"An" (Contén)

1. Relativo ou pertencente á antífona.

2. Aplícase a aquel fragmento musical cantado por dous coros alternativamente.

PERSOEIRO

Orador grego, o máis antigo dos considerados clásicos pola escola alexandrina, que o fai mestre de Tucídides. Membro do partido oligárquico, participou no goberno dos Catrocentos, sendo axustizado ao caer este. Consérvanse unha ducia dos seus discursos académicos, divididos en tetraloxías, de paternidade non certa, e tres máis en defensa de causas de homicidio, nos que era especialista.

PERSOEIRO

Sofista grego. Coñécense poucos datos seguros sobre a súa vida, téndose identificado erroneamente co orador do mesmo nome. A diferenza daquel, tiña unha ideoloxía democrática e era hostil á idea da Providencia. Atacou as concepcións idealistas de Gorxias e defendeu o alcance ontolóxico da percepción e o pensamento.

1. Que manifesta oposición ao franquismo.

2. Militante da oposición ao réxime franquista.

1. Aplícase ás aliaxes metálicas utilizadas en pezas suxeitas a rozamento provocado por desprazamento. Destínanse sobre todo ás chumaceiras que soportan árbores en rotación, cabezas de bielas, etc. As aliaxes antifricción teñen que presentar dureza para poder reducir o rozamento. Tamén deben minimizar as posibilidades de enferruxamento, é dicir, ser plásticas. Dese xeito poden asegurar o axustamento automático das pezas que rozan, así como compensar pequenos defectos de aliñación ou irregularidades da superficie e conseguir a incrustación de partículas estrañas. Deben ser, ademais, bos condutores térmicos, para evitar quentamentos excesivos. As aliaxes antifricción comprenden tres grupos principais: aliaxes a base de estaño (80-92%), antimonio (3-15%) e cobre (3-10%); aliaxes nas que o chumbo substitúe o estaño e o cobre, totalmente ou en gran parte; e aliaxes nas que o principal constituínte é o cobre. Nestes casos, trátase de bronces ordinarios (cun 5-15% de estaño) ou especiais (fosforosos...

2. 1. Metal antifrición.

   2. antifricción autolubricante

      Calquera das aliaxes de antifricción que se obteñen pola metalurxia de pos que, en virtude da súa porosidade, poden impregnarse de aceite para converterse en autolubricantes. Os máis usuais son os bronces (90% Cu-10% Sn).

1. Que evita o desenvolvemento dos fungos, destruíndoos ou detendo o seu crecemento e reprodución ( funxicida).

2. erniz que proporciona protección contra os fungos.

AFLUENTES

Afluente do Cabe. Nace no lugar da Lama a 1.144 m de altitude na parroquia de Trascastro, concello do Incio. Logo dun curso de 7 km en sentido S-NL-O desauga no lugar de Trascastro, na mesma parroquia.

ILLAS

Illa das Pequenas Antillas (280 km2), que, coas illas de Barbuda e Redonda forma o estado de Antiga e Barbuda. Fórmana terreos montañosos volcánicos ao SO e unha chaira calcaria ao N e NL, con costas recurtadas rodeadas de barreiras coralinas. O clima é tropical (25°C de temperatura media anual), relativamente seco (1.100 mm de precipitación anual). Cultívase cana de azucre, algodón, tabaco, e froiteiras con destino á exportación. Hai industrias derivadas da agricultura (refinería de azucre, destilerías de ron). O turismo é unha importante fonte de ingresos. Ao N hai un aeroporto e unha base aeronaval dos EE UU. Os portos de máis tránsito son Falmouth, ao S e, sobre todo Saint John´s, na costa NO, que é a capital do estado. Foi descuberta por Cristovo Colón en 1493.

ENTRADA LARGA

Estado das Pequenas Antillas (442 km2; 62.922 h [censo 1991], 64.500 h [estim 1997]) que comprende as illas Antiga (280 km2), Barbuda (160,5 km2) e Redonda (1,5 km2). A capital é Saint John´s, situada na illa da Antiga.
Xeografía física
A illa Antiga é un cordal de orixe volcánico que configura unha superficie montañosa que ten a máxima altitude no monte Boggy, que acada os 402 m. O litoral das illas é de orixe coralina, feito que determina a existencia de costas recurtadas rodeadas de barreiras coralinas no L. A maioría das rochas son de orixe volcánica, aínda que están recubertas por unha abundante terra fértil, pero tamén hai presenza de importantes chairas calcarias. A illa Barbuda é de orixe coralina cunha gran lagoa no O (Lagoa de Codrington); a máxima altura, no monte Higlands, acada os 62 m. O clima é tropical (25°C de temperatura media anual) e relativamente seco (1.100 mm de precipitación anual). A illa Redonda...