"Est" (Contén)

Principal esterol dos animais. É importante a súa función como elemento estrutural das células, principalmente das membranas plasmáticas e das membranas dos orgánulos celulares. Forma parte das vaíñas mielínicas, das fibras nerviosas e dos eritrocitos, e encóntrase principalmente no tecido nervioso. É insoluble en auga e pouco soluble en alcohol frío. Sintetízase no fígado a partir de acetil-CoA. O colesterol é o esteroide principal do que derivan os demais esteroides do organismo. O seu metabolismo é esóxeno e endóxeno. O colesterol esóxeno procede dos alimentos (xema de ovo, graxas animais, etc) e absórbese no intestino delgado en presenza de bile, ácidos, graxas e zume pancreático, necesario para a súa emulsión e solubilización. O colesterol endóxeno sintetízase no fígado e noutros tecidos, e hai unha relación inversa entre a síntese e a inxestión dietética do colesterol, de xeito que un nivel elevado de colesterol plasmático inhibe a síntese de colesterol. É o precursor das hormonas...

Taxa de colesterol no sangue. Normalmente é de 1,5 a 2,7 g/l, pero varía segundo o grupo étnico, a idade, o sexo e a dieta. Niveis altos de colesterolemia supoñen un factor de risco para a arteriosclerose.

Resina de intercambio iónico, útil no tratamento de certas hiperlipemias e do proído orixinado en cadros de colestase.

Enzima de rápida actuación, unido á superficie da membrana possináptica, que hidroliza a acetilcolina en colina e ácido acético. Certos gases nerviosos, como o tabún ou o sarín, inactivan este enzima de xeito que provocan parálise.

Organismo de cooperación voluntaria creado o 8 de decembro de 1991 en Viskuli e integrado orixinariamente polas repúblicas integradas na Federación Rusa, Ucraína e Bielorrusia. O 24 de decembro sumáronse as repúblicas de Armenia, Acerbaixán, Kazakhstán, Kirguizistán, Moldavia, Taxikistán, Turkmenistán e Uzbekistán. Estas repúblicas asinaron o tratado de adhesión, no que se especificaba a igualdade entre os membros, polo que se estableceu un novo espazo para as relacións e a cooperación entre os estados independentes, buscando o control en materia de defensa, as reformas económicas e políticas. Comezou o seu funcionamento o 1 de xaneiro de 1992 e Xeorxia uniuse en decembro de 1993. A estrutura da CEI estaba dirixida polo Consello de Xefes de Estado e o Consello de Xefes de Gobernos. Contaba ademais cunha Asemblea Interparlamentaria, baleira de contidos, un Consello Económico Consultivo e unha Corte Económica. A CEI, que xurdiu como resultado do proceso promovido coa Perestroijka...

Organismo económico fundado en 1983, que agrupa diversos países de África Central, coa finalidade de promover a integración económica da zona e elevar o seu nivel de vida. Para conseguir estes obxectivos puxo en práctica unha serie de medidas, como a creación dun fondo de desenvolvemento, a unión bancaria ou a progresiva eliminación de impostos aduaneiros entre os estados membros. A finais dos anos noventa, a organización conformábana os países de Burundi, Camerún, Chad, Congo, Gabón, Guinea Ecuatorial, Rwanda, São Tomé e Príncipe, a República Centroafricana e a República Democrática do Congo; ademais, Angola tiña estatuto de país observador.

Organismo económico internacional creado en 1975 en Lagos (Nixeria) e constituído por nove estados francófonos (Burkina Faso, Benin, Costa de Marfil, Guinea, Mali, Mauritania, Níxer, Senegal e Togo), dous de fala portuguesa (Guiné-Bissau e Cabo Verde) e cinco de fala inglesa (Gambia, Ghana, Liberia, Nixeria e Serra Leona). O seu obxectivo é promover o desenvolvemento económico, social e cultural, e actuar como mediador nos conflitos que poidan xurdir nos estados membros.

Dignidade palatina e, máis tarde, militar, derivada do comes stabŭli ou ‘xefe da cabalería’ dos emperadores romanos do Baixo Imperio. Adoptada polos reis merovinxios, e despois polos carolinxios e os capetos, Filipe Augusto converteu o condestable en xefe supremo da cabalería real (1191). A dignidade foi suprimida polo cardeal Richelieu en 1627. Na Península Ibérica, Xoán I de Castela instituíu a dignidade de condestable no 1382 seguindo o modelo francés e atribuíulle a máis alta xerarquía do exército real despois do monarca, con xurisdición civil e militar sobre os compoñentes do exército real. Dende o goberno dos Reis Católicos, este oficio quedou vinculado á liñaxe de Pedro Fernández de Velasco ata comezos do s XVII, cando o título tiña só un carácter honorífico. Os reis de Navarra e Portugal estableceron este cargo durante o s XV.

Cargo e dignidade de condestable.

Organización constituída en 1985 en Barcelona a iniciativa das VI xornadas internacionais do Centre Internacional Escarré per a les Minories Ètniques i Nacionals (1981). Agrupa movementos nacionalistas, políticos, culturais e sindicais das nacións sen Estado de Europa coa finalidade de potenciar a Europa das nacións como alternativa á Europa dos estados.

Órgano de ámbito estatal que colabora na correcta xestión da educación. Participa na programación xeral do ensino e asesora os proxectos de lei ou regulamentos propostos ou ditados polo goberno. Está formado por un presidente, nomeado a proposta do ministro de Educación; un vicepresidente, elixido polo propio consello de entre os seus membros; un secretario e os conselleiros, que agrupa a profesores, pais de alumnos, alumnos, persoal de administración e servicios; e outros representantes pertencentes ao ámbito educativo. Ten, entre outras, as seguintes competencias: aprobar e facer público o informe anual elaborado pola comisión permanente do Consejo sobre o estado e situación do sistema educativo; aprobar e elaborar para o ministerio de Educación as propostas da comisión permanente do consello sobre as cuestións tratadas nela; fixar as ensinanzas mínimas e a regulación das demais condicións para a obtención, expedición e homologación de títulos académicos e a súa aplicación en casos dubidosos...

Organismo autónomo, dependente do ministerio de Ciencia e Tecnoloxía, creado en 1939 como nova fórmula organizativa para as institucións científicas preexistentes para funcións similares. Ten a finalidade de fomentar, orientar e coordinar a investigación científica en España e finánciase fundamentalmente por medio de orzamentos xerais do Estado. Desenvolve actividades de investigación a distintos niveis (dende os básicos ata os tecnolóxicos) e ten centros de investigación en todas as comunidades autónomas do Estado. Adopta como logotipo a árbore da ciencia. Os seus obxectivos e funcións son elaborar e executar proxectos de investigación científica e tecnolóxica; analizar e seleccionar os obxectivos científicos e tecnolóxicos das investigacións futuras; asesorar as distintas administracións do Estado no relativo á investigación e innovación tecnolóxica; fomentar o avance da investigación básica; colaborar coas universidades en actividades de investigación e ensino superior; e desenvolver...

Organización creada en Abū Ẓ aby en 1981 coa finalidade de promover a coordinación económica, política, cultural, militar e social dos estados do Golfo Pérsico. Está constituída por Arabia Saudí, Bahrain, Kuwait, Omán, Qatar e os Emiratos Árabes Unidos. A súa sede está en Al-Riyād. Entre as políticas aplicadas figuran a abolición de taxas aduaneiras dos artigos producidos por cada país, a libre circulación de persoas e vehículos, e a coordinación de programas de comercio e desenvolvemento.

Organización internacional creada en 1992 coa finalidade de acadar a cooperación entre os seus membros. A súa sede estableceuse en Estocolmo. Está formada por Alemaña, Dinamarca, Estonia, Finlandia, Islandia, Letonia, Lituania, Noruega, Polonia, Rusia, Suecia e a Comisión Europea.

Organización Europea para a Investigación Nuclear.

Que se pode contestar ou impugnar.