"Díaz" (Contén)

PERSOEIRO

Pintor. Traballou en Ribadeo onde pintou e dourou o retablo da confraría de santo Antonio, no convento de San Francisco (1637).

PERSOEIRO

Militar e cronista de Indias. Marchou a Cuba no 1514 e participou na primeira expedición a México (1517), dirixida por Francisco Hernández de Córdoba, e na segunda (1518), con Juan de Grijalva. Acompañou a Hernán Cortés durante a terceira (1519) e tomou parte na conquista de Nueva España, do Yucatán, de Guatemala e de Honduras. Dende 1539 viviu en Santiago de los Caballeros de Guatemala, onde casou con Teresa de Becerra, filla do conquistador de Guatemala. Nomeado rexedor perpetuo de Santiago (1551), recibiu tamén o nomeamento de Hijodalgo e o Certificado de Armas, outorgado por Filipe II. Escribiu Historia verdadera de la conquista de la Nueva España, publicada en 1632, crónica sobre as accións colectivas que fixeron posible o triunfo de Cortés, que refuta as versións de Francisco López de Gómara na Historia general de las Indias y conquista de México (1552) e das Cartas de Hernán Cortés. É unha das narracións máis destacadas da conquista, que revive procedementos da crónica medieval e...

GALICIA

Político e enxeñeiro naval. Licenciado pola Escola Técnica Superior de Enxeñeiros Navais de Madrid (1968), despois de traballar en diversas empresas relacionadas coa construción naval e a pesca, desempeñou os cargos de conselleiro de Pesca (1982) e conselleiro de Industria, Enerxía e Comercio (1984). Foi deputado no Parlamento de Galicia (1985-1987) e no Parlamento Europeo (1987), e desde 1996 Director Xerente da Fundación Provigo e a súa Área.

GALICIA

Atleta. Especializado nas carreiras de medio fondo, participou en dúas edicións dos Xogos Olímpicos: nos de Atlanta 1996 correu na distancia dos 800 m; en Sidney 2000 disputou as probas dos 1.500 m, e na final rematou no sétimo posto, polo que recibiu o diploma olímpico. Tamén participou en Campionatos do Mundo: nos de Sevilla 1999 foi quinto nos 1.500 m, distancia na que gañara ese ano a Medalla de Bronce no mundial en pista cuberta celebrado en Meabashi. A súa mellor clasificación nos campionatos de Europa foi o cuarto posto que acadou en pista cuberta nos 800 m en 1996 e nos 1.500 m en València no ano 1998. En 1999 converteuse en plusmarquista europeo dos 1.500 m en pista cuberta, ao cubrir a distancia en 3’ 33’’ 32 centésimas. O seu palmarés complétase coa medalla de prata dos 800 m na Universiada de 1997 e dous campionatos de España de pista cuberta na mesma proba, en 1992 e 1997.

GALICIA

Profesor. Licenciado en Filoloxía Clásica pola Universidad Central de Madrid (1945), doutorouse coa tese El latín de Valerio del Bierzo. Contribución al estudo del latín visigodo. Catedrático de Filoloxía Latina nas universidades de València, Salamanca e, dende 1968, de Santiago de Compostela, especializouse no latín tardío e medieval, e nos eidos da patrística e codicoloxía. En 1950 traballou en Múnic na redacción do Thesaurus linguae latinae e, xunto a Paul Lehmann, continuou os traballos paleográficos e codicolóxicos que iniciara en Madrid con Jean Mallon e Pascual Galindo. Organizou a Primeira Reunión Galega de Estudios Clásicos (1979), o coloquio sobre Circulación de códices y manuscritos entre Europa y la Península en los siglos VIII-XII (1982), a Segunda Reunión Galega de Estudios Clásicos (1984), o VIII Coloquio do Comité Internacional de Paléographie Latine (1987) e o seminario Camino de Santiago. Rutas y peregrinos (1989). Autor de manuais de latín para ensino medio, director...

