"IBE" (Contén)

Área de interese natural, declarada no ano 2001, que abrangue as marxes do val encaixado do canón do Sil e do río Cabe. Comprende as comarcas situadas entre as primeiras elevacións do Courel e os vales de Ourense e do Ribeiro, e desde a serra do Faro ata a serra de Queixa. Predomina a vexetación de tipo mediterráneo. Existen carballeiras con especies de Quercus robur e Quercus pyrenaica, bosques de castiñeiros (Castanea sativa) e aciñeirais de Quercus ilex e Quercus rotundifolia. Da fauna destaca a presenza de aguia real (Aquila chrysaetos), falcón peregrino (Falco peregrinus) e bufo grande (Bubo bubo), aguia albela (Circaetus gallicus), cotovía pequena (Lullula arborea), papuxa montesa (Sylvia undata) e lagarto das silvas (Lacerta schreiberi).

Denominación de Orixe recoñecida pola Orde do 30 de maio de 1995 da Consellería de Agricultura, Gandería e Montes, e ratificada pola Orde de 11 de setembro de 1997 do Ministerio de Agricultura, Pesca e Alimentación. Abrangue os viños de parroquias e aldeas de 17 concellos ao longo das ribeiras do Miño e do Sil, organizándose nas subzonas de Amandi, Chantada, Quiroga-Bibei, Ribeiras do Miño e Ribeiras do Sil. Realízase con uvas brancas preferentes godello, albariño, loureira, treixadura, dona branca, tarrontés e a autorizada palomino, e coas tintas preferentes mencia, brancellao, merenzao e as autorizadas mouratón ou negreda e garnacha. Os viños son do ano e cheos de xuventude, cor, aroma e sabor. Os viños Mencía, variedade máis cultivada, son afroitados, suaves na boca e con acedume equilibrada. Nos viños brancos destacan os monovarietais, de base godello ou albariño.

Construción situada en Cequeliños (Arbo). Realizado en cachotaría, ten planta en forma de L, con patín de acceso e unha escaleira exterior que pecha o patio. Posúe un portón arquitrabado realizado en cantaría e decorado con placas, sobre o que se dispon un escudo de grandes dimensións.

Construción situada en Teilán (Bóveda). Ten planta rectangular dividida en tres partes con engadidos posteriores. A obra orixinal é do s XVI.

Demarcación administrativa de xustiza que abrangue os concellos de Boiro, A Pobra do Caramiñal e Ribeira.

Construción situada en Quembre (Carral). Ten planta rectangular de grandes proporcións e cuberta a catro augas. Realizouse en cachotaría con cantaría nos vans, linteis e esquinais, e conta cunha galería de madeira ao nordés que se lle engadiu no s XX. Na fachada posterior atópase un escudo do s XVIII que alude aos Salazar e Alvarado. Conta cunha capela dedicada a san Xoán.

Construción situada en Sillobre (Fene). Realizada en cachotaría, ten planta rectangular e dous andares. A entrada principal ten un arco de medio punto e unha inscrición, posteriormente inscribiuse nela unha porta arquitrabada. Na á esquerda da vivenda consérvase un forno.

Construción situada en Lavadores (Vigo). Data de finais do s XVII, ten planta en forma de U e leva un muro pechando os extremos dos corpos laterais, cun portón de entrada, cun escudo oval. Construído en cantaría, conta cun patio cunha escaleira de pedra que leva ao andar principal. Na fachada posterior destaca unha ampla solaina.

Porto comercial e pesqueiro situado no concello do mesmo nome. Amplo e moi ben resgardado, conta cun importante peirao comercial e unhas instalacións deportivas con capacidade para 215 atraques. Ten un calado de 3 m, efectos navais, talleres, combustible, Capitanía Marítima, auga, enerxía e iluminación. Conta con instalacións PIF (Punto de Inspección Fronteiriza). É un porto importante na descarga de túnidos conxelados. É o primerio porto de España e da UE en pesca de baixura.

Antigo mosteiro situado en Mosteiro de Ribeira (Xinzo de Limia). Foi fundado por Afonso Romariquiz e a súa dona Gutina como mosteiro dúplice e familiar entre finais do s IX e principios do X. No s XI pasou a depender de San Salvador de Celanova ata que no s XIII o Rei Afonso VIII llo cedeu ao mestre Lourenzo. Desde mediados do s XIII ata o XVI foi priorado de Celanova e tivo numerosas posesións.