"Dis" (Contén)

PERSOEIRO

Escritor grego, autor de As aventuras de Quereas e Calirroe, novela de aventuras con alusións históricas.

GALICIA

Arqueólogo. Doutor en Historia pola Universidade de Santiago de Compostela (1987), ampliou estudios no Archaeology Institut de Londres e foi profesor de prehistoria na Universidade de Vigo. Especializouse no estudo da ourivería castrexa e prehistórica en xeral. Colaborou, entre outros, nos libros Arqueoloxía e arte na Galicia prehistórica e romana (1995), Historia de Ourense (1996) e Nociones de tecnología y tipología en Prehistoria (1999). É autor de Os torques prehistóricos (1990), Los torques de los dioses y de los hombres (1992), The Sacred Torcs: Prehistory and Archaelogy of a Symbol (Os torques sagrados: prehistoria e arqueoloxía dun símbolo, 1998) e Trocado de Bande: arqueología de la religión en Galicia y norte de Portugal. É membro da Society of Jewellery Historians.

PERSOEIRO

Físico e químico. En 1766, na súa comunicación Factitious Airs (Aires facticios), estableceu a diferenza entre o dióxido de carbono (aire fixo) e o hidróxeno (aire inflamable). En 1783, nos Experiments on Air (Experimentos sobre o aire), determinou a composición da atmosfera e preveu a existencia dos gases raros. No tocante á electricidade, investigou sobre a capacidade dos condensadores e as propiedades dos condutores, e introduciu a idea de potencial eléctrico. Descubriu as calores latentes e específicas, e puxo en dúbida a teoría do calórico. Determinou a constante gravitacional, a densidade da Terra e a súa masa.

PERSOEIRO

Político inglés, duque de Devonshire e marqués de Hartington. En 1857 ingresou na Cámara dos Comúns. Membro do Liberal Party, en 1866 foi durante algúns meses secretario de estado para a guerra. Entre 1868 e 1871 ocupou a dirección xeral de Correos e nacionalizou o sistema británico de telégrafos. Foi secretario para a India (1880-1882) e secretario de Estado (1882-1885) no goberno de William Gladstone. En 1886 opúxose á Irish Home Rule propiciada polo seu partido, separouse del e formou e dirixiu o Liberal Unionist Party. Rexeitou o cargo de primeiro ministro en 1880, 1886 e 1887, e en 1895 o de ministro de Asuntos Exteriores. Foi presidente do consello no goberno de lord Salisbury (1895-1903) e, posteriormente, no de Arthur James Balfour (1902-1905).

PERSOEIRO

Navegante inglés. Entre 1586 e 1588 realizou a terceira viaxe ao redor do mundo, seguindo o exemplo de Drake. Saíu de Plymouth, rodeou a Patagonia e atravesou o estreito de Magalhães; despois de saquear os establecementos españois, chegou a Filipinas e Xava, e regresou polo cabo de Boa Esperanza ao lugar de saída. Morreu ao intentar unha nova expedición.

1. Relativo ou pertencente aos cefalodíscidos.

2. Pterobranquio da orde dos cefalodíscidos.

3. Orde de hemicordados, da clase dos pterobranquios, que comprende individuos mariños, coloniais, hermafroditas ou de reprodución asexual. Teñen o corpo dividido en protosoma, mesosoma e metasoma, e caracterízanse pola presenza dun disco adhesivo metasomático. Destaca o xénero Cephalodiscus.

1. Relativo ou pertencente ao cladismo.

2. Aplícase ao método que tenta establecer a filoxenia por medio de caracteres taxonómicos de cada grupo. Basea a clasificación dos organismos no feito de que os trazos compartidos por distintos individuos revelan un ordenamento xerárquico na natureza. Estes ordenamentos xerárquicos exprésanse sucintamente por medio de cladogramas.