"Galle" (Contén)

Revista publicada en Bos Aires a partir de 22 de decembro de 1945. Dirixida por Rodolfo Prada e Valeriano Saco, estivo promovida polo Centro Ourensán e o Centro Pontevedrés desta cidade. Baixo a premisa de contribuír á elevación moral, intelectual e económica do colectivo galego, contou coa participación de destacados membros da política e da cultura galega no exilio. Incluíu recensións e listados coas novidades literarias en Galicia. Foi continuadora de El Orensano, órgano oficial do Centro Ourensán e Pontevedrés.