"AND" (Contén)

Liñaxe asturiana procedente do lugar de Bandujo (Oviedo), de onde tomou o nome. As súas armas levan, en campo de azul, unha árbore ao natural, terrazada de sinople e un lobo tamén da súa cor e pasante, atado ao tronco por unha cadea de ferro. Algúns investigadores recollen para a rama galega deste apelido un escudo semellante: en campo de azul, unha árbore ao natural, terrazada de sinople e un lobo tamén da súa cor, empinado e atado ao tronco cunha cadea de ferro que o suxeita pola metade do seu corpo. Outra variante leva, un lobo encadeado a un carballo, en campo de azul.

Asemblea convocada en abril de 1955 pola India, Paquistán, Indonesia, Sri Lanka e Myanmar, na que participaron 29 países de África e de Asia (entre outros China, Exipto, Etiopia, Xapón ou Vietnam do Norte). Significou a toma de conciencia destes pobos, moitos deles independentes dende había pouco, fronte aos países desenvolvidos. A conferencia remarcou a urxencia do desenvolvemento económico e dunha política anticolonialista e neutralista. Adheriuse á Declaración Universal dos Dereitos Humanos. Sostivo as reivindicacións de independencia de Marrocos, Tunes e Alxeria e a loita dos árabes contra o estado de Israel. Destacaron as intervencións de Nehru, Zhou Enlai, Nasser e Sukarno. Foi o lugar de nacemento do Movemento dos Países non Aliñados, baseado na non agresión e a non inxerencia nos asuntos internos dun país, o respecto á soberanía nacional e á coexistencia pacífica.

Cultura mesolítica de Xava caracterizada por unha industria de follas de obsidiana con follas denticuladas, puntas triangulares e algúns obxectos de ósos moi simples.

Instrumento cordófono das familia dos laúdes. Ten doce cordas, sen cordal, que se fan soar co plectro. De orixe oriental (SL de Asia), foi moi popular en Ucraína a partir do s XV.

Instrumento cordófono da familia dos laúdes, moi común na música popular hispánica. De dimensións reducidas (uns 50 cm), caixa de dorso plano e en forma de pera co mango moi curto, en proporción coa caixa; está dividida en catorce trastes, sen cordal e con seis dobres cordas. Nos conxuntos de bandurras e guitarras ten destinada a parte aguda, e faise soar por medio dunha puga, en trémolo case constante.

Instrumentista que toca a bandurra.

ancho de banda.

Deporte escandinavo practicado nunha pista rectangular de xeo por dous equipos de once xogadores que intentan introducir unha pelota cun bastón na portería contraria. É un precedente do hóckey sobre xeo.

Entidade bancaria estadounidense constituída en San Francisco no ano 1904 co nome de Banco de Italia; este feito revelaba a orixe do capital, baseado no aforro dos inmigrantes transalpinos. Rapidamente iniciou unha expansión por todo o ámbito estatal. No ano 1930 fusionouse co Banco de América de California para formar a entidade actual. Entrou no mercado español da man do Banco de Santander.

Organismo financeiro e banco central do Reino Unido. Foi fundado no 1694, coa finalidade de financiar a guerra contra Francia (1689-1697). Durante os ss XVIII e XIX actuou como un banco privado, xa que se encargaba da circulación e emisión dos valores do goberno; a partir do 1751, ocupouse da administración da débeda pública. Como banco central británico, realiza as funcións de banqueiro do goberno, dos bancos e das discount houses, institucións do mercado monetario. Xestiona a emisión das letras do tesouro e intervén para manter a orde no mercado.

Fósil pertencente a un espécime preneandertalense atopado preto do Estany de Banyoles. Recolleuno Pere Alsius no 1887 entre os travertinos calcarios da Formiga, formados polos depósitos sedimentarios do antigo lago, moito máis grande ca o actual, cunha antigüidade próxima aos 90.000 anos. Existen varias controversias sobre o desgaste do esmalte dos dentes; sen embargo, a opinión máis común é a que atribúe ese feito a unha práctica de puído das peles polo que se sostén que pertencía a unha muller adulta. Consérvase na Colección Prehistórica Alsius de Banyoles.

Andrea da Barberino.