PERSOEIRO

Economista, político e profesor. Licenciado en Ciencias Económicas pola Universidade de Santiago de Compostela, en 1972 incorporouse ao departamento de Estrutura Económica da facultade de Ciencias Económicas compostelá e doutorouse coa tese Política rexional en Galicia. Dos polos de Desenrolo ás ZUR. En 1972 ingresou no Partido Socialista Galego e en 1977 participou na formación do Colectivo Socialista Galego, que no 1978 se integrou no PSG-PSOE, do que foi secretario xeral de Santiago de Compostela. Deputado autonómico desde a primeira á cuarta lexislaturas (1981-1997) pola circunscrición de Lugo, foi voceiro parlamentario de Asuntos Económicos do grupo socialista. Da súa produción escrita destacan os artigos “Agricultura e capitalismo en Galicia: o proceso de modernización da agricultura galega” (1979) e “Problemas estruturais na integración da agricultura galega na CEE” (1981), publicados en Revista Galega de Estudios Agrarios, e “Galicia na CEE” (1987), editada en Encrucillada....

GALICIA

Sindicalista. Ingresou en ASTANO en 1958, participou na súa primeira folga en 1958 e dende 1966 nas clandestinas comisións obreiras do estaleiro de Ferrol. Detido polo Tribunal de Orden Público e indultado en 1969, tralos sucesos do 10 de marzo de 1972 foi novamente detido e permaneceu dous meses no cárcere da Coruña. Tralas eleccións sindicais de 1975 foi membro do xurado de empresa de ASTANO e director do xornal A voz do traballo, e pertenceu á coordinadora de Ferrol de CC OO. Promoveu numerosos actos culturais opositores ao réxime franquista dende a Sociedade Cultural Betón e o Círculo de Perlío. Trala legalización do sindicato, foi secretario de información e formación en Ferrol e secretario de acción sindical na provincia da Coruña (1977), do Sindicato Nacional de CC OO de Galicia (1981-1986) e da Federación do Metal de CC OO (1986). Foi secretario xeral do Sindicato Nacional de CC OO de Galicia (1989-2000) e presidente do Consello Sindical da Interrexional Galicia-Norte de...

GALICIA

Político. Traballou en ASTANO como delineante e economista (1958-1998) e foi responsable nacional do sector naval da Confederación Intersindical Galega (CIG). Militou no Partido Obreiro Galego/Esquerda Galega (POG/EG), no Partido Socialista de Galicia-Esquerda Galega (PSG-EG) e no Bloque Nacionalista Galego (BNG). Resultou elixido deputado no Parlamento de Galicia na quinta lexislatura (1997) e reelixido na sexta (2001), como integrante da candidatura do BNG pola circunscrición da Coruña.

PERSOEIRO

Editor. Promoveu a creación da editorial Citania en Bos Aires xunto con Luís Seoane, empresa que realizou o seu labor entre 1957 e 1959. Colaborou tamén na edición de libros en lingua galega con Antonio Baltar, Perfecto López e Manuel Martínez Lamela.

GALICIA

Pintor. Coñecido como Ebra, diplomouse en Arquitectura Técnica pola Universidade da Coruña (1991). A súa obra, de carácter realista, reflicte paisaxes, o mundo mariño e bodegóns. Traballou, principalmente, ao óleo, ao acrílico e á pluma. Colaborou como debuxante no traballo de investigación Estudio da arquitectura popular e etnografía de Castro Caldelas da Xunta de Galicia (1993). Entre outras mostras colectivas, participou na Colectiva de Pintura da Junta Municipal de Moncloa (Madrid, 1996-1997), na Feira do Debuxo e do Gravado da Xunta de Galicia (1998-1999-2000), no I Salón Vigart de Artes Plásticas de Vigo (1998) e na Feria de Artes Plásticas Arte na Estación (Vigo, 1998-2000-2001). Foi seleccionado nos Premios Ejército del Aire de Pintura en 1996 coa obra 1927, Vuelo sobre Lalín, adquirida polo exército, e en 1997 con Teoría de Vuelo, e no III Premio de Pintura Eixo Atlántico do Noroeste Peninsular (1999) con Herdanza. Realizou exposicións,...

