"David" (Contén)

PERSOEIRO

Fotógrafo norteamericano. O seu interese pola arqueoloxía e as actividades subacuáticas levárono ao descubrimento da fotografía submarina. En 1938 emprendeu unha expedición a Chile e Perú onde exerceu como correspondente, fotógrafo e historiador da arte. Entre 1945 e 1956 foi reporteiro gráfico da revista Life en Corea, Indochina e Palestina. No período 1956-1959 realizou unha ampla reportaxe a cor sobre Moscova. A súa obra amósase no Los Angeles County Museum of Art, no Metropolitan Museum of Art, no Museum of Modern Art de Nova York e no Nelson-Atkins Museum of Art de Kansas City. Publicou: This is War (Isto é guerra, 1951), The Private World of Pablo Picasso (O mundo privado de Pablo Picasso, 1958) e The Kreml (O Kremlin, 1960), Self-Portrait U.S.A. (Autorretrato dos EE UU, 1969) e War Without Heroes (Guerra sen heroes, 1971).

GALICIA

Escultor. Traballou en talleres de cantería en Lugo e Madrid. Restaurou monumentos do cemiterio de Millerada, entre outros, unha imaxe do Corazón de María enmarcada por columnas salomónicas.

PERSOEIRO

Pintor alemán. Discípulo de Jacobsz, traballou con Pietro da Cortona en Suecia e Alemaña. Pintor oficial da corte sueca, realizou os retratos Carlos XI e Carlos XII.

PERSOEIRO

Militar e político norteamericano. Durante a Segunda Guerra Mundial dirixiu o desembarco aliado no N de África (1942), a campaña de Tunisia, os desembarcos de Sicilia e Italia (1943), Normandie (1944) e as operacións que levaron ao final da guerra. Foi xefe do Estado Maior do Exército (1945) e comandante supremo das forzas da OTAN en Europa (1950-1952). Candidato polo Republican Party, en 1952 asumiu a presidencia dos EE UU, cargo para o que foi reelixido en 1956. Ocupou o cargo ata 1961. Encargoulle a política exterior a John Foster Dulles e en 1957 formulou a doutrina Eisenhower, que prevía a intervención norteamericana no Oriente Medio. Publicou as súas memorias da guerra en Crusade in Europe (Cruzada en Europa, 1948).

PERSOEIRO

Arquitecto estadounidense. Estudiou arquitectura na Cornell University e ampliou estudios nas universidades de Columbia e Cambrigde, onde se doutorou en Filosofía. Entre 1960 e 1967 traballou con Michael Graves e, aínda que proxectou diversas vivendas, ata 1980 centrou o seu traballo no estudo teórico da arquitectura e no ensino. Foi profesor, entre outras, nas universidades de Yale, Princenton, Cambrigde, Harvard e Ohio. En 1980 estableceu un estudo de arquitectura en Nova York con Jaquelin Robertson que en 1987 pasou a denominarse Eisenman Architects. Entre as súas obras destacan o proxecto Romeo e Xulieta, galardoado co León de Ouro da Bienal de Venecia (1985); o Wexner Center da Ohio State University (1983-1989), polo que recibiu o Premio de Honor do American Institute of Architectes; o edificio Koizumi Sangyo de Toquio (1988-1990), premiado co Premio Nacional do American Institute of Architectes en 1991; a sede da Nunotani Corporation de Toquio (1990-1992); a Max Reinhardt Haus de...

PERSOEIRO

Astrónomo alemán. Estudiou teoloxía e foi pastor luterano. Colaborou con Kepler no estudo de Marte. En 1596 descubriu a primeira estrela variable denominada Mira Ceti. A partir de 1610, xunto co seu fillo, estudiou as manchas solares.

PERSOEIRO

Almirante estadounidense. Loitou na guerra de Secesión cos estados da Unión e tivo un papel destacado na conquista de New Orleans (1862) e da rexión do Mississippi. A súa fama debeuse sobre todo á conquista da baía de Mobile (1864), que constituía un importante arsenal sudista.

PERSOEIRO

Médico estadounidense. Dedicouse ao estudo dos cambios químicos que se producen nos tecidos orgánicos expostos a radiacións con gran cantidade de iodos radioactivos, das glándulas tiroides e do metabolismo dos glícidos.

GALICIA

Matemático. Estudiou arquitectura e ciencias exactas na Universidad Central en Madrid. Foi profesor de aritmética, xeometría práctica e elementos de construción na Escola de Artes e Oficios da Coruña (1912) e catedrático de Matemáticas no Instituto Nacional de Ensino Medio da mesma cidade (1914). Dirixiu a revista Galicia Nueva e publicou traballos en revistas científicas tanto nacionais como internacionais. Foi membro da Real Academia Gallega (1925), institución da que foi secretario (1926-1936) e presidente (1936).

GALICIA

Empresario e político. Licenciado en Ciencias Químicas pola Universidade de Santiago de Compostela. Ocupou diversos cargos públicos como alcalde de Ourense (1963-1970) e presidente da Deputación (1970-1973; 1976-1979). Presidiu o consello de administración da Caixa de Aforros Provincial de Ourense (1989-1998) e foi presidente da Federación Galega de Caixas de Aforros.

PERSOEIRO

Pintor alemán. Eminentemente paisaxista, as súas visións, idealizadas e sempre inquietamente plácidas, presentan a miúdo silenciosos personaxes que contemplan a inmensidade dos horizontes. A súa técnica, de acordo coa escola romántica alemana, é de pincelada minuciosa e factura tradicional. Da súa produción destaca Dolmen na neve (1807), Cruz nas montañas (1807-1808), Acantilados brancos da illa de Rügen (1818), Dous homes contemplando a lúa (1819) e Saída da lúa sobre o mar (1822).

