaputra. Atravesa o estado de Assam e entra en Bangladesh onde vira de novo cara ao S e se une ao Ganxes preto de Dacca. Desemboca no Golfo de Bengala formando un delta enorme, que constitúe unha das áreas máis densamente poboadas do planeta. O seu curso ten un percorrido total de 2.900 km de lonxitude. Drena unha conca de 939.000 km2 de superficie, que chegan a 1.125.000 km2 se se considera tamén a rede do Ganxes.

PERSOEIRO

Compositor. Recibiu os primeiros coñecementos musicais da man do seu pai, e posteriormente ampliounos con Eduard Marxsen no campo da teoría e composición. Traballou en Detmold e instalouse en Hamburgo, compaxinando a súa faceta como pianista coa dirección dun coro feminino (1859). En 1863 trasladouse a Viena onde foi director da Singakademie (1863-1864) e dos Gesellschaftskonzerte vieneses (1972-1873). A súa consagración definitiva como compositor foi en 1868 coa estrea do Réquiem alemán e coa Cuarta Sinfonía (1885). Buscou os modelos das súas obras en Bach ou Schütz, e nos polifonistas do s XVI. Deste xeito, a súa música, que nos seus tempos puido pasar pola expresión dunha actitude artística reaccionaria, ofreceu unha mostra sorprendente de harmonía entre a forma clásica e o pathos romántico. A súa música ten distintos acentos; en primeiro lugar, unha vea intimista e cordial manifestada nos lieder e obras para piano; en segundo lugar, unha vea popular,...

1. Relativo ou pertencente aos brahuis ou a súa lingua.

2. Individuo da confederación de tribos dos brahui.

3. Confederación de tribos do Baluchistán central e oriental (uns 275.000 individuos). De características físicas semellantes aos baluchis e aos pathans, son fundamentalmente pastores nómades de cabras, organizados en 23 tribos tributarias do khan brahui de Qalāt. A confederación agrupa tamén minorías doutros pobos indíxenas.

4. Lingua falada polos brahuis. Escríbese con caracteres árabes e pertence á familia dravídica.

PERSOEIRO

Cirurxián e oftalmólogo inglés. Foi un dos primeiros en practicar a hipnose con finalidade terapéutica (braidismo) e en describir os fenómenos buscando unha explicación dende un punto de vista psicofisiolóxico. Publicou Neurohypnology, or the rational of nervous sleep considered in relation with animal magnetism (Neurohipnoloxía ou o sono racional dos nervios considerado en relación co magnetismo animal, 1843) e The power of the mind over the body (O poder da mente sobre o corpo).

PERSOEIRO

Prehistoriador e arqueólogo. Especializado no Pre-neolítico e Neolítico do Oriente Próximo, onde escavou, entre outros, o poboado de Jarmo. É autor da teoría das zonas nucleares para explicar a aparición e o desenvolvemento da economía da produción, a agricultura e a gandería. Entre as súas publicacións destacan The Near East and the Foundations for Civilisation (O Oriente Próximo e os fundamentos da civilización, 1952), Curses to Urban life (Maldicións para a vida urbana, 1962) e The Cultures Bases in the Domestication of Plants and Animals (As bases culturais na domesticación de plantas e animais, 1971).

PERSOEIRO

Educador francés. Cego dende os tres anos, foi alumno e profesor (1828) do Institut des Aveugles, de París. Tomando como base a sonografía Barbier, inventou un método de escritura feito por medio de impresións en relevo sobre láminas, que permite un tipo de lectura analítica e táctil á velocidade de 125 a 175 palabras por minuto. O sistema Braille foi aceptado como oficial no 1854 no Institut des Aveugles e, no 1878, no Congreso Internacional de París como un sistema universal de ensino para cegos.

PERSOEIRO

Novelista inglés. Promoveu o grupo Angry Young Men. O heroe da súa primeira novela, Room at the Top (Habitación nas alturas, 1957), é o perfecto rapaz irado. Esta obra alcanzou un grande éxito coa súa sucesora Life at the Top (Vida nas alturas, 1962). Entre as súas últimas obras destacan Finger of Fire (Dedo de lume, 1977) e The Two of Us (Dous de nós, 1984).