GALICIA

Militar. Emigrou a Bos Aires en 1789, onde se estableceu como comerciante. Tomou parte na defensa da vila contra a invasión británica (1807) como subtenente dunha compañía de granadeiros, dentro do Tercio de Galegos. Logo do alzamento nacional arxentino (1810), integrouse na Mariña dos sublevados como primeiro oficial da goleta Invencible, capitaneada polo tenente coronel Azopardo. Derrotado nun combate contra navíos españois (2.3.1810), levárono prisioneiro a Montevideo. Liberado máis tarde, foi condenado polo novo goberno arxentino, a causa desta derrota, en maio de 1811.

GALICIA

Xurista. Licenciouse en Dereito pola Universidade de Santiago de Compostela en 1945 e ingresou na carreira xudicial en 1947. Serviu en varios destinos como xuíz de primeira instancia e instrución ata 1960 e como maxistrado de audiencia provincial ata 1976. En 1977 incorporouse como maxistrado á sala do contencioso-administrativo da Audiencia Nacional. Entre 1978 e 1986 foi maxistrado da sala IV do Tribunal Supremo. Proposto polo Consejo General del Poder Judicial (CGPJ), foi maxistrado do Tribunal Constitucional entre febreiro de 1986 e abril de 1995. Recibiu a Gran Cruz de la Orden de Isabel la Católica.

GALICIA

Mestre e pintor. Licenciouse en Psicopedagoxía pola Universidade de Vigo e foi presidente da Asociación de Artistas Plásticos Lucenses. Participou en mostras, tanto individuais coma colectivas, en Lugo, A Coruña e Vigo. Realizou deseños para libros e portadas de discos. Entre as súas publicacións cómpre salientar A linguaxe do cómic, O sentimento do cómic e Xogando coa música (1992-1993).

GALICIA

Psicobiólogo. Doutorouse en Medicina coa tese Epidemiología de la deficiencia mental. Situación en Galicia (1985). Profesor de psicobioloxía na Universidade de Santiago de Compostela, centra o seu traballo na avaliación psicofisiolóxica de poboacións normais e clínicas (envellecemento normal e situacións senís ou atraso mental, e do proceso de envellecemento e demencias senís, atraso mental, trastornos da linguaxe). É autor de dous libros, en colaboración, e de artigos especializados publicados en revistas científicas, como International Journal of Psychophysiology, American Journal on Mental Retardation, Biological Psychiatry, Clinical Neurophysiology e Neuroreport. Membro de varias sociedades científicas españolas e internacionais e membro fundador e presidente electo dende o 2001 da Sociedad Española de Psicofisiología (SEPF, 1994). Recibiu o Premio de Investigación da Fundación PAIDEA (1994), Premio á Investigación 1995 en Ciencias e Tecnoloxía (1996), outorgado...

GALICIA

Militar e mariño. Marchou a Montevideo e, logo da sublevación, sumouse á causa independentista e integrouse no exército como subtenente (5.12.1812). Formou parte das forzas que sitiaron Montevideo e dirixiu as fortificacións e a instalación das baterías. Ascendeu a tenente de artillería durante o sitio (29.9.1813) e integrouse como capitán de artillería (31.3.1815) nas forzas do xeneral San Martín en Mendoza. Participou co exército dos Andes na Batalla de Chacabuco (12.2.1817) e no combate de Curapaligüe (4.4.1817). Desde o 31 de maio de 1817 dirixiu a primeira compañía do Terceiro Batallón de Artillería e á súa fronte tomou parte na Batalla de Maipú (5.4.1818). Pouco despois integrouse como capitán da corveta Chacabuco, na escuadra que creou o goberno chileno, e capturou as fragatas españolas Rosalía e Carlota, coas que chegou ao porto de Valparaíso o 22 de novembro de 1818. Pasou ao exército de Chile, por razóns de saúde, a finais de 1820.

