"AN" (Contén)

Calidade de instantáneo.

Institución que crearon en Madrid (1876-1940) varios profesores de universidade e instituto, separados do ensino oficial por mor da protesta contra un decreto de Instrución Pública (1875). Dos membros fundadores, destacou Francisco Giner de los Ríos, a quen lle sucedeu (1915) Manuel B. Cossío. O seu nacemento está directamente unido á chamada segunda cuestión universitaria e ao movemento krausista. Con Manuel de Orovio no ministerio de Fomento, un Real Decreto de 26 de febreiro de 1875 mandaba poñer en vigor a Lei de 1857, pola que todos os catedráticos debían suxeitarse a textos oficialmente autorizados e esixía, ademais, someter os programas á aprobación do goberno. Con esa mesma data enviouse unha circular aos rectores en que se esixía que non se ensinase nada contrario ao dogma católico nin á monarquía constitucional. A protesta universitaria que deu orixe á ILE empezou en Santiago de Compostela e estivo comandada polos profesores Laureano Calderón Arana e Augusto González Linares,...

Institución pedagóxica de orientación galeguista creada na Coruña en 1934. Os seus membros fundadores foron Mª Luísa Vicente, Gustavo Díaz Sánchez, que ademais a presidiu, Xosefina Teijeiro Orosa, Manuel Díaz Rozas e Xosé Toba Fernández. Chegou a reunir uns 200 mestres, dos que destacaron Marcelino Pedreira -animador das colonias escolares da Coruña- e Francisco Vales Villamarín -impulsor do Museo Pedagóxico Rexional-. A partir de abril de 1935 comezou a editar o seu propio Boletín de Vanguardia Pedagógica.

Institución creada o 25 de outubro de 1795, que agrupa cinco academias: a Académie Française (fundada en 1635), a Académie des Inscriptions et Belles-Lettres (fundada en 1663), a Académie des Sciences (fundada en 1666), a Académie des Beaux-Arts (creada en 1816 pola unión da Académie de Peinture et de Sculpture, fundada en 1648, da Académie de Musique, fundada en 1669, e da Académie d’Architecture, fundada en 1671), e a Académie des Sciences Morales et Politiques (fundada en 1795, suprimida en 1803 e restablecida en 1832). Ten como misións perfeccionar as artes e as ciencias conforme ao principio da interdisciplinariedade, e xestionar o milleiro de legados, doazóns e fundacións dos que é depositaria.

Corporación académica fundada en Barcelona en 1907 por Enric Prat de la Riba, dedicada á investigación científica superior, principalmente de todos os elementos da cultura catalana. Integrado nun principio por oito estudiosos, especialistas en historia, historia literaria, arqueoloxía, historia da arte e historia xurídica, o Institut foi ampliado en 1911 con outros dous núcleos, consagrados ao estudo e expansión da lingua catalá e ao cultivo das ciencias naturais, exactas, físico-químicas, filosóficas, morais e políticas. En 1968 creouse unha nova sección de filosofía e ciencias sociais. En 1913 a sección de filoloxía estableceu unhas Normes ortogràfiques e comezou a recoller o material para un dicionario xeral de lingua catalá e para unha gramática normativa.

Organismo cultural científico, non oficial, que ten por finalidade a promoción da cultura occitana. Con sede en Toulouse, foi fundado en 1945 e esforzouse por impoñer a unificación lingüística das falas occitanas consumada por Loïs Alibert.

Institut des Sciences de l’Éducation.

Organismo constituído en 1970 que integrou servicios preexistentes, como o Servicio Nacional de Información Documental y Bibliográfica, o Depósito Legal e a Comisión Nacional de Planificación y Coordinación Bibliográfica. Ocupábase da realización da bibliografía en curso de todas as publicacións en lingua española. Pasou a depender da Biblioteca Nacional (1985) e realiza o control e cuantificación da produción bibliográfica do Estado mediante a elaboración da Bibliografía Española, coa clasificación e a catalogación de todas as obras impresas en España, e da asignación do número internacional das publicacións períodicas International Standard Serials Number (ISSN).

Organismo oficial creado en España en 1991 para promover o ensino do castelán e a difusión da cultura hispánica. Ten dúas sedes centrais, en Madrid e Alcalá de Henares, lugar de nacemento de Miguel de Cervantes Saavedra, e posúe centros en Europa, África, América e Asia.

Centro de investigación e observación astrofísica, resultado dun acordo internacional entre sete países. Está situado no Teide, na Universidad de La Laguna e en Roque de los Muchachos.

Institución española creada en 1979, dependente do Ministerio de Asuntos Exteriores, que se ocupa de tarefas de cooperación entre España e os países iberoamericanos. Funciona a través de comisións mixtas que traballan con programas derivados dos Cumios Iberoamericanos.

Organismo constituído por decreto do 8 de decembro de 1937. Con sede en Madrid, depende do ministerio de Educación e Cultura. Está formado polo conxunto de académicos das reais academias Española, de Historia, Bellas Artes de San Fernando, Ciencias Exactas, Físicas y Naturales, Ciencias Morales y Políticas, Nacional de Medicina, Jurisprudencia y Legislación e Nacional de Farmacia, reunidas en corporación estatal. As súas actividades diríxense á celebración de ciclos de conferencias, cursos de terceiro ciclo e publicacións especializadas. Dende 1986 son academias asociadas a Real Academia Galega de Belas Artes de Nosa Señora do Rosario e a Real Academia de Medicina de Galicia.

Entidade cultural xurdida en Ourense en 1972 baixo o patrocinio da Deputación Provincial de Ourense. Os seus fins fundacionais foron o fomento e a promoción dos estudios locais e provinciais. O seu primeiro director foi Emilio Duro Peña e o seu secretario. Logo de publicar diversos libros, desapareceu a comezos da década de 1980.

Organismo autónomo do Estado fundado en 1914 polo profesor Odón de Buen. O seu ámbito de estudio, recollido no Real Decreto, céntrase nas condicións físicas, químicas e biolóxicas dos mares que bañan o litoral galego coas súas aplicacións aos problemas pesqueiros. Administrativamente dependeu do Ministerio de Instrución Pública e Belas Artes (1914), Fomento (1928), Mariña (1932), Comercio (1963), Transportes e Comunicacións (1977), Agricultura, Pesca e Alimentación (1980); desde o ano 2000 pertence ao Ministerio de Ciencia e Tecnoloxía. Conta con varias dependencias situadas en Madrid (a central), Vigo, A Coruña, Gijón, Santander, Canarias, Málaga, Murcia e Illes Balears. O centro de Vigo creouse en 1936 e dedícase principalmente a temas de biotecnoloxía pesqueira e contaminación mariña; e o centro da Coruña foi creado en 1968 e traballa fundamentalmente nos cultivos e explotacións de moluscos, dinámica de poboacións de peixes, sobre todo túnidos, ecoloxía do plancto e comunidades bentónicas.

Entidade que se encarga de establecer estándares nas novas tecnoloxías relacionadas coas telecomunicacións para que se poidan empregar sen problemas en todos os países europeos.

INGABAD.

Institución patrocinada pola Xunta de Galicia, as universidades de Santiago de Compostela, A Coruña e Vigo, e o ICI, que ten por obxecto a intensificación dos intercambios culturais, científicos e empresariais entre Galicia e os países iberamericanos. Publica a Revista Galega de Cooperación Científica Iberoamericana. Foi declarado de interese galego en 1991.