"ISM" (Contén)

Doutrina política e económica que se opón a calquera forma de imperialismo. As primeiras análises económicas que denuncian o imperialismo aparecen trala guerra hispano-norteamericana (1898) e a anglo-bóer (1899-1902), son O imperialismo (1902), do economista inglés Hobson, O capital financeiro: fase contemporánea do desenvolvemento do capitalismo (1910), do marxista austríaco Hilferding, O imperialismo: fase superior do capitalismo (1916), do revolucionario ruso Lenin, e Nationalstaat, imperialistischer Staat und Staatenbund (1915), do reformista alemán Kautski. Malia as diferencias teóricas entre estas catro obras, todas coindicen nunha crítica expresa aos fundamentos económicos do imperialismo e ás súas consecuencias políticas e sociais. Non obstante , só na obra de Lenin existe unha exposición doutrinal na que o antiimperialismo é unha doutrina revolucionaria orientada cara á transformación da sociedade; tanto Hobson ou Kautski coma outros autores...

Concepción predominante na lingüística norteamericana de comezos do s XX. Segundo esta tendencia, a aprendizaxe da linguaxe é froito dun proceso de hábito e de condicionamento por repetición. O seu principal representante é L. Bloomfield, que segue as tendencias da psicoloxía condutista. Interésase só polos feitos lingüísticos que poden ser medidos de maneira obxectiva e deixa fóra o significado léxico, por considerar que é imposible de rexistrar. Por iso mesmo o lingüista non pode tomarse a si mesmo como obxecto de estudo nin fiarse das súas intuicións, xa que isto entraría no terreo da conciencia e do meramente subxectivo.

Movemento social contrario ao espírito ou ás institucións militares. Pretende demostrar a preponderancia do exército dentro da administración do estado en tres niveis: socialmente, pola existencia duns deberes de defensa (Servicicio Militar Obrigatorio), mentres os dereitos (toma de decisións en política de defensa) están limitados á xerarquía militar; economicamente, outorgando grandes sumas a gastos militares ou comerciando con armamento; e a nivel xeopolítico, animando políticas baseadas na desconfianza e na confrontación e formando parte de bloques militares. A loita antimilitarista maniféstase a través de diferentes vías: a obxección de conciencia, ou negación a cumprir co servizo en filas; a obxección fiscal, consistente en absterse de sufragar os gastos militares a través dos impostos directos; a educación para a paz, que ensina uns valores favorecedores dunha sociedade e cultura pacíficas; e a investigación para a paz, que pretende clarificar as condicións baixo as que se desencadean...

Denominación aplicada a diversas doutrinas partidarias da restrición da natalidade ao considerar que o exceso de reprodución é responsable da miseria e da fame. A máis notable destas doutrinas é o maltusianismo. O antinatalismo é un sentimento propio das clases medias e, polo tanto, máis forte nos medios urbanos e nos países industrializados, onde provoca un avellentamento demográfico. A política antinatalista limita os nacementos mediante o aborto, os métodos anticonceptivos ou a esterilización, co obxectivo de reducir a miseria e aumentar o benestar material dos cidadáns. Nos países asiáticos, con elevadas taxas de natalidade e problemas de superpoboación, os gobernos son abertamente antinatalistas e adoptan medidas para evitar os nacementos: retraso da idade legal para contraer matrimonio, campañas de esterilización (India), penalizacións fiscais ás familias numerosas (política do fillo único na China). Polo xeral as campañas antinatalistas baseadas na difusión e o emprego...

Doutrina que ensina que pola graza de Xesucristo un ser humano queda liberado da obriga de seguimento de calquera lei moral. Baseada nos textos de Paulo referentes á abolición da lei antiga e á xustificación pola fe, afectou a algunhas sectas agnósticas como os nicolaítas e os ofitas, e reapareceu coa reforma protestante.

Relación de equivalencia entre dúas liñas antiparalelas.

Aversión aos usos, institucións, etc, propios do sistema parlamentario.

Exercicio no que un acróbata, apoiado sobre un soporte chamado trinka, move cos pés toda clase de obxectos.

Actitude ou doutrina que lle nega á razón a posibilidade de comprender o real.

Animadversión aos xudeus como grupo étnico. A historia do antisemitismo é complexa e está chea de paradoxos. As primeiras manifestacións antisemitas partían do principio relixioso do antixudaísmo, que atribuía aos xudeus a culpabilidade criminal da morte de Cristo; esta actitude correspondíase cun momento do discurso racista en que o xudeu era considerado como deicida e infiel. A segunda manifestación antisemita resulta de engadir consideracións económicas ao antisemitismo relixioso, momento no que xurdiu a imaxe do xudeu usureiro e rico, do capital negro internacional xudeu, etc, que alimentou o antisemitismo moderno. O termo apareceu por primeira vez en 1880 en publicacións alemanas para designar un movemento diferente de anteriores persecucións contra os xudeus e tiña como base o factor racial e non o relixioso. A finais do s XVIII, A. von Schlözer e J. G. Eichhorn foron os primeiros en falar de nacións semíticas. Fronte a estas, F. Bopp falou a principios do s XIX de linguas...

Movemento social contrario aos privilexios e abusos dos señores. O réxime señorial, instalado en Europa a partir do Baixo Imperio Romano e especialmente durante a Idade Media, é un dos eixes fundamentais dos conflitos sociais que sacudiron o período baixomedieval. Varios factores combináronse para provocar a crise dos señoríos feudais: o fortalecemento das monarquías centralizadoras, co conseguinte debilitamento das responsabilidades políticas dos señores, o auxe das cidades, as novas actividades mercantís, unido todo iso a un momento de crise xeneralizada a nivel político (Guerra dos Cen Anos), espiritual (Cisma de Occidente) e socioeconómica (peste, fames, desequilibrio entre poboación e recursos). Isto trouxo como consecuencia un aumento da presión señorial que provocou a resposta xeneralizada dos sectores máis oprimidos da poboación, tanto rurais como urbanos. As revoltas antiseñoriais sucedéronse por toda Europa. En Flandres, as revoltas provocaron, entre 1301 e 1302, un sanguento...

Actitude de oposición á existencia do Estado de Israel.

antisemitismo.

Concepción, aparecida a miúdo na espiritualidade cristiá e nas correntes puritanas, que tende a considerar ao home semellante a un anxo, é dicir, a sobreestimar a súa parte espiritual menosprezando os seus aspectos corporais.

Falta de acción peristáltica nunha parte ou en todo o intestino.

ontade de mudar unha determinada situación política, social, relixiosa, etc, para facela menos restritiva.