"Vera" (Contén)

PERSOEIRO

Escritor colombiano. Formou parte do parlamento colombiano e figurou nas delegacións que foron a México (1921), Perú (1924) e Cuba (1928). Iniciouse como poeta modernista de tendencia parnasiana, que reflectiu nos sonetos inseridos en Tierra de promisión (1921). Publicou unha única e importante novela, La Vorágine (1924). Xunto a Ricardo Güiraldes e Rómulo Gallegos foi un dos iniciadores da novela hispanoamericana.

PERSOEIRO

Independentista uruguaio. Xefe do Partido Colorado, foi ministro de Guerra (1829) e primeiro presidente da República de Paraguay (1830-1834 e 1839-1843). Tivo que resistir ao enfrontamento de Manuel Ceferino Oribe, do Partido Blanco, que tiña o apoio do presidente arxentino Juan Manuel de Rosas. Á fin da guerra civil propuxeron unha presidencia tripartita, Juan Antonio Lavalleja, Venancio Flores e Rivera, pero morreu antes.

PERSOEIRO

Xornalista. Foi conservador do Hospital Real de Santiago de Compostela e cronista da cidade. Fundou e dirixiu El Eco de Santiago, onde escribiu co pseudónimo de Diego de Muros. Escribiu Breve reseña histórica y artística del Gran Hospital de Santiago (1910), El monasterio y templo de Santa María la Real de Sar, único en el mundo por su inclinada construción (1920), e Notas compostelanas. Historia, tradiciones, leyendas, miscelánea (1947).

MUNICIPIOS

Municipio situado na illa de Mallorca, Illes Balears (9.432 h [2001]). O desenvolvemento turístico fixo da costa un dos máis importantes centros turísticos de Mallorca.

MUNICIPIOS

Municipio da provincia de Toledo, Castela-A Mancha, situado na beira do Tajo (75.369 h [2001]). É o primeiro centro urbano da provincia. Establecida sobre a antiga cidade romana de Caesarobriga, foi conquistada por Ṭ ãriq ibn Ziyãd (712) e reconquistada por Afonso VI en 1082. Tivo unha notable industria de cerámica de vidro nos ss XVI-XVIII da que destacaron as manufacturas dos tecidos de seda. Nos seus arredores tivo lugar a Batalla de Talavera de la Reina (1809) entre un exército angloespañol e as tropas francesas, que saíron derrotadas. Conserva un recinto amurallado (BIC, 1931), en que se atopa a Porta de Sevilla (s XVI). Destacan edificios relixiosos como a colexiata de Santa María (ss XIV-XV), a igrexa de Santiago, dos ss XIV-XV (BIC, 1931), con fachadas mudéxares e interesantes azulexos na capela bautismal (s XVIII), a basílica de Nuestra Señora del Prado (BIC, 1933), o palacio dos marqueses de Villatoya (BIC, 1992) e o Colegio Cervantes (BIC, 1992).

MUNICIPIOS

Municipio da provincia de Badajoz, Extremadura, situada ao L da capital provincial, á beira do Guadiana (5.284 h [2001]). Centro industrial, destaca tamén a agricultura e gandaría lanar.

PERSOEIRO

Prelado. Xudeu converso, ingresou nos xerónimos en 1466 e foi prior de Valladolid entre 1470 e 1485. Bispo de Ávila (1485-1493) e confesor de Isabel I, coñeceu a C. Colón, a quen axudou economicamente. Conquistada Granada en 1492, foi o seu primeiro arcebispo (1493-1507). O cardeal Cisneros opúxose á súa política de asimilación pacífica dos musulmáns e en 1507 a Inquisición acusouno de xudaizante. Fundou un colexio episcopal do que xurdiron un bo número de bispos reformadores.

MUNICIPIOS

Municipio da provincia de Almería, Andalucía, situado nos límites orientais da serra dos Filabres (7.664 h [2001]). A industria principal é a do sector da pel e do calzado.

PERSOEIRO

Médico e político. Foi un dos fundadores do Partido Socialista Obrero Español (1879). Colaborou en El Socialista e encargouse da redacción do “Informe a la Comisión de Reformas Sociales” (1884), que se considerou como unha das primeiras obras doutrinais marxistas escritas en España. En 1984 constituíuse a Fundación Jaime Vera, dedicada á formación política.

CIDADES

Cidade do estado de Veracruz, México, situada na costa do golfo de México (457.377 h [2000]). Destaca a actividade do seu porto de mar e a industria do calzado, alimentaria, química e de construcións navais. Fundada por Hernán Cortés en 1519 co nome de Villa Rica de la Santa Cruz, a cidade moderna data de 1599, cando se construíu o primeiro porto.

IGREXAS

Igrexa situada no Carballiño. Proxectada por Antonio Palacios de xeito gratuíto e financiada por subscrición popular, a súa construción iniciouse en 1943. Mesturou diferentes estilos arquitectónicos e escultóricos e concibiuse como unha grande igrexa de peregrinación medieval con xirola e capelas radiais, na que harmonizaban formas e elementos de estilos aparentemente opostos, como o románico (arcos) e o gótico (vidreiras, rosetóns). Destaca o xogo de volumes nas capelas, nas naves, na xirola e no cruceiro, sobre os que resalta a torre campanario. Os remates ameados conferíronlle un aspecto de fortaleza. Na construción dos muros empregouse cachotaría, e reservou a cantaría granítica para as esquinas e os contrafortes. Rematouse en 1957, aínda que dous anos despois continuouse con algunhas modificacións non previstas por Palacios.

PARROQUIA

Parroquia do concello de Lugo baixo a advocación de san Vicente.