"CIA" (Contén)

Actitude ou corrente filosófica caracterizada por unha común insistencia no factor esencial da realidade, na primacía, polo menos lóxica, da esencia sobre a existencia, da realidade e existencialidade das esencias e da pura accidentalidade da existencia respecto da esencia.

Movemento artístico fundado por Lucio Fontana en Milán (1947). As súas ideas anticipáronse no Manifesto branco (1946) publicado en Bos Aires. Ademais teorizouse, entre outros, no Manifesto da arte espacial (1951) e no Manifesto do movemento espacial pola televisión (1952). Tomou como ideas básicas algúns aspectos do futurismo para propoñer unha renovación da linguaxe artística que estivese en consonancia co progreso tecnolóxico. Empregou, entre outras técnicas, as luces de neon e a televisión na busca dunha arte que transcendese o lenzo nunha pintura, ou o volume, nunha escultura. Entorno espacial negro (1947) de L. Fontana considerouse como o precedente dos environment art.

Acción e efecto de espaciar.

Substancia aromática e estimulante do gusto, de orixe vexetal, utilizada para condimentar os alimentos. As especias caracterízanse polos seus compoñentes aromáticos, que poden conter aceites esenciais, alcaloides, resinas, terpenos, ácidos orgánicos, compostos sulfurados, etc. As especias tamén conteñen proteínas, graxas e hidratos de carbono. A maioría son de orixe asiática ou americana. Os gregos e os romanos xa coñecían o comercio de especias orientais. Na época de Alexandre transportábanse en caravanas a través de Asia pola ruta da seda. Cando este itinerario caeu baixo o control dos pobos iranoscitas, adoptouse o itinerario fluvial e marítimo polo Nilo, o Mar Vermello e o Océano Índico. A partir do s XII a pementa negra de Malabar e Ceilán, o xenxibre da India e de Arabia, a noz moscada e o cravo das illas das especias (Illas Molucas) e a canela de China e Ceilán acadaron unha inmensa sona en Europa. O comercio das especias pasou a ser sinónimo de comercio con Oriente e as...

Proceso de formación de novas especies. Prodúcese cando se interrompe o fluxo xenético dentro dun pool común debido a algún mecanismo de illamento.

Relativo ou pertencente aos esponsais.

Grupo político que xurdiu en 1997 coa escisión de Esquerda Unida dun grupo, liderado por Anxo Guerreiro, desconforme coa dirección do partido, que non aceptaba presentarse en coalición co PSdG nos comicios autonómicos dese ano, aos que EdG se presentou finalmente en coalición co PSdG-PSOE e Os Verdes. Obtivo dous representantes no Parlamento, que lle permitiron constituír un grupo parlamentario propio. Definiuse como un partido socialista, democrático e republicano e as súas propostas estiveron vinculadas á defensa dos postulados da esquerda nacionalista. Nas eleccións de 2001 ofreceulle ao PSdG-PSOE un pacto para concorrer de novo xuntos aos comicios. A negativa dos socialistas, que só estaban dispostos a admitir a EdG se se integraba totalmente no partido, levounos a acudir en solitario aos comicios nos que non acadaron representación parlamentaria. Disolveuse en maio de 2002.

Inflamación das amígdalas.

Base espacial formada por tres módulos (Unity, Zaria e Zvezdá) que suman 81 tm de masa e 43 m de lonxitude, ademais dunha base para paneis solares (ITS-Z1) e un porto de enlace (PMA-3). A ela poden acoplarse tanto os transbordadores espaciais norteamericanos como a nave rusa Sojuz. Dá a volta á Terra cada hora e media, a unha altura en órbita de 390 km. O lanzamento do primeiro segmento tivo lugar en novembro de 1998 e a construción en órbita chega ata o ano 2006. Cun custo que supera os 72.000 millóns de euros, na súa elaboración participan 17 países, entre eles os socios principais, EE UU e Rusia; España colabora a través da Axencia Europea do Espacio (ESA). A tripulación máxima da estación pode chegar ata as 7 persoas.