"ISM" (Contén)

Movemento político belga fundado en 1935, por L. Degrelle. Inspirábase no integrismo relixioso e defendía un sistema político autoritario e corporativista. Colaborou cos ocupantes nazis e, ao rematar a Segunda Guerra Mundial, foi ilegalizado.

Sistema óptico que consiste nun romboedro de espato de Islandia, composto por dous prismas unidos con bálsamo de Canadá ao longo dunha das diagonais do romboedro. No primeiro prisma, a cara que vai recibir o raio de luz está cortada perpendicularmente ao eixe óptico, e o segundo paralelamente. O raio de luz divídese en dous, o raio ordinario e o raio extraordinario. Este é refractado ao pasar dun prisma a outro, pero o primeiro non sofre ningunha desviación e xorde aliñado co raio incidente.

Conxunto de doutrinas, leis ou valores que proveñen da cidade de Roma.

  Fenómeno fonético que consiste en articular como [r] o /ªs/ implosivo en posición interior de palabra, ou por fonética sintáctica, ante consoante sonora, e en menor medida ante as xordas /f/ e /θ/ (lesma [‘lεrma], os dedos [or’»ðe»ðoªs], os feos [or’feoªs]). No territorio galego é frequente este fenómeno ante consoante sonora, especialmente na zona suroriental: hai zonas compactas de rotacismo no sur de Lugo, interior de Pontevedra (zona de Lalín, Silleda, etc) e gran parte de Ourense. No galego exterior só se rexistrou nalgún punto do galego do Bierzo. Diante de consoantes xordas fricativas dáse excepcionalmente. Este fenómeno fonético, que rematou cara a 330 a C, obsérvase particularmente en latín antigo, en posición intervocálica (lat GENERIS provén dun anterior *GENESIS; os infinitivos AMARE, AUDIRE, LEGERE presentan rotacismo, por ser se a desinencia de infinitivo). Algunhas linguas románicas tamén coñecen, en parte, o rotacismo. Así...

Delito que consiste en obter beneficio económico da protección e cooperación coa prostitución.

Calidade de rural.

Relixión dos sabeos que proclamaba a adoración aos astros, á tríade babilónica e a outros deuses con cabeza de animal.

Doutrina modalista sostida polos partidarios de Sabelio, herexe do s III, que negaba a Trindade de Deus.

Coexistencia, nunha mesma persoa, de pulsións sádicas e masoquistas.

lesbianismo.

Doutrina e movemento formado polos seguidores do conde de Saint-Simon, despois da súa morte e baseándose nas súas últimas obras, que pretendían fundar unha relixión secular da sociedade. Estendeuse principalmente por Francia e algúns países europeos. Por defender a clase máis numerosa e máis pobre, viuse a miúdo como precursor do marxismo. O seu socialismo, chamado utópico, pretendía ser non só un substituto da Igrexa senón incluso unha relixión. Defendían a convicción de que a Revolución Francesa e a sociedade industrial que xurdía representaban a superación da vella moral cristiá como aglutinador social e que era necesaria unha moral baseada na ciencia, é dicir, na socioloxía entendida como ciencia dos costumes ou da moralidade.

Conxunto de cultos hindús que conciben a divindade suprema como feminina, baixo diversas formas, coa denominación común de Śakti. Xunto ao culto de Shiva, os śakta constitúen unha das seitas principais do hinduísmo. Os textos relixiosos referentes a estes cultos son os Śaktagama ou Tantra.

Movemento modernista e renovador do Islam que xurdiu en Exipto a finais do s XIX baixo o impulso de Ǧ amāl al-Dīn al-Afġanī e de Mu ḥ ammad ‘Abduh. Preconizou a revalorización do Alcorán fronte á rixidez das catro escolas ortodoxas do Islam, superando a poligamia e permitindo imposicións bancarias con xuros, entre outras disposicións. O principal difusor foi Mu ḥ ammad Rašīd Ridá a través da publicación da revista al-Manar (1898-1935).

Calidade ou estado de salvaxe.

Movemento político revolucionario nicaraguano iniciado por Augusto César Sandino. Á morte deste (1934), o movemento mantívose arraigado no pobo e cristalizou cara a 1960 no Frente Sandinista de Liberación Nacional (FSNL), que tomou o poder en 1979, ao derrocar a ditadura de A. Somoza, e en 1986 introduciu a primeira constitución do período. Foi derrotado en 1990 pola Unión Nacional Opositora (UNO) encabezada por Violeta Chamorro.