"AN" (Contén)

Revista semanal que se editou en Santiago de Compostela dende outubro de 1876 ata xuño de 1877. O catedrático de Dereito Eduardo Mosquera Montes foi o fundador e director desta publicación cultural. Definiuse como o órgano dos que se dedicaban a estudar ciencias, e como a defensora dos intereses das provincias galegas. Colaboraron coa revista Xosé Mª Montes, E. Álvarez, Juan Barcia ou Antonio López. Destaca o estudo que editaron en maio de 1877 no que se falaba sobre o ano no que comezou a catedralicidade da igrexa de Santiago de Compostela.

Sociedade de previsión social mediante o socorro mutuo fundada polos fabricantes de calzado de Santiago de Compostela no ano 1878 e que recibiu o apoio gobernativo en decembro de 1901. A súa principal fonte de ingresos eran as cotas dos zapateiros, aos que formaba na súa propia organización.

Liña férrea, tamén denominada Ferrocarril Compostelano de la infanta doña Isabel, que foi inaugurada o 15 de setembro de 1873 e que unía as localidades de Carril e Cormes (Santiago de Compostela) cun percorrido de 41,01 km. O nacemento do ferrocarril en Galicia estivo vinculado aos elementos liberais e recibiu o apoio da Real Sociedad Económica de Amigos del País de Santiago. A Sociedad del Ferrocarril Compostelano, constituída en 1863, contou entre os seus accionistas cun importante grupo de inversores da burguesía de Santiago, entre os que se incluían Andrés Vicente Nieto, Antonio García Candal, Andrés Tarrío, Baltasar Stolle, José Ignacio Eleizegui e Inocencio Vilardebó. Os emigrantes cubanos tamén participaron na empresa, pero a maior parte do capital proviña dos accionistas británicos, encabezados por John S. Mould. Entre o accionariado galego cómpre mencionar a Ramón Valle Inclán Bermúdez, pai de Ramón María del Valle-Inclán e coñecido liberal, que participou no consello de administración...

Xornal informativo que se editou en Santiago de Compostela a partir de febreiro de 1920 co subtítulo de “Diario Independiente”. Ramón Díaz-Varela Ituarte fundou esta publicación de ideoloxía católica, conservadora e xermanófila, que durante a Guerra Civil apoiou o bando nacional. Estaba dividido nas seccións “Crónica”, “Boletín del día”, “Galicia”, “Espectáculos”, “Noticias”, “Sucesos”, “Última hora” e “Anuncios”. No que respecta ao eido da literatura pódense subliñar as seccións “Pasatempos”, “Página poética” e “Folklore gallego”, nas que se incluíron traballos sobre costumes populares. Entre os colaboradores figuraban José Mª Moar, Salvador Cabeza de León, F. Fernández del Riego, J. Rey González, Ramón Cabanillas, F. Cabo Pastor, Carmiña Prieto, Portela Pazos e Otero Pedrayo, entre outros. Entre os anos 1925 e 1941 fixo unha importante contribución á literatura galega, xa que publicou unha gran variedade de poesía nesta lingua. Tamén hai que destacar a prosa de carácter costumista, os...

Revista que fundou en Santiago de Compostela o cardeal arcebispo Fernando Quiroga Palacios no ano 1956. Esta publicación foi o órgano de expresión do Centro de Estudios Jacobeos e da Universidade Pontificia de Santiago. Estaba dividida en dúas seccións: a primeira de carácter eclesiástico e redactada polos profesores do seminario, e a segunda de tipo histórico. Baixo a dirección de Manuel Rey Martiz editáronse catro números ao ano, dous de cada temática. A partir de 1966 incorporáronse á dirección os profesores Silva Costoya e Barreiro Fernández; este último foi o seu director a partir de 1968. A través desta revista organizáronse tres congresos que cómpre salientar, o Mariano en 1966, o II de Historia Jacobea Internacional en 1965, e o último en 1969.

Que ou quen comunga.

Que ou quen comunica algo ou se comunica con algo ou alguén.

Fraternidade de igrexas pertencentes ao anglicanismo.

Nome dos catro membros dunha familia de soberanos de Bretaña que reinou entre os ss X ao XII. Conan I o Torto (?- Conquereuil 992), conde de Rennes (970-992), tentou reinar en Bretaña. Morreu loitando co conde Fulques de Nerra. Conan II (1040-1066), duque de Bretaña, loitou contra Guillerme o Bastardo, duque de Normandía. Morreu envelenado. Conan III o Gordo (1095-1148), duque de Bretaña (1112-1148), casou con Matilde, filla do rei de Inglaterra Enrique I e loitou ao seu carón. Suprimiu nun concilio os restos do réxime de servidume (1127). Conan IV o Pequeno (1137-1171), duque de Bretaña no 1156, loitou contra a nobreza bretoa e pediu axuda a Enrique II de Inglaterra. En compensación, casou a súa filla Constanza co fillo do monarca inglés, Godofredo Plantagenet, e cedeu o ducado á custodia de Enrique II.

Personaxe creado en 1932 polo escritor norteamericano Robert E. Howard para a revista Weird Tales. A partir de 1970, Roy Thomas, guionista da editora Marvel, ideou un cómic cun guión creado por el mesmo e acompañado de debuxos en cor de Barry Windsor-Smith. O protagonista, que naceu no reino de Cimmeria, caracterízase pola súa fortaleza física, capacidade de loita e intelixencia.