"SS" (Contén)

Mediametraxe filmada en 1916 polo fotógrafo José Gil, que constitúe a primeira película galega de ficción que se conserva. Foi obxecto de dúas reconstrucións, nas décadas de 1980 e 1990. Con guión de Rafael López de Haro, destaca polas paisaxes pontevedresas e a interpretación dun grupo de actores afeccionados de Pontevedra, entre os que figura Castelao nun breve papel secundario.

Misal Auriense.

Misal Compostelano.

Funcionarios carolinxios delegados polo monarca para vixiar a administración e o cumprimento das leis civís e eclesiásticas. Instituídos por medio dun capitular do 802, xulgaban en última instancia as cuestións xurídicas máis graves e controlaban os impostos e os traballos públicos. Desapareceron a comezos do s X.

Institución eclesiástica francesa encargada da evanxelización das rexións máis descristianizadas. Foi establecida pola xerarquía francesa en Lisieux (1941) e a súa sé foi trasladada a Pontigny (Yonne), onde pasou a depender dun prelado francés (o primeiro foi o cardeal Liénart, bispo de Lille), representado por un vigairo xeral residente.

Gran río de América do Norte que recolle e leva cara ao golfo de México as augas das grandes chairas de EE UU, que atravesa de N a S. Nace en Elk Creek, unha das zonas de lagos de Minnesota, a 512 m de altitude, e ten unha lonxitude medida de 6.800 km desde o nacemento do Missouri, o que o converte no cuarto río máis longo do mundo. O seu caudal é o maior de América do Norte. En todo o seu percorrido é un río de chaira cunha pendente moi escasa o que fai que teña ata 1 km de ancho, e en tempo de enchenta inunde extensións extraordinarias. Os afluentes do Mississippi son de dúas clases: os da dereita, do O árido, proveñen da vertente oriental das Montañas Rochosas, de escasas precipitacións e polo tanto de pouco caudal, destaca o Missouri, o White, o Arkansas e o Red; os da esquerda proveñen da rexión dos Grandes Lagos e do sistema montañoso Allegheny, que son zonas ricas en precipitacións, destacando o río Ohio, que domina o seu réxime. Descuberto en 1541 por Hernando de Soto, foi unha...

Estado de EE UU, que recibe o seu nome do río Mississippi, o que constitúe o seu límite occidental (123.514 km2; 2.844.658 h [2000]). Limita ao N con Tennessee, ao L con Alabama, ao S co golfo de México e Louisiana e ao O con Arkansas. A súa capital é Jackson. A chaira aluvial do Mississippi esténdese desde o ángulo NO do estado ata Vicksburg. A agricultura ocupa á metade da poboación activa, con cultivos de cereais, forraxe, laranxas e algodón, que está moi mecanizado. A súa industria, máis atrasada, deriva da explotación forestal. É un dos estados menos desenvolvidos de EE UU, a pesar das súas boas condicións para o transporte e da abondosa dispoñibilidade de enerxía. O territorio, habitado polas tribos indias Chickasaw, Choctaw e Natchez, foi explorado por Hernando de Soto (1541), Jolliet e Marquette (1673) e Cavelier de la Salle (1682). Formou parte de Louisiana (1682), vendida pola monarquía hispánica a EE UU (1795) e por mor do desenvolvemento do cultivo algodoeiro...

Época que se corresponde co Carbonífero Inferior e que está comprendida entre o Devónico e o Pennsylvaniano.

Estado da rexión Central NO de EE UU, que limita ao N con Iowa, ao S con Arkansas, ao O con Oklahoma, Kansas e Nebraska e ao L con Illinois e Kentucky (180.516 km2; 5.595.211 h [2000]). A súa capital é Jefferson City. O curso inferior do Missouri, que atravesa o seu territorio de O a L ata chegar ao Mississippi, separa unha rexión N, alterada polos vales dos afluentes do Missouri e dominada por pradarías; e unha rexión S, de montes. Son importantes os seus recursos mineiros. A industria, con produción de material de transporte, automóbiles, industria alimentaria, refinarías de petróleo, petroquímica e maquinaria agrícola, é a primeira actividade económica do estado e atópase concentrada arredor das cidades de Kansas City e Saint Louis. Explorado o seu territorio por Jolliet e Marquette (1673), formou parte de Louisiana (1682) e logo pasou a EE UU (1803). Foi admitido como estado escravista da Unión (1822). A pesar da decisión de permanecer integrado á Unión (1861),...

Construción situada en Moissac, Gascoña. Está situada á beira do Camiño Francés de peregrinación a Santiago e a abadía data dos ss XII e XIII, da que destaca o claustro (1100). Na igrexa ten importancia a porta meridional, cun monumental relevo da Visión da Apocalipse (1130) de influencia mozárabe.