"AN" (Contén)

PERSOEIRO

Exiptólogo británico, quinto conde de Carnarvon. Formado na University of Cambridge, descubriu xunto con Howard Carter a tumba intacta do Faraón Tutankamon. Foi o autor de Five Years’Exploration at Thebes (1912).

PERSOEIRO

Xeógrafo escocés. Estudiou os problemas climáticos e meteorolóxicos e definiu o concepto de rexión natural. Escribiu The distribution of rainfall over the land (1901), The great atlas of meteorology (1899) e The mayor natural regions (1905).

IGREXAS

Igrexa parroquial situada en Padrón. Trátase dun templo románico da segunda metade do s XII. Ten unha soa nave e unha ábsida que, no exterior, aparece dividida en tres tramos por dúas semicolumnas pegadas. O arco triunfal é semicircular. A portada principal está formada por unha tripla arquivolta e está flanqueada por arcos cegos semicirculares. A espadana é de dous vans.

GALICIA

Maxistrado e escritor. Licenciouse en Dereito na Universidad Central de Madrid. Foi presidente do Tribunal de Revisión de Penas en Oviedo durante a Guerra Civil Española e, posteriormente, maxistrado e presidente da Audiencia Provincial da Coruña (1961). Colaborou en diversas publicacións, como El Universal, La Esfera, El Mundo, El Noroeste, La Voz de Galicia e Vida Gallega. Publicou La vieja y memorable Marineda (1951) e Semblanzas del banquillo. Crónicas de Audiencia Pública (1957). Foi membro correspondente da Real Academia Galega.

CIDADES

Cidade da provincia de Nápoles, en Campania, Italia, situada na ladeira do Vesubio, entre Porticio e Torre del Greco, ao SL de Nápoles (54.699 h [2001]). Foi dominada polos romanos desde finais do s IV a C ata o ano 79, cando pola erupción do Vesubio quedou cuberta de cinzas, lava e lodo ata unha altura de 15 m. En 1709 produciuse o achado fortuíto da vila e iniciáronse unha serie de escavacións onde se puxeron ao descuberto numerosas insulae, o foro, o teatro e varios conxuntos termais.

PERSOEIRO

Poeta, narrador e historiador romántico. Publicou A voz do profeta (1836), onde a tensión e a énfase romántica aparecen intelectualizadas. En 1850 apareceu toda a súa obra lírica no volume Poesía. Os seus contos, Lendas e narrativas (1851), e as súas novelas O monge de Cister (1841), O Bobo (1843) e Eurico o presbítero (1844), impulsaron a novela histórica en Portugal. Como historiador destacan História de Portugal (1846-1851) e Portugaliae monumenta historica (1856-1873).

PERSOEIRO

Bispo de Perugia. Foi encarcerado, torturado e decapitado polo rei godo Totila durante o asedio de Perugia (549). Na iconografía represéntase con vestiduras episcopais e leva como atributo un coitelo.

PERSOEIRO

Duque de Alençon e de Anjou, quinto fillo de Enrique II de Francia e de Caterina de Medici. Tamén coñecido como Francisco Hércules d’Anjou, converteuse en 1574 en lugartenente xeneral dos exércitos franceses, polo que se enfrontou aos hugonotes nas Guerras de Relixión e aos españois nas Guerras de Flandres.

1. 1. Dereitos, obrigacións e bens que, unha vez morto o titular, poden ser transmitidos a un terceiro, herdeiro ou legatario. Os dereitos e as obrigacións (activas ou pasivas) deben ser persoais. O sucesor recibe o nome de herdeiro ou legatario, dependendo de se a sucesión leva un título universal ou particular. Unha vez declarada a sucesión hai unha chamada ao sucesor, coñecida como delación, en que o herdeiro pode aceptar ou repudiar a herdanza. Desde o momento da morte ata que alguén se fai cargo da herdanza dise que a herdanza está xacente. OBS: Tamén se denomina herdo.

   2. herdanza mutual

      Institución contractual recíproca de herdanza entre os esposos a favor de quen sobreviva.

