"GR" (Contén)

IGREXAS

Igrexa situada en Santiago de Compostela. Fundouna o chantre Paio Abad cara a 1140 en honor da nai dos apóstolos Santiago o Maior e Xoán e contou co mecenado do arcebispo Xelmírez. Ten planta cadrada con pequenos brazos que xorden de catro arcos de medio punto apoiados sobre pilastras estriadas. A cúpula é de media laranxa sobre pendentes e está decorada con estudos. No s XVI engadíuselle, á beira do presbiterio, a capela de Nosa Señora e San Xosé, cuberta cunha bóveda nervada, e no s XVII construíuse a capela barroca de Santa Tareixa, cuberta cunha cúpula con casetóns e lanterna. A portada principal ten arquivolta tripla levantada sobre columnas con capiteis decorados. Na clave da porta atópase a imaxe da Virxe do Leite co Neno e aos lados a Anunciación do s XV. A porta está gornecida por un pórtico do s XVI.

IGREXAS

Igrexa parroquial situada en Coirós. Construíuse a finais do s XIII e comezos do s XIV. Románica de transición, ten planta rectangular de nave única e ábsida, con dous tramos, o primeiro cuberto con bóveda de canón apuntado e o segundo con bóveda de cruzaría. O arco triunfal é apuntado e apóiase sobre columnas pegadas. No s XIX desaparece a portada oxival.

IGREXAS

Igrexa parroquial situada en Antas de Ulla. Foi construída en estilo románico no s XII e reconstruída a finais do s XVI. Ten planta rectangular. A ábsida é cadrada e comunícase cunha pequena sancristía dun lado e coa capela-panteón dos condes de Torre Penela. O arco triunfal, de medio punto dobrado, descansa sobre dúas columnas. En 1650 construíuse a capela-panteón de planta hexagonal, cuberta con bóveda de casetóns. No interior destacan as esculturas funerarias dos primeiros condes e dos seus inmediatos sucesores (1719). Conserva brasóns no interior e no exterior do edificio.

IGREXAS

Igrexa parroquial situada no Pereiro de Aguiar. De orixe románica, ten elementos góticos dos ss XIII e XIV e fachada barroca do s XVIII. Ten planta de nave única rectangular con capela maior rectangular, ambas as dúas decoradas con pinturas, e sancristía pegada. A porta principal é dunha soa arquivolta de arco apuntado enmarcado cunha orla decorada con zigzags, apoiada sobre columnas acobadeladas. Sobre a porta ábrese unha ventá e sobre esta unha espadana de tres corpos decrecentes. No muro sur ábrese unha porta con dúas arquivoltas apoiadas en columnas acobadeladas con capiteis vexetais. Ao seu redor celébrase a romaría dos Gozos, os dous domingos seguintes ao de Pascua.

IGREXAS

Igrexa situada na carballeira de Santa Susana na Alameda de Santiago de Compostela. A súa orixe atópase nunha das primeiras igrexas que se erixiron na cidade, rexistrada no Códice Calixtino e situada ao pé do camiño xacobeo procedente de Padrón. Permaneceu baixo a advocación do Santo Sepulcro e de Todos os Santos ata que o arcebispo Xelmírez trouxo de Braga as reliquias de santa Susana. Reedificouse en 1105 e case non se conservan restos do templo románico. A igrexa é do s XVII e foi trazada por Juan Davila e realizada por Bieito González de Araújo. Pouco despois da súa construción reedificouna Francisco Antúnez. Ten unha única nave e ábsida e no s XIX engadíuselle o campanario.

MONTES

Monte situado na parroquia da Guarda (A Guarda). O seu cumio acada os 341 m de altitude.

PARROQUIA

Parroquia do concello de Castro Caldelas baixo a advocación de santa Tegra.

XACEMENTOS

Xacemento situado no monte Santa Tegra (A Guarda). Descubriuse durante a construción dunha pista forestal no monte en 1913. Foi escavado por Ignacio Calvo (1914-1924), Cayetano Mergelina Luna (1928-1933 e 1943-1944), Fernández Rodríguez en diversas campañas entre 1952 e 1972 e Antonio de la Peña Santos (1983-1988). Localízase a partir dos 200 m de altitude. Trátase dun poboado amurallado que non ten un sentido urbanístico xeométrico pois as vivendas, a maioría circulares e algunhas trapezoidais ou ovadas, aparecen agrupadas en barrios, posiblemente de carácter familiar, e só existen algunhas pequenas rúas que as separan. Moitas delas presentan vestíbulos e no interior teñen un banco corrido e un piar ou poste central que suxeitaba o teito de palla. A muralla, realizada en cachotaría, tiña como función principal delimitar o territorio e contaba con dúas entradas. Acadou o seu momento de maior esplendor entre os ss I a C e I d C, e a partir do s II iniciou un período de decadencia no que...

PARROQUIA

Parroquia do concello de Melide baixo a advocación de Santalla.

IGREXAS

Igrexa parroquial situada na Pobra do Caramiñal. Ten planta rectangular cunha nave e ábsida gótica do s XV. Conserva capelas e algunhas columnas románicas. A nave cubrese cunha bóveda de canón rebaixada e a ábsida cunha bóveda apuntada de nove nervios. O arco triunfal é apuntado e ten ornamentación plateresca. A fachada principal ten unha porta rectangular flanqueada por dúas fornelas e outra na parte superior. O campanario é de planta cadrada, con dous corpos rematados en cúpula. Nos extremos da cuberta atópanse as imaxes dun mozo tocando a guitarra e unha moza tocando a frauta, similares ás esculturas do Pórtico da Gloria.

PERSOEIRO

Compositor. Foi mestre de capela da catedral de Lugo en 1731. Escribiu Carta de grazas a D. Roque de Lázaro y Santistevan (1719) e Respuesta dada al Defensorio Músico de Luis Cirilo González (1730).

PERSOEIRO

Mestre. Desde 1922 realizou boa parte do seu exercicio profesional en distintos lugares da Mariña e destacou pola súa preocupación por dotar de base científica o seu labor pedagóxico, orientado por criterios decrolyanos e freinetianos. Promoveu a creación da publicación El Pequeño Escolar, que preparaban os mestres da Mariña Oriental durante o curso 1935-1936. No inicio da sublevación militar foi detido polas súas convicións republicanas, estivo encadeado cinco anos e dedicouse logo a distintos traballos, entre eles a docencia privada na cidade de Lugo. Escribiu Uno de tantos: cinco años a la sombra (1986). Foi o personaxe que inspirou o conto de Manuel Rivas “A lingua das bolboretas”, publicado na obra Que me queres amor? e levado ao cine en 1999.

PERSOEIRO

Rei semítico de Acad (2371 -2316 a C). Fundou o reino e a dinastía de Acad. Copeiro de Ur-Zababa, rei da dinastía IV de Kish, alzouse contra el, tomou o poder e erixiu unha nova cidade, Acad ou Agadé. Venceu a Lugalzagissi, rei da dinastía III de Ur, e someteu despois a zona do Golfo Pérsico, ao S, e a rexión ocupada máis tarde por Asiria, ao N. Chegou, polo SL, ata Elam, derrotou a Subartu e penetrou ao N de Siria e quizais tamén en Asia Menor.