PERSOEIRO

Filósofo. Membro da orde dos claretianos, formouse en matemáticas e física en Múnic. Profesor das universidades de Santiago de Compostela e Barcelona, exiliouse trala Guerra Civil en París, Quito (1938-1942) e México (1942-1946), onde colaborou con José Gaos e outros intelectuais españois. Fixou a súa residencia en Caracas, onde foi membro do Instituto Pedagóxico (1946-1959), profesor na universidade e director do Instituto de Filosofía (1959-1971). Nos seus estudios abordou a análise das filosofías de interpretación e reinterpretación do universo e as de transformación do universo e apostou por unha reelaboración heterodoxa do marxismo. Consideraba que á filosofía se lle debían os modelos da física e a matemática contemporáneas, así como os da poesía e a música. Das súas obras destacan Introdución a la lógica moderna (1936), Siete modelos filósofos (1950), Antropología filosófica contemporánea (1957), Filosofía y teoría de la relatividad (1978) e Qué es Dios...

PERSOEIRO

Escritor inglés. Pertencente ao Bloomsbury Group, publicou, entre outras obras, A Man in the Zoo (1924), The Sailor’s Return (1925), A Rabbit in the Air (1932) e A Shot in the Dark (1958).

PERSOEIRO

Actor e dramaturgo británico. Seguiu a corrente realista da interpretación. Destacou o seu traballo cos personaxes de Shakespeare, autor que contribuíu a recuperar, organizando en 1769 en Stratford-upon-Avon un festival para celebrar o xubileu do dramaturgo inglés. Desde 1747 foi empresario e primeiro actor no Covent Garden e despois no Drury Lane, desde onde puxo en marcha unha fonda reforma da escena londinense que afectou á simplificación da posta en escena, á mellora da iluminación ou á ruptura cunha interpretación ampulosa e afectada. As súas obras (arredor de corenta) son sobre todo adaptacións. Con George Colman escribiu The Clandestine Marriage (1766), convertida en ópera por Cimarosa.

FILOSOFOS

Filósofo canadense. Profesor de filosofía na University of Pittsburgh, centrou os seus estudios nas relacións entre razón e moralidade. Afirmou que a moralidade se basea no propio interese a longo prazo de cada individuo. Das súas obras destacan The logic of Leviathan: the moral and political theory of Thomas Hobbes (1969) e Morals by Agreement (1986).

PERSOEIRO

Astrónomo e xeodesista escocés. Director do observatorio da Cidade do Cabo a partir de 1879, foi un dos primeiros en empregar o procedemento fotográfico para reproducir o aspecto do firmamento. Estableceu un sistema para calcular a distancia entre a Terra e o Sol e determinar a masa do planeta Xúpiter.

PERSOEIRO

Arquitecto alemán. Foi arquitecto maior da Pomerania e traballou en Berlín para a aristocracia. O seu fillo Friedrich Gilly (Altdamm 1772-Karlsbad 1800) foi un dos iniciadores do neoclasicismo e profesor na Academia de Arquitectura de Berlín. Das súas obras destaca o proxecto do monumento a Federico II o Grande.

PERSOEIRO

Realizador cinematográfico estadounidense. Comezou como actor de teatro, guionista e dirixiu algunhas curtametraxes. Foi un dos maiores impulsores das técnicas cinematográficas, xa que inventou o primeiro plano, a montaxe paralela, o travelling e o flash-back. A principios da segunda década do s XX instalouse, xunto cun grupo de actores e técnicos, no lugar deshabitado de Holly-wood, preto de Los Angeles. Alí dedicouse a rodar películas, entre as que destacan Judith of Bethulia (1914), The Birth of a Nation (1915), America (1924), Isn’t Life Wonderful (1924), The Battle of the Sexes (1928) ou Abraham Lincoln (1930). En 1919 creou, xunto con Charles Chaplin, Douglas Fairbanks e Mary Pickford, a produtora independente United Artists.

PERSOEIRO

Político israelí. Coñecido polo nome hebreo de Ben Gurion, en 1906 estableceuse en Palestina e traballou nas primeiras cooperativas agrarias xudías. Colaborou na organización da Lexión Xudía, integrada no exército británico, en que el mesmo se alistou en 1918. Regresou a Palestina baixo o mandato británico (1918) e participou na fundación da Federación Xeral do Traballo (Histadrut) e do Partido Unido dos Traballadores (Mapai). En 1935 presidiu o comité executivo da Axencia Xudía, que actuaba como goberno da comunidade xudía en Palestina. Proclamado o Estado de Israel, foi nomeado primeiro ministro (1948-1953 e 1955-1963), cargo desde onde fomentou a inmigración xudía e o desenvolvemento das terras desérticas. En 1970 retirouse da política. Morreu nun kibbutz, onde pasou os últimos dez anos da súa vida.

PERSOEIRO

Dramaturgo e director de escena inglés. Ten unha longa traxectoria vinculada a compañías como Portable Theatre, Joint Stock Theater, Nottingham Playhouse ou a institucións como o Royal Court Theatre e o National Theatre. Nos seus textos déixase sentir a influencia do cine e destacan pola axilidade e a brillantez dos diálogos, así como por un compromiso permanente coa denuncia da corrupción e da hipocrisía da orde social burguesa. Entre os seus textos máis coñecidos destacan Slag (1970), England’s Ireland (1972), Teeth’n’Smiles (1975), Plenty (1978), A Map of the World (1983), Pravda (1985), Racing Demon (1990), Absence of war (1993), Skylight (1995), Amy’s View (1997) ou The Judas’s Kiss (1998).