"Ondo" (Contén)

GALICIA

Profesor e escritor. Traballou como redactor curricular para a Asociación Sócio-Pedagóxica Galega, Vía Láctea e Bahía Edicións. Foi un activo colaborador do colectivo De Amor e Desamor, co que entrou en contacto en 1984. Participou en antoloxías e libros de autoría colectiva como Alén (1977), con X. R. Pena e P. Salinas, De Amor e desamor 1 (1984), De Amor e desamor 2 (1985) e Homenaxe a González Garcés (1991).   Como ensaísta publicou diversos traballos sobre autores galegos como Eduardo Pondal, Álvaro Cunqueiro, Manuel María (Edipo, 2003), Ramón Cabanillas e Antón Avilés de Taramancos, e os ensaios A mazá e a cinza. A poesía galega após 1976 (1991), estudo sobre a poesía galega contemporánea, e A escrita da terra (Premio Espiral Maior de Ensaio, 1998). Tamén participou na realización de guións para medios audiovisuais sobre Álvaro Cunqueiro (Don Cunqueiro ou O camiño da memória, 1991), Luís Pimentel e Eduardo Pondal, e escribiu o libro de poesías O whiskey na barrica (Premio Fiz Vergara...

PARROQUIA

Parroquia do concello de Oza dos Ríos baixo a advocación de santa Cruz.

FILOSOFOS

Filósofo italiano. Amosou un interese especial pola filosofía grega antiga, o período moderno (Descartes, Hobbes, Condillac) e polo marxismo, do que destacou os aspectos máis dinámicos. Escribiu, entre outras obras, Saggi per la storia della morale utilitaria (1903-1904), Il pensiero antico (1928), L’infinito nel pensiero dell’antichità clásica (1956), Il pensiero politico nel Risorgimento ialiano (1959) e Da Ardigò a Gramsci (1962).

PARROQUIA

Parroquia baixo a advocación de Nosa Señora do Carme que dá nome ao concello de Mondoñedo, onde se atopa a capital municipal, no lugar homónimo.

GALICIA

Concello da comarca da Mariña Central, situado ao N da provincia de Lugo, no NL da Comunidade Autónoma de Galicia, a 43° 25’ 50’’ de latitude N e a 7° 21’ 45’’ de lonxitude O, e a 70 km da capital provincial. Limita ao N cos concellos de Foz e Alfoz (comarca da Mariña Central), ao S cos da Pastoriza (comarca de Terra Chá) e Riotorto (comarca de Meira), ao L co de Lourenzá (comarca da Mariña Central) e ao O cos de Alfoz (comarca da Mariña Central) e Abadín (comarca de Terra Chá). Abrangue unha superficie de 142,7 km 2 , cunha poboación de 4.701 h (2007), distribuídos nas parroquias de Argomoso, O Carme, A Couboeira, Figueiras, Lindín, Masma, Mondoñedo, Oirán, Os Remedios, San Vicente de Trigás, Santa María Maior, Santiago de Mondoñedo, Sasdónigas, Vilamor e Viloalle. A súa capital é a vila de Mondoñedo, na parroquia homónima. Está adscrito á provincia de Lugo, á diocese de Mondoñedo-Ferrol e ao partido xudicial de Mondoñedo.
Xeografía física
O concello...

SEMANARIOS

Semanario publicado en Mondoñedo a partir de 1904. Cesou ao redor de 1917. Fundado polo deputado provincial César G. Seco Romero, estivo dirixido por Eduardo Lence-Santar. Incluíu algúns poemas en galego (seis de Noriega Varela) e textos literarios de Leiras Pulpeiro e Xosé Mª de la Fuente. A partir da década de 1940 puido ter unha segunda época, en que se incluíron poemas, panxoliñas e relatos populares en galego.

PUBLICACIÓNS

Publicación editada en Bos Aires a partir de 1926. Subtitulada “Publicación oficial de la sociedad Mondoñedo y distritos”, funcionou como órgano da sociedade, cun certo carácter republicano. Incluíu textos literarios en galego da autoría de Leiras Pulpeiro e Trapero Pardo.

ENTRADA LARGA

Catedral situada en Mondoñedo, baixo a advocación de Nosa Señora da Asunción. A diocese data do s VI pero o seu emprazamento actual non foi efectivo ata o primeiro terzo do s XII. As obras do templo iniciáronse en 1219 e a catedral foi consagrada en 1248 polo bispo Martiño. Nos ss XVI e XVIII leváronse a cabo reformas aínda que se mantivo parte da estrutura interna primitiva. Conxuga diferentes estilos arquitectónicos a pesar de que nun principio seguía os cánones románicos. Na súa orixe tiña planta basilical, que se converteu en rectangular de tres naves cunha única ábsida. A construción comezou pola cabeceira do templo, que se iniciou en estilo románico. Os piares desta etapa teñen sección cruciforme e o arco transversal no muro das naves menores repousa nunha semipilastra. Despois impúxose o estilo gótico oxival e os arcos foron apuntándose e as bóvedas pasaron a ser de cruzaría agás as da cabeceira, que se mantiveron de estilo románico. No s XVI realizouse a ampliación das fiestras...

IGREXAS

Igrexa situada en Mondoñedo. Foi construída en estilo barroco entre 1733 e 1738, por orde do bispo A. Alexandre Sarmiento, e realizouse en cantaría granítica sobre unha antiga ermida. Ten planta de cruz latina cunha soa nave, cruceiro, capela maior e sancristía detrás. A fachada data de 1755 e presenta rosetón circular e un frontón curvo, flanqueado por dúas torres de dous corpos rematadas en cúpula. Conserva unha inscrición coa data de fundación no lintel da portada principal. No interior destaca o retablo maior barroco do s XVIII coa talla da Virxe dos Remedios, o arco sepulcral, onde descansan os restos do bispo Sarmiento, a bóveda de canón das naves, os brazos do cruceiro e a capela maior. Neste santuario celébrase a concorrida romaría dos Remedios.