"GR" (Contén)

GALICIA

Actriz de teatro, televisión, cine e dobraxe. Coñecida   como Mela Casal, comezou a súa andaina co grupo Ditea, co que realizou espectáculos como Farsa plautina (1987) ou A lenda de Xan Bonome (1986), ambas as dúas de Agustín Magán. Participou posteriormente en varias montaxes do Centro Dramático Galego, entre elas Así é (se vos parece), de Pirandello (1991), A Lagarada, de Otero Pedrayo (1992) ou Hostia, de Cotarelo Valledor (1996). Fundou a compañía Pífano Teatro, coa que puxo en escena, entre outras, Que pasa coas dependentas dos grandes almacéns ao cumpriren os cincuenta?, de Antón Losada (1999). Interveu nas longametraxes Divinas palabras, A metade da vida ou   Martes de Carnaval. No eido da televisión destaca o seu traballo en diversos programas de variedades e series como Velaí, Luar e Mareas Vivas. Exerceu en varias ocasións como axudante de dirección e locutora de radio.

PERSOEIRO

Físico e astrónomo francés. Coñecido como Guillaume, investigou a disposición do espello dos telescopios que levan o seu nome. Crese que foi profesor no Collège de Chartres. O seu nome aparece a raíz dunha memoria sobre megáfonos de 1672; na carta de presentación, Henri de Bercé explica que Cassegrain ideara o telescopio reflector. Un século máis tarde, Ramsden evidenciou a utilidade do telescopio de Cassegrain, especialmente en canto á eliminación das aberracións esféricas.

GALICIA

Xornalista e cineasta. Licenciouse en Ciencias da Información na especialidade de Imaxe. Formou parte do grupo que, a partir dos anos setenta, creou un espazo propio para a imaxe animada galega desde diversos eidos: produción, realización, análise e divulgación. Compaxinou a súa actividade como crítico cinematográfico e teatral coas súas realizacións para cine, televisión e vídeo. En 1979 fundou Rula Difusora Cultural Galega, unha das primeiras tentativas para crear unha distribuidora de cine galego. Interveu en diversas curtametraxes como foto-fixa, entre eles, A tola (1974), de Miguel Gato, e Fendetestas (1975), de Antonio F. Simón; na produción Illa (1976), de Carlos L. Piñeiro, e O herdeiro (1976), de Miguel Gato. Estreouse como director con O pai de Migueliño (1977), un relato fílmico de carácter evocador sobre o tema da emigración que foi galardoado con varios premios. Durante a década dos oitenta foi un dos fundadores da produtora Vídeo Trama (1983), dirixiu para TVE o primeiro programa...

PERSOEIRO

Historiadora. Doutora en Filosofía e Letras e profesora de historia antiga na Universidade de Vigo, onde dirixiu o departamento de Historia, Arte e Xeografía. Especializada en numismática antiga, escribiu numerosos artigos en diversas publicacións como Boletín Auriense, Brigantium, Cuadernos de Estudios Gallegos, Gallaecia e Minius, así como en diferentes libros colectivos. Publicou ademais, Galicia romana: circulación monetaria (1973) e La crisis económico-monetaria del s. III, un mito historiográfico? Avance del resultado de los análisis metalográficos sobre dos tesorillos de la Provincia de Lugo (1994). Membro numerario do Instituto Padre Sarmiento de Estudios Galegos, da Sociedade Española de Estudios Clásicos, da Sociedade Antiguidade, Relixión e Sociedade, da Asociación Numismática Española e da Societat Catalana d´Estudis Numismatics.

1. Relativo ou pertencente á liñaxe dos cegrís.

2. Individuo pertencente á liñaxe cegrí.

3. Liñaxe nobiliaria do reino nazarí de Granada que rivalizou no poder cos abencerraxes. Este enfrontamento derivou nunha loita interna e no progresivo deterioro do reino, que culminou coa ocupación e incorporación ao reino de Castela en 1492.

1. Relativo ou pertencente os cenagriónidos.

2. Libeliña da familia dos cenagriónidos.

3. Familia de odonatos da suborde dos cigópteros que na fase adulta presenta o corpo sen reflexos metálicos e as alas transparentes coa base estreitada nun pedúnculo. En estado de larva viven, as máis das veces, en augas encoradas ou de pouca corrente. Completan o ciclo vital en menos dun ano e pode chegar a ter dúas xeracións anuais. Esta formada polos xéneros Ceriagrion, Coenagrion, Enallagma, Erythromma, Ischnura, Nehalennia e Pyrrhosoma.

1. Relativo ou pertencente á escala centígrada de temperatura, tamén denominada escala de Celsius.