"AN" (Contén)

PERSOEIRO

Procónsul romano. Foi martirizado en Salónica baixo Maximiano (306) por facer proselitismo cristián entre os pagáns. É patrón de Salónica, onde se lle dedicou unha igrexa de cinco naves (s V) e diversos mosaicos (s VII). É un dos megalomártires da Igrexa grega e venérase en Constantinopla e Rusia. Na iconografía represéntase como un santo guerreiro con armadura, espada e escudo. Nos iconos gregos represéntase alanceando un dragón, ao igual que san Xurxo en Occidente. A súa festividade celébrase o 26 de outubro en Oriente e o 8 de outubro en Occidente.

PERSOEIRO

Político e enxeñeiro turco. Traballou como enxeñeiro civil nos EE UU (1949-1951) e, ao regresar a Turquía, converteuse en dirixente do partido da Xustiza. Vencedor nas eleccións de 1965, foi nomeado primeiro ministro (1965-1971), cargo que ocupou en posteriores ocasións (1975-1977, xullo-decembro 1977, 1979-1980) e no que mantivo unha política prooccidental e liberal, que favorecía os investimentos estranxeiros. En setembro de 1980 foi deposto por un golpe de estado do exército; como consecuencia, foi encarcerado durante un mes, disolveron o seu partido e inhabilitárono para a actividade política. Rehabilitado en 1987, fundou o partido da Recta Vía, co que se presentou ás eleccións de 1991, en coalición co Partido Socialdemócrata Popular. Nestas eleccións foi elixido primeiro ministro (1991-1993) e presidente da República, en substitución de Özal (1993-2000).

PERSOEIRO

Realizador cinematográfico. Estudiou na Universidade de Florida, onde realizou gravacións de música para películas. Posteriormente, traballou como produtor de anuncios publicitarios da man do director Roger Corman. Con el comezou a producir películas de serie B, como Caged Heat (Cárcere quente, 1974), Crazy Mama (1975) ou Fighting Mad (Loitando polos meus dereitos, 1976). A partir dese momento dirixiu diversos filmes, entre os que destacan Something Wild (Algo salvaxe, 1986, Married to the Mob (Casada con todos, 1988), The Silence of the Lambs (O silencio dos cordeiros, 1991), premiada en Berlín e con cinco Oscar; Cousin Babby (1992); Philadelphia (1993), premiada con dous Oscar, e The Opportunists (2000).

PUBLICACIÓNS

Publicación aparecida en Pontevedra o 30 de xaneiro de 1869 como resultado da fusión de dúas publicacións próximas, La Democracia e La República Federal. Subtitulouse “Periódico federal propagandista”.

1. Relativo ou pertencente á democracia cristiá.

2. Partidario da democracia cristiá ou membro dun partido democratacristián.

1. Relativo ou pertencente á demonomanía.

2. Que ou quen sofre de demonomanía.

PERSOEIRO

Escritor chinés. Da súa produción destacan Liu, Guan he Zhang (1980) e Mirende hai (O atractivo do mar, 1983).

PERSOEIRO

Militar. Participou na Guerra Ruso-xaponesa, (1904-1905) e na Primeira Guerra Mundial. Despois da Revolución de Febreiro de 1917 foi nomeado xefe do estado maior do exército. Declarouse contrario á revolución socialista de outubro, fuxiu á zona do Don e creou os exércitos brancos, cos que se enfrontou ao Exército Vermello. En 1919 centralizou todos os poderes políticos e militares e emprendeu a marcha sobre Moscova. Derrotado en diversas ocasións, foi substituído por Wrangler en 1920. Emigrou ao estranxeiro e desde 1945 residiu nos EE UU.

PERSOEIRO

Teólogo e bispo de Alexandría. Coñecido como Denís o Grande ou o Magno, foi discípulo de Oríxenes, a quen sucedeu á fronte da escola cristiá de Alexandría. Foi elixido bispo de Alexandría (247) e sufriu a persecución do Emperador Decio ata que, finalmente, se retirou ao deserto. Á súa volta (262), enfrontouse a Novaciano, líder dos teólogos alexandrinos, participou activamente nas controversias contra os herexes e apoiou o papa de Roma. Durante a persecución de Valeriano (257), o gobernador de Exipto esixiulle adorar os ídolos do Imperio, pero, ao se negar, foi desterrado ao deserto de Libia. Dous anos despois, o emperador foi apresado polos inimigos e Denís e os seus sacerdotes puideron volver a Alexandría, onde permanecería ata a súa morte. A súa festividade celébrase o 17 de novembro.

PERSOEIRO

Primeiro bispo de París. Convertido ao cristianismo por san Paulo en Atenas, foi predicar o Evanxeo á Galia. Segundo Gregorio de Tours, o Emperador Domiciano mandouno prender en Catulliacus (actual Saint-Denis), onde o martirizaron xunto aos seus discípulos Eutelo, sacerdote, e Rústico, diácono. Como os grandes mártires, foi flaxelado, queimado, botado ás feras, metido nun forno ardente e crucificado ata que, finalmente, morreu decapitado en Montmartre. Conta a lenda que o seu corpo se ergueu, colleu a súa cabeza nas mans e andou ata o lugar onde o enterrarían e onde se construiría a abadía de Saint-Denis, punto de partida do Camiño de Santiago. Preto do ano 625 o rei merovinxio Dagoberto fixo construír alí un mosterio, onde están enterrados case todos os reis de Francia. Na iconografía adoita identificarse con san Denís o Areopaxita.

PERSOEIRO

Bispo de Milán (351). Foi desterrado a Capadocia ao non apoiar a condena do Concilio de Milán (355) contra Atanasio. A súa festividade celébrase o 25 de maio.

PERSOEIRO

Papa (259-268). Foi presbítero da Igrexa romana durante o papado de Estevo (254-257). Elixido papa, restableceu os límites entre as parroquias e os cemiterios de Roma, despois da persecución de Valeriano. Obtivo de Galieno liberdade para os cristiáns. Participou nos debates sobre o bautismo dos herexes e enfrontouse cos heréticos sabelianos. No 262 reuniu en Roma un concilio que condenou o subordinacionismo e o arrianismo, e mantivo unha controversia con san Denís de Alexandría. A súa festa celébrase o 26 de decembro.

PERSOEIRO

Gravador, debuxante, escritor e diplomático francés. Barón de Denon, acompañou a Napoleón I na súa viaxe a Exipto e escribiu Voyage dans la Basse et la Haute-Egypte (Viaxe polo Baixo e o Alto Exipto, 1802). Entre outras obras escribiu Julie ou le bon pére (Julie ou o bo pai, 1769) e Point de lendemain (Punto de mañá, 1777). Director xeral de museos durante o consulado e o imperio de Napoleón I, organizou o Musée du Louvre e promoveu a construción da columna Vendôme.