"AGN" (Contén)

PERSOEIRO

Actor e realizador cinematográfico. Protagonizou diferentes películas policíacas. Como director traballou no filme Short Cut to Hell (Atallo para o inferno, 1957). Retirouse en 1961 e volveu de novo interpretando Ragtime (Tempo reducido, 1980). Entre algunhas das súas longametraxes destacan: Sinner’s Holiday (As vacacións do pecador, 1930), Angels with Dirthy Faces (Anxos con facianas sucias, 1938) e One, Two, Three (Un, dous, tres, 1961). Obtivo o Oscar pola súa interpretación en 1942 na película Yankee Doodle-Dandy (Ianqui-dandi) de M. Curtiz.

PERSOEIRO

Físico e enxeñeiro xeógrafo, barón de Cagniard de la Tour. Estudiou a resonancia, a vibración e a acción da calor e da presión sobre os líquidos. Inventou a sirena (1819) e demostrou que o son se produce por vibracións regulares dun medio líquido ou gaseoso. Probou que, sobrepasada unha temperatura determinada, un líquido contido nun recipiente hermeticamente pechado pódese transformar integramente en vapor. Determinou as temperaturas e as presións críticas do éter e do alcohol.

REXIÓNS

Rexión do Lazio, Italia, formada pola chaira que rodea Roma, entre os montes Sabatini, Sabini e Albani e o Mar Tirreno, bañada polo baixo Tíber (2.000 km2). Trátase dunha área pantanosa, drenada e habilitada para a agricultura.

PERSOEIRO

Escritor, monxe e político romano. Ao principio do s VI tivo unha importante actividade política; no 533 chegou a prefecto pretorial e influíu poderosamente na reconciliación de Teodorico coa Igrexa romana. Cara ao 550, fundou o mosteiro de Vivarium, preto de Scylacium (Squillace), de liña beneditina, onde se dedicou á transmisión da cultura grega mediante a copia de manuscritos e pergamiños. Ademais, empregaba no ensino algunhas das súas obras e no seu programa de estudios incluía as Sagradas Escrituras e as artes liberais. Como político escribiu Variae (Varias), conxunto de cartas con referencias a decretos e editos imperiais. Dos seus escritos filosófico-teolóxicos destacan De anima (Da alma), Institutiones divinarum et saecularium litterarum (Disposicións sobre as letras divinas e profanas) e Historia ecclesiastica tripartita (Historia eclesiástica tripartita). Tamén escribiu unha recompilación titulada De orthographia (A ortografía),...

PERSOEIRO

Debuxante e pintor arxentino. Estudiou na Escuela Superior de Bellas Artes entre 1929 e 1932 e, en 1939, con André Lothe en París. Diplomouse tamén en arquitectura. Viaxou a Europa en diversas ocasións e aprendeu a técnica da augada. Traballou nos obradoiros de Spilimbergo e Ramón Gómez Cornet. Entre as súas obras destacan Homenaje a Spilimbergo (1956), Cabeza de niño (1948) e Maternidad (1963). Recibiu numerosos premios entre os que sobresaen o primeiro premio no Salón Nacional (1943), o primeiro premio da Bienal Internacional de México (1960) e o premio especial da Bienal Internacional de Saigón (1961). Foi membro da Academia Nacional de Bellas Artes.

PERSOEIRO

Crítico literario e investigador. É autor dunha extensa obra sobre diversos aspectos da historia literaria e teatral. Da súa produción destacan as obras Teoría del teatro (1961) e Teorías sobre el texto dramático (1981).

REXIÓNS

Rexión do N de Francia que inclúe os departamentos de Ardenas, Aube, Haute Marne e Marne (25.606 km2; 1.352.500 h [estim 1995]). A súa capital é Chalons-en-Champagne, no departamento de Marne.

1. Relativo ou pertencente á citodiagnose.

2. Determinación dunha enfermidade por medio do estudio celular dun tecido, dunha secreción ou doutra mostra orgánica.

PERSOEIRO

Pintor. Coñecido como Agnolo Bronzino, foi discípulo de Pontormo. Retratista oficial dos Medici, os seus retratos acentúan a importancia das xoias, das sedas e da actitude nobre, e amosan unha certa idealización anatómica. Pintou tamén cartóns para tapices (A historia de Xosé) e lenzos relixiosos (O martirio de san Lourenzo, 1569) e nus como o grupo Venus, Cupido, a Locura e o Tempo. Escribiu tamén poesías.

PERSOEIRO

Directora de escena, autora e coreógrafa. Cunha sólida formación no ballet clásico, transformou substancialmente a posta en escena do musical americano introducindo nos números bailados técnicas de ballet moderno, danzas populares ou a incorporación da acción dramática na coreografía. Entre os anos 1930 e 1933 formou parte do Dance Repertory Theatre e fundou a compañía Heritage Dance Theatre. Destacan os seus traballos Oklahoma! (1943), que supuxo toda unha revolución e inspirou unha nova maneira de facer teatro musical; Brigadoon (1947); ou Out of this World (Fóra deste mundo, 1950). Escribiu máis dunha ducia de libros relacionados coa súa especialidade artística, como Dance to the Piper (1952) ou Speak to Me, Dance With Me (1973).

1. Facer que algo deixe de estar magnetizado.

2. Deixar de estar magnetizado.