"Az" (Contén)

Recursos teatrais que utilizaban os actores da commedia dell’arte, normalmente xogos corporais ou verbais de carácter cómico, que se adaptaban moi ben ás partituras interpretativas baseadas na improvisación e que adoitaban ter como finalidade provocar a risa.

Construción situada en Trasmonte (Ames). Está formado por unha torre de planta cadrada dos ss XV-XVI no corpo máis estreito, á que se engadiu un corpo que lle dá ao conxunto a forma dun L. Consérvase un escudo do s XVIII. Ten capela, pombal e outras construcións adxectivas.

Miguel López de Legazpi.

Construción situada en Soesto (Laxe). No seu solar estivo a casa onde residiron o Rei Afonso IX e a Raíña Berenguela. Construído ao redor de 1570, ten planta rectangular, con baixo e piso, e cun pequeno corpo en forma de torre de tres plantas. As fachadas son sinxelas e nunha delas só destaca o escudo coas armas dos Leis. Está rodeado dun xardín, onde se atopa o pombal, pechado por un muro.

Construción situada en Lens (Ames). A súa orixe remóntase ao s XVI, ligada aos Ardeleiros. Ten planta rectangular pero os muros non forman un ángulo recto, ten unha galería orientada ao N, e na fachada atópase un escudo que alude aos Santiago, aos Ardeleiros e aos Mariño.

Construción situada en Dodro. Erixida no s XVI como lugar de recreo dos arcebispos composteláns, sufriu reformas en época posterior, entre as que destaca a mandada facer por Bertomeu de Rajoy no s XVIII. Ten planta en forma de U cun patio interior. Nun lateral da fachada sitúase unha capela dedicada ao Anxo da Garda. Diante da fachada atópase un patio pechado con muros e con dependencias adxectivas, onde se sitúa unha fonte do s XVIII, cun gran pilón e tres alturas, e coroada por unha figura de Santiago peregrino. O edificio foi cedido polo arcebispado para fins turísticos.

Rrethi de Albania, situado na rexión de Elbasan-Berat (1.013 km2; 75.300 h [estim 1993]). A capital é Librazhd (5.300 h [1990]).

Informe da Unesco que se realiza desde 1993, en que se evalúa o estado das linguas do mundo, tanto das linguas xa mortas como das linguas en perigo de extinción ou das linguas máis ou menos estabilizadas. Segundo este documento, só 45 das 94 linguas europeas están fóra de perigo de ser substituídas. Neste informe o galego aparece como unha lingua potencialmente en perigo.

Termo da xerga dos albaneis que corresponde á voz ‘botellazo’.

Construción situada en Liñares (Santiso). Presenta forma de escuadro, que alberga un patio, e ocupa un terreo onde houbo unha torre. O portón de entrada forma arco de medio punto e frontón triangular enriba do que se inscribe unha pedra de armas con brasóns dos Varela, Ulloa e Montenegro. A capela atópase fóra do muro e estivo unida ao pazo por un pasadizo.

Construción situada en Prado (Lalín). Está formado por un corpo de planta rectangular e outro en forma de L. A fachada principal presenta unha porta sinxela, ventás con montante e balcóns e, sobresaíndo un pouco, o escudo dos Taboada, con remates de esferas pétreas, como nas chemineas. A fachada posterior ten unha galería con cinco arcos de medio punto e escudos no peitoril. A capela é de planta rectangular.

Semente do liño, que se emprega como primeira materia para a obtención do aceite de liñaza. En po, constitúe a fariña de liñaza, de alto contido en aceite, que se denomina tamén fariña de liño.

Construción situada en Salvaterra de Miño. Ten planta en forma de L e presenta no ángulo unha torre de tres plantas con ameas e cuberta a catro vertentes. Engadiuse un pequeno anexo nun lateral e quedou conformada así unha planta en forma de U. A torre é a parte máis antiga e arredor dela naceu a casa. A capela dedícase ao Santísimo Sacramento e conserva a data de 1530.

Construción situada en Armeses (Maside). Datado a comezos do s XIX, ten planta en forma de escuadro e dúas alturas, cun patio no ángulo que está configurado pola vivenda e o muro. Próximo a el atópase a capela de Santa Mariña, que puido ser da súa propiedade.