GALICIA

Escritor. Estudiou maxisterio na Escola Normal de Santiago e traballou no xulgado de Porto do Son ata xullo de 1936. Por mor da Guerra Civil pasou dous anos encarcerado na Coruña e ao saír fíxose procurador de tribunais, aínda que non exerceu debido ao seu pasado como militante de Esquerda Republicana. En 1951 emigrou e instalouse en Montevideo. Publicou crónicas e memorias autobiográficas nas que relata as súas experiencias na guerra, como Os que non morreron (1982), A crueldade inútil (1985) e Desde la diáspora (1991), así como os volumes de relatos Contos (1985) e Nebra. Historia dunha infamia (1985).

PERSOEIRO

Pintor. De formación autodidacta, instalouse en Madrid en 1940 e posteriormente en París. Comezou a expoñer en Ourense en 1955. Na súa obra o surrealismo mesturouse coa abstracción. As súas composicións son equilibradas e nelas predominan os azuis e os vermellos. A súa temática xira arredor do mundo dos soños, cun predominio de temas animais e mariños. No campo da escultura destaca a súa exposición na rúa Nacional en París. Participou como representante da escola de París na primeira exposición internacional de Póvoa de Varzim, en Portugal (1955). Realizou exposicións, entre outras cidades, en Ourense, Vigo, Madrid, París e Lyon.

PERSOEIRO

Pintor, gravador e escultor. Estudiou gravado na Escuela de Artes y Oficios de Madrid e asistiu aos Talleres de Arte Actual do Círculo de Bellas Artes de Madrid. No campo da escultura, obtivo unha bolsa da Junta de Extremadura (1987 e 1989), da Kunstlehaus Hamburg (1990), da Kunstlehaus am Deich Bremen (1991) e en 1994 recibiu a bolsa Banesto. Realizou exposicións, entre outras cidades, en Madrid e Berlín, e participou en diversas mostras colectivas entre as que destacan a V Bienal de Barcelona (1984), Artistas Hispano-Portugueses (1990), a Bienal de Vila Nova da Cerveira (1991), ARCO’95 e a IV Mostra Unión Fenosa (1995). A súa obra está na Colección Banco de España, no Museo Extremeño e Iberoamericano de Arte Contemporánea (MEIAC) e no Museo de Arte Contemporánea Unión Fenosa.

GALICIA

Político e avogado. Licenciado en Dereito. Presidente da Cámara Agraria Provincial de Lugo, foi deputado no Congreso de los Diputados na lexislatura Constituínte (1977-1979), pola Unión de Centro Democrático (UCD), e na primeira e segunda lexislaturas (1979-1986), polo Grupo Parlamentario Centrista. É autor de diversos traballos xurídicos e artigos en prensa publicados na Revista Galega de Estudios Agrarios e escribiu os volumes Dereito civil de Galicia: comentarios á lei 4-1995 (1997), Montes vecinales en mano común (1999) e División de la herencia y liquidación del régimen económico matrimonial (2001). No ámbito da toponimia publicou Comarca de Sarria: O Incio, Láncara, Paradela, Páramo, Samos, Sarria, Triacastela (1992) e Toponimia de la comarca de Sarria (1998). Obtivo o Premio da Orde do Mérito Constitucional.

GALICIA

Escultor. Comezou a súa formación como tallista ata que en 1958 se trasladou a Santiago de Compostela onde estudiou na Escuela de Artes e Oficios Mestre Mateo. En 1964 ingresou na Escola de Belles Arts de Sant Jordi e en 1967 na Escola Superior de Bellas Artes de San Fernando de Madrid. Dende 1970 reside en París, onde aprendeu co Patkai as técnicas de traballo con formigón armado e a relación da escultura co contorno e coa arquitectura. A súa obra caracterizouse pola utilización da natureza como fonte de inspiración, a sinxeleza das formas e os vestixios do pasado galego. Nalgunhas das súas obras mostrou un estilo modernista. Empregou, entre outros materiais, o bronce, a madeira, a pedra, o ferro e o formigón. Aínda que desenvolveu a súa traxectoria artística en Francia, en Galicia realizou monumentos públicos de gran tamaño, entre os que destacan as obras realizadas para a facultade de Ciencias Económicas da Universidade de Santiago de Compostela (1977) e para a residencia de anciáns...