2. Aplícase ao que procede do pasado e que se transmite á posteridade.

3. Fenómeno de transmisión dun conxunto de caracteres conxénitos entre os individuo dunha determinada especie. Cada grupo de seres vivos presenta unhas características moi estables, que son os definidores de grupos, e que tansmite aos descendentes. Dentro dunha especie determinada hai unha variabilidade nos caracteres non específicos susceptible de perpetuarse nos descendentes a través duns mecanismos de transmisión chamados xenes. A herdanza mendeliana explica que cada carácter está controlado por unha parella de factores, e cada factor preconiza un aspecto determinado deste carácter. Se un individuo ten dous factores iguais para un determinado carácter chámase homocigoto ou raza pura, e se os ten diferentes, heterocigoto ou híbrido. Hai que distinguir a herdanza dominante, en que os individuos heterocigotos presentan o aspecto do carácter preconizado por un só factor, e a herdanza intermedia, en que os indiviudos heterocigotos presentan...

PERSOEIRO

Filósofo, escritor e pedagogo alemán. Discípulo de I. Kant e amigo de D. Diderot, J. B. le Rond D’Alembert e dos enciclopedistas, influíu extraordinariamente en J. W. von Goethe e en toda a literatura e ideoloxía alemana. Precursor no campo da crítica literaria, promoveu o Sturm und Drang. Escribiu Über die neuere deutsche Literatur (Sobre a nova literatura alemana, 1767) e Ideen zur Philosophie der Geschichte der Menschheit (Ideas sobre a filosofía da historia da humanidade, 1784-1791).

PERSOEIRO

Arquitecto francés. Traballou en Nancy na transformación da capela de Notre-Dame-du-Bon-Secours, na capela funeraria dos Leczińsky e na urbanización das prazas Stanislas (1753), da Carrière e da Alliance (1756). En Lunéville fixo os primeiros xardíns franceses de gusto chinés.

PERSOEIRO

Pintor. Militar de profesión, instalouse en Vigo en 1950. Especializouse na realización de acuarelas. As súas obras, fundamentalmente paisaxes, caracterízanse pola perfección do debuxo, pola pincelada solta e ampla e polos contrastes de dous planos de cor. Realizou exposicións en diversas cidades españolas. Recibiu a Medalla de Ouro da Bienal de Pontevedra en 1972 e 1975, a Medalla de Plata do XLII Salón de Otoño de Palma de Mallorca (1983) e o Premio Nacional de Pintura Ejército 1986. A súa filla María Luisa Heredero (Vigo 10.1.1963), coñecida como Mariola Heredero, cultiva tamén a acuarela.

PERSOEIRO

Militante anarcosindicalista. Participou na Revolución de Asturias (1934) e fuxiu a Francia. Instalouse na Coruña (1935) e colaborou na CNT local. En 1936 fuxiu ata Gijón co sindicato El Despertar Marítimo, enrolouse no Batallón 219 Galicia e militou na Agrupación Confederal Galaica. Despois da Guerra Civil Española traballou pola reorganización da CNT en Galicia. Na década de 1940 foi detido e encarcerado.

PERSOEIRO

Chanceler (994) do emperador Odón III e arcebispo de Colonia (999). Fundou a abadía de Deutz e foi canonizado no s XVII. Na iconografía viste roupas arcebispais, co sagrado palio, e leva como atributos unha pomba e a maqueta dunha igrexa ou mosteiro. A súa festividade celébrase o 16 de marzo.

MUNICIPIOS

Municipio da Comunidad Autónoma de Cantabria, situado á beira do encoro do Ebro e no límite coa Comunidade Autónoma de Castela-León (1.877 h [2001]). A capital municipal é Espinilla. Destacan os bosques de faias e carballos e os pastos, que favorecen a gandería. O cultivo de cereais e patacas centra a actividade agrícola. Do seu patrimonio cultural destacan a igrexa de Santa María la Mayor de Villacantid, declarada Ben de Interese Cultural (BIC) en 1982, o castelo e a torre medieval de Proaño, declarada BIC en 1984.