"An" (Contén)

PERSOEIRO

Político mexicano. Senador (1936), maxistrado do Tribunal Supremo (1939) e gobernador de Veracruz (1936-1939). No ano 1946 foi elixido presidente do Partido Revolucionario Institucional (PRI). No 1952 sucedeuno Adolfo Ruiz Cortines.

PERSOEIRO

Escultor de orixe alemana. Entre outras obras fixo dúas cadeiras para o coro da catedral de Plasencia.

ENTRADA LARGA

Estado de Europa central que limita ao O cos Países Baixos, Bélxica, Luxemburgo e Francia, ao S con Suíza e Austria, ao L coa República Checa e Polonia e ao N con Dinamarca e o mar Báltico [357.021 km2; 82.012.000 h [estim 1997]). A capital é Berlín.
A xeografía física

O relevo e a xeoloxía
Ó estudar o relevo de Alemaña adóitase distinguir tres grandes unidades rexionais: ao sur, unha rexión alpina e prealpina (Hochgebirge); máis ao norte, unha rexión montañosa de transición, extensa e variada, formada por un conxunto de macizos e depresións de gran complexidade orográfica (Mittelgebirge); e por último a rexión setentrional (Norddeutsches Tiefland), que é o sector alemán da gran chaira do N da Europa central. O Mittelgebirge está constituído por antigas serranías hercinianas, formadas durante o Carbonífero e igualmente anuladas...

REPUBLICAS

Nome oficial do estado constituído o 7 de outubro de 1949 no territorio da Alemaña Oriental baixo o control do exército soviético dende o remate da Segunda Guerra Mundial. Trala caída do rexime comunista en 1989, foi anexionada á República Federal de Alemaña o 3 de outubro de 1990.

REPUBLICAS

Nome do estado constituído o 21 de setembro de 1949 nos territorios da Alemaña Occidental ocupados, ao rematar a Segunda Guerra Mundial, polos exércitos do Reino Unido, Francia e os EE UU ( Alemaña).

PERSOEIRO

Enciclopedista francés. En 1739 publicou Mémoire sur le calcul intégral, que lle serviu para ser admitido en 1741 na Académie des Sciences. Dous anos máis tarde publicou a súa obra fundamental, Traité de dynamique. Nomeado codirector da Encyclopédie con Diderot (1747), encargouse das seccións de matemáticas e física. No Discours préliminaire (1751), expuxo as liñas mestras da obra. En 1754 ingresou na Academia Francesa. Unha serie de razóns fixéronlle abandonar a codirección da Encyclopédie (1758). A súa reflexión filosófica apareceu, sobre todo, no Essai sur les éléments de philosophie, publicado en 1759 na segunda edición das súas Mélanges de philosophie, d’histoire et de littérature (primeira edición, 1753). Os seus tratados sobre matemática foron reunidos nos Opuscles mathématiques (1761-1780, 8 volumes). A súa aportación científica, influída fundamentalmente por Newton, centrouse, no que toca á física, en resolver...

1. Que pertence ao Alentejo ou aos seus habitantes.

2. Habitante ou persoa procedente do Alentejo, en Portugal.

PERSOEIRO

Político chileno, fillo dun inmigrante italiano. En 1920 chega á presidencia como candidato da Alianza Liberal, opoñente da coalición das dereitas. Tentou unha serie de reformas, pero as cámaras, controladas polos conservadores, impedíronlle toda actuación coherente, dificultada ademais pola inestabilidade do goberno, a crise económica e as reivindicacións obreiras. En 1924 un comité militar fíxose cargo do poder. Alessandri exiliouse en Europa, pero pouco tempo despois un novo golpe militar de tendencia liberal devolveuno á presidencia (marzo de 1925) o que lle permitiu a aprobación dunha nova constitución presidencialista e laica (agosto de 1925). Alessandri demitiu en outubro do mesmo ano. Despois da denominada república socialista (1931), foi elixido de novo presidente nunha coalición de concentración nacional (1932-1938). Neste mandato creou a milicia republicana (1933) e puxo fin á lexislación social instaurada no decenio 1920-1930 (leis do salario vital e de medicina preventiva)....

PERSOEIRO

Político, enxeñeiro e home de negocios, fillo de Arturo Alessandri Palma. Gañou as eleccións presidenciais de 1958. En 1964 foi substituído por Eduardo Frei. Actuou como vicepresidente do Banco de Sudamérica e como director e accionista dunha rede de fábricas de papel e de refinerías de azucre; colaborou coa ditadura do Xeneral Pinochet cando era presidente do Consello de Estado ata que demitiu (1976-1981).

PERSOEIRO

Militar. Foi nomeado xefe dos exércitos por Andrónico II Paleólogo nas negociacións previas á expedición de Roger de Flor. Comandou a infantería nas vitorias de Aulax e de Artaki. Sitiada a cidade de Tira polos turcos, Corberan de Alet derrotounos, morrendo dun frechazo na testa cando ía na súa persecución.

CORDILLEIRAS

Cordilleira da rexión aleutiana, prolongación de Alaska Range, que se estende ao longo da península de Alasca constituíndo a súa espiña dorsal. Está formada por montañas volcánicas que descansan sobre unha serie de sedimentos post-oceánicos pregados. Algúns destes volcáns están aínda hoxe en actividade: o Katmai (2.047 m de alt) ten un dos maiores cráteres do planeta. O Iliamma Volcano (3.074 m de alt) é o pico culminante da cordilleira. O clima frío e húmido dá lugar á vexetación de tundra, motivo polo que os poucos habitantes (esquimós aleutianos, xunto con pescadores e cazadores ianquis) se concentran nas baías costeiras.

ILLAS

Arquipélago pertencente a Alasca, EE UU, que separa o mar de Bering do océano Pacífico. Constituída por unhas 150 illas e illotes volcánicos que, formando un arco semicircular, prolongan a península de Alasca en dirección á de Kamčatka. Inclúe o grupo das Fox (Unimak, Unalaska, Umnak), onde vive a maior parte da poboación, e Andreanof, Rat e Near. O clima é frío e húmido, dando lugar á formación de néboas. A súa poboación vive da pesca e da caza (principalmente focas) e da gandería ovina. Ocupadas polos xaponeses en 1942 durante a Segunda Guerra Mundial foron recuperadas polos EE UU no 1943. Actualmente constitúen un punto estratéxico da defensa dos EE UU, con bases militares e estacións de radar.

PERSOEIRO

Arquitecto. Remata os seus estudios na Escola de Arquitectura de Madrid no ano 1932 e a partir de aí inicia unha carreira que o converterá nun dos modernizadores da arquitectura galega da posguerra civil. Gracias ás súas viaxes por Hispanoamérica e Europa, entrará en contacto co racionalismo da Bauhaus ou coas experiencias sudamericanas dos anos corenta e cincuenta. Na súa obra mestúrase a introdución de elementos e proxectos renovadores co eclecticismo da realidade arquitectónica galega. Desenvolve a súa actividade no Ourense dos anos cincuenta e sesenta. Obras como a Granxa de Valverde (Allariz, 1965) ou a emblemática Torre de Ourense, marcaron a construción galega destes anos. Ademais, Álex Reylén compaxinou a súa faceta creativa coa presidencia da Deputación de Ourense, desde onde impulsou a renovación da arquitectura institucional, e do Consello de Administración da Caixa de Aforros Provincial entre os anos 1950 e 1970.

PERSOEIRO

Arquitecto inglés. Foi mestre de obras da catedral de Worcester (1224-1240). A súa obra é moi característica do Gótico primitivo inglés.

ARQUIPELAGOS

Arquipélago da costa pacífica de América do norte, Alasca, EE UU. Esténdese de N a S dende o Cross Sound ata a Dixon Entrance e está formado por unhas 1.000 illas, de relevo abrupto e costas moi recortadas. As illas principais son Baranof, Chicagof, Admiralty, Kupreanof, Prince of Wales e Revillagigedo.

PERSOEIRO

Arquitecto norteamericano. Teórico e investigador. Levou a cabo o seu labor no Center for Environmental Struture e na Universidade de Berkeley. Propuxo modelos de aplicación universal no campo do deseño.