"An" (Contén)

PERSOEIRO

Mártir. Cando era un catecúmeno, padeceu torturas que a fe lle axudou a superar. Os anxos sacárono da cadea para que o bispo de Cesarea o bautizase, e logo devolvérono á cela. A partir daquela tivo a capacidade de predecir a morte dos verdugos e de amansar animais bravos. Iconograficamente representouse como un mozo imberbe vestido con traxe segrar, túnica curta e clámide e unha serra nas mans (atributo persoal), como recordo do último suplicio. A súa festividade celébrase o 28 de xaneiro.

PERSOEIRO

Astrónomo francés. Observou os dous tránsitos de Venus por diante do Sol (1874 e 1882), en Xapón e Santo Domingo, respectivamente.

PERSOEIRO

Eclesiástico e orientalista francés. Sacerdote (1907), ensinou linguas orientais no Apollinare de Roma (1908-1913) e foi conservador da Biblioteca Vaticana (1908), da que foi prefecto (1930). Cardeal (1936) e bispo de Ostia (1937), foi secretario da Congregazione per le Chiese Orientali (1936-1959) e desde 1951 decano do Collegio Cardinalizio. Das súas publicacións destaca a colección Specimina codicum orientalium (1914).

PERSOEIRO

Político húngaro, fillo de Kálmán Tisza, conde de Tisza. Calvinista, foi deputado liberal (1886). Membro do Partido Nacional do Traballo, foi primeiro ministro (1903-1905 e 1913-1917). Opúxose ás reformas democráticas e involucrou o seu país na Primeira Guerra Mundial. Dimitiu en 1917 e foi asasinado por soldados amotinados.

PERSOEIRO

Político húngaro. Cabeza da facción de centro esquerda no parlamento (1865), uniuse (1875) co partido gobernamental de Deák, de onde naceu o partido liberal, do que foi máximo dirixente. Xefe do goberno (1875-1890), mellorou a economía do país.

1. Cada un dos seis fillos homes de Urano e Xea: Oceáno, Ceo, Crios, Hiperión, Xapeto e Cronos. Uníronse en matrimonio coas súas irmás, as Titánides, coas que crearon unha serie de divindades secundarias (entre elas Prometeo). De Cronos, o máis novo, saíu a liñaxe dos Olímpicos.

2. Persoa dunha gran potencia física e intelectual.

3. Guindastre que se emprega para levantar grandes pesos.

1. Relativo ou pertencente aos titáns.

2. Que é inmensamente grande.

1. Relativo ou pertencente ao titanio.

2. Que contén titanio.

3. Aplícase aos compostos de titanio en que actúa con valencia 4.

1. Relativo ou pertencente aos titanoterios.

2. Mamífero do grupo dos titanoterios.

3. Grupo de mamíferos perisodáctilos primitivos que tiveron a súa máxima importancia durante o Eoceno e o Oligoceno. Tiñan as patas curtas, con catro dedos nas de diante e tres dedos nas de atrás, un par de cornos bastante grandes na parte frontal do cranio e o cerebro moi pequeno. As formas máis grandes chegaron a ter 2,5 m de altura.

PERSOEIRO

Emperador romano (79-81), fillo de Vespasiano. Foi tribuno militar en Xermania e Britania, en 69 obtivo o título de césar, co seu irmán Domiciano, e en 71 o poder proconsular e o poder tribunicio. Tomou parte na guerra contra Xudea, converténdose no seu correxente (71) e ocupou Xerusalén (70). Herdou de seu pai o cargo de prefecto do pretorio e en 80 tomou o consulado co seu irmán. Durante o seu goberno tivo lugar a erupción do Vesubio (79).

PERSOEIRO

Discípulo e colaborador do apóstolo san Paulo. Pagán de orixe, non foi circuncidado ao converterse cristián. Acompañou a Paulo ao Concilio de Xerusalén. A tradición identifícao co xefe da igrexa de Creta, destinatario dunha das epístolas pastorais. A súa festividade celébrase o 26 de xaneiro.