"CY" (Contén)

Xénero de fungos, de cogomelos de sombreiro plano ou convexo, que presentan un pé cun anel a xeito de cortina e láminas na madureza de cor amarela ou alaranxada. En Galicia están presentes as especies D. anthracina, D. aureifolia, D. cinnabarina, D. cinnamomea, D. cinnamomeobadia, D. cinnamomeolutea, D. crocea, D. croceifolia, D. malicoria, D. sanguinea, D. semisanguinea e D. uliginosa.

Personaxe de cómic creado polo debuxante norteamericano Chester Gould. Apareceu por vez primeira no New York Daily News en outubro de 1931. Trátase dun policía que, na época de máis actividade do gangsterismo, emprega todo tipo de estrataxemas ilegais para acabar cos seus rivais. Trala retirada do seu creador en 1977, o novelista Max Allan Collins e os debuxantes Dick Fletcher e Dick Lochercontinuaron coa produción da serie. En 1994 foi levado ás pantallas cinematográficas da man de Warren Beatty, Al Pacino, Dustin Hoffman e Madonna.

Xénero de mamíferos fósiles da suborde dos dicinodontos, de ata 1,2 m de lonxitude, coa cabeza grosa, o corpo curto, e un par de caveiros longos e saíntes na mandíbula superior. Vivía baixo terra alimentábase de raíces e bulbos. Propios de finais do Pérmico, os xacementos máis importantes están en Sudáfrica e Tanzania.

Obra publicada baixo a dirección de Denis Diderot entre 1751 e 1780, en 35 vols, dos que 17 son de texto e 11 de láminas (1751-1772), 5 de suplementos (1776-1777) e 2 de índices analíticos (1780). O seu título completo é Encyclopédie ou Ditionnaire raisonné des sciences, des arts et des métiers, aínda que tamén se coñece co nome abreviado de Encyclopédie (ou Enciclopedia

Organización internacional europea que aglutina a investigación espacial no continente, con sede en París. Creouse en 1975 a partir da fusión da European Launcher Development Organization (ELDO) e da European Space Research Organization (ESRO). Ten como misión promover a investigación e a tecnoloxía espacial con propósitos exclusivamente pacíficos. Está integrada por trece estados: Austria, Bélxica, Dinamarca, España, Francia, Gran Bretaña, Irlanda, Italia, Luxemburgo, Noruega, Países Baixos, Suecia e Suíza. Finlandia é un membro asociado e Canadá asinou un acordo de cooperación. A ESA realiza os seus programas mediante o foguete Ariane. Iniciou o programa da estación espacial Spacelab e programou misións interplanetarias, como a da sonda Giotto lanzada ao encontro do cometa Halley en 1986. En 1991 creou o consorcio Spacelink.

Liñaxe de príncipes rusos de orixe lituana. Descenden de Guedimín I de Lituania (1316-1341) e entre os seus membros destacaron Vasili Vasiliejvi č (1643-1714), conselleiro do Tsar Fiodor III e un dos artífices da Paz Perpetua con Polonia (1686); Mikhail Mikhajlovi č (1674-1730), conquistador e gobernador de Finlandia (1714-1721); Dimitri Alexejvi č (1738-1803), ilustrado e autor de Descrición de Taúrida (1888); e Boris Borisovi č (1862-1916), físico e director do observatorio de San Petersburgo.

Xénero de ácaros, da familia dos tiroglífidos, que se caracterizan por presentar un tegumento liso ou rugoso e o último par de patas máis longo ca o resto. Normalmente viven sobre a materia orgánica seca.

Xénero de fungos, da familia das higroforáceas, que presenta láminas grosas, basidios longos sen veo parcial e con esporada branca.

Xénero de plantas herbáceas, da familia das solanáceas, de follas simples e alternas, flores infundibuliformes quinquelobuladas e froito en cápsula que se inclúe no cáliz acrescente. Son plantas oficinais que medran en terrapléns ou preto de muros. A especie H. albus atópase fundamentalmente na rexión mediterránea e H. niger medra en case toda Europa.

Xénero de fungos da familia das cortinariáceas, clase basidiomicetos. Son de cores pardas, máis ou menos escuras, e escamosas, e resulta difícil diferencialos. En Galicia son comúns as especies I. heimii (propio de piñeirais e dunas), I. geophylla e I. calamistrata.

Deligth Jones.

(Dubiecko, Galitsia 1735 - Berlín 1801) Poeta polaco. Bispo de Varnia (1766), foi un dos autores satíricos máis interesantes e o poeta máis destacado da Ilustración en Polonia. Ademais de traducir a Plutarco e escribir tratados de poesía, publicou Bajki (Fábulas, 1779) e Stayry (Sátiras, 1779).