"Uma" (Contén)

PERSOEIRO

Político. Foi elixido senador demócrata por Missouri (1934) e vicepresidente de EE UU (1944) con Franklin D. Roosevelt. Á morte de Roosevelt (1945), acadou a presidencia e foi reelixido presidente en 1948. Ordenou o lanzamento da bomba atómica sobre Hiroshima e Nagasaki. A súa actitude anticomunista favoreceu o desenvolvemento do maccarthismo e o desencadeamento da Guerra Fría. Cara ao final do seu mandato iniciou a Guerra de Corea (1950). Non se presentou ás eleccións de 1952.

PERSOEIRO

Novelista. Coñecido como Truman Capote, tivo un grande éxito coa súa primeira novela Other Voices, Other Rooms (1948), onde presentou un mundo adolescente entre a realidade e a fantasía. Tamén destacan The Grass Harp (1951), Breakfast at Tiffa-ny’s (1958), levado ao cine en 1961 e In Cool Blood (1966), coa que iniciou a modalidade narrativa da non-fition, baseada na reconstrución novelística de feitos documentados.

PARROQUIA

Parroquia do concello de Salvaterra de Miño baixo a advocación de santo André.

CIDADES

Cidade da oblast’ de Čerkasy, Ucraína, situada na confluencia do Umanka e o Kamenka (85.000 h [estim 1984]). Ten industria diversificada.

RIOS

Río de América Central que discorre por Guatemala e polo S de México, polos estados de Chiapas e Tabasco (1.100 km). Nace nos Altos de Guatemala, na Sierra de los Cuchumatanes, e fai fronteira con México antes de desembocar na baía de Campeche, dentro do golfo de México.

RIOS

Río de Bolivia, afluente do Mamoré pola esquerda. Ten 321 km de lonxitude.

1. Relativo ou pertencente aos yuma ou á súa lingua.

2. Individuo do grupo de pobos yuma.

3. Grupo de pobos amerindios que habitaban nos cursos inferiores dos ríos Colorado e Gila, ao N da Baixa California e ao NO de Sonora. Destacan os grupos walapai, mahave, cocopa, diegueño e cochimí. Malia que algunhas tribos eran nómades e vivían da caza, os yumas eran maioritariamente agricultores e sedentarios.

4. Grupo de linguas hokanas do phylum amerindio das que destacan o walapai, o mahave, o cocopa, o diegueño e o cochimí.

MUNICIPIOS

Municipio de Gipuzkoa, Euskadi, situado na fachada cantábrica, na desembocadura do río Urola (8.527 h [2011]). As principais actividades son a gandaría (gando bovino), as derivadas do porto pesqueiro e a industria metalúrxica. É un centro turístico.

PERSOEIRO

Militar. Loitou durante a invasión napoleónica e cos absolutistas, na guerra contra os liberais (1822-1823). Cando estalou a Primeira Guerra Carlista (1833) foi nomeado xeneral en xefe do exército real de Navarra. Home moi activo e cunha gran capacidade de organización, combateu vitoriosamente aos carlistas coa táctica de guerrillas. Derrotou a diversos xenerais liberais de prestixio, e en 1835 o pretendente e a corte impuxéronlle o asedio de Bilbao. Derrotou a Espartero en Durango e formalizou o asedio da capital. Aos poucos días foi ferido na cama por unha bala perdida, que lle provocou a morte.

PERSOEIRO

Pianista e director de orquestra. Formado con Ángel Brage no Conservatorio de Música de Santiago de Compostela, con Guillermo González no Conservatorio Superior de Música de Madrid, e con J. Elliot Gardiner e Helmuth Rilling, en 1976 comezou as súas actuacións como solista. Director da capela de música da catedral de Santiago, fundou e dirixiu o Coro Universitario de Santiago (1979-1985). Ademais, foi director invitado da Orquesta de Cámara de Stuttgart, director invitado na Orquesta Nacional de España, director invitado da Orquestra Sinfónica de Galicia (1992-1995), e na posta en marcha da Real Filharmonía de Galicia (1996). Dentro da súa actividade docente, participa na cátedra de Teatro Lírico e Sinfonismo dos cursos universitarios internacionais de Música en Compostela. Colaborou con destacados solistas, como Teresa Berganza, e estreou diversas obras dun amplo repertorio que se estende desde Monteverdi e Bach aos compositores modernos, moitos deles galegos, como Balboa ou Macías. É...