"CIO" (Contén)

uperización.

Partido que xurdiu en 1966 da escisión da Frente Nacional de Libertação de Angola (FNLA) como un organismo armado destinado á loita contra o colonialismo portugués en Angola. Despois da independencia do país, pasou a facer oposición armada ao Movimento Popular de Libertação de Angola (MPLA). Liderado por Jonas Malheiro Savimbi, á súa morte (2002) abandonou a loita armada.

Que só ten un sentido de desprazamento.

Acción e efecto de uniformar ou uniformarse.

Federación de academias de máis de trinta países creada en 1919 con sede en Bruxelas, que leva a cabo obras colectivas referentes ás ciencias filolóxicas, arqueolóxicas e históricas, e ás ciencias morais, políticas e sociais. Baixo a súa iniciativa realizouse o Corpus Vasorum Antiquorum, o Corpus Philosophorum Medii Avei ou as Fontes Historiae Africanae.

Organización internacional destinada a promover e favorecer a colaboración internacional no campo da astronomía. Creada en Bruxelas (1919), conta con miles de científicos afiliados de 45 estados. Edita unha publicación que inclúe os asuntos tratados nas asembleas xerais. Patrocina servizos, como o da hora, e coordina traballos, como o mapa topográfico do ceo ou a vixilancia do Sol.

Organismo internacional que reúne sociedades científicas de varios países relacionadas coa bioquímica.

Organismo internacional que agrupa asociacións de investigación e estudos bromatolóxicos.

Organización fundada en 1919 para continuar os traballos da Asociación Internacional de Sociedades Químicas. Ten como obxectivos o fomento da cooperación entre os químicos dos estados membro, o estudo de temas relacionados coa química de interese internacional onde faga falla regulación, a estandarización ou codificación e a contribución ao desenvolvemento da química pura e aplicada en todos os seus aspectos. Os seus órganos de expresión son o Journal of Pure and Applied Chemistry e o Chemistry International.

Institución creada en 1932 en Madrid pola fusión da Unión Telegráfica Internacional e a Unión Radiotelegráfica Internacional, creadas en 1865 e en 1906, respectivamente. Depende da ONU desde 1947. Ten a súa sede central en Xenebra, e inclúe un comité permanente, o International Frequency Registration Board (IFRB), encargado de asignar as frecuencias para as estacións. As normas técnicas son revisadas cada catro anos polo Comité Consultivo Internacional das Radiocomunicacións (CCIR) e polo Comité Consultivo Internacional Telegráfico e Telefónico (CCITT).

Organismo independente creado en 1956 coa finalidade de impedir o exterminio de especies ameazadas de extinción, racionalizar a xestión do medio e a preservación das zonas en parques naturais.

Organización política española de carácter rexeneracionista liderada por Joaquín Costa, Basilio Paraíso e Santiago Alba. O programa político, definido nunha reunión celebrada en Zaragoza en 1898, tiña por obxectivo a loita contra a burocracia estatal e en favor das clases mercantís produtivas. Malia un pequeno éxito inicial, o movemento fracasou e a organización disolveuse.

Revista publicada na Coruña a partir de setembro de 1977. Subtitulada “Boletín informativo de U.N.E y J.U.N.E en La Coruña” e dirixida por A. Pedreira, funcionou como voceiro na Unión Nacional Española, de tendencia ultraconservadora. Incluíu informacións xerais, deportes, tauromaquia, música, touros e fragmentos de publicacións afíns como ABC, El Alcázar ou El Pensamiento de Navarra.

Asociación fundada en 1923 por Richard Coudenhove-Kalerg. Manifestou como principio básico a consecución da unidade de Europa en liberdade, dereito e paz, así como a defensa dos seus intereses e ideais no mundo, garantindo o futuro dos seus pobos. É unha organización independente e apolítica, supranacional e suprapartidista que está representada en 27 países.

Holding radiofónico constituído en 1993 polo Grupo Prisa a partir das emisoras da Cadena SER, Antena 3 Radio e outras adquiridas baixo concesión ou acordos económicos, que agrupa un total de 434 emisoras. A SER foi a matriz do grupo, adquirida progresivamente polo Grupo Prisa a partir de 1983 ata chegar a controlala (1992). Ese mesmo ano entrou no accionariado de Antena 3 Radio e beneficiouse da concesión de novas frecuencias (1989). A sociedade quedou constituída pola Cadena SER e as radiofórmulas Cadena 40, Cadena Dial (1984), Máxima FM (1992), M80 (1993) e Radiolé (1994), con máis de dez millóns de oíntes (2003).

Asociación internacional de xeógrafos fundada en Bruxelas en 1922 para o estudo dos principais problemas de dominio xeográfico. O primeiro congreso realizouse en Anveres en 1871, e desde entón organiza cada catro anos un congreso internacional de xeografía, e cada dous anos intermedios organiza conferencias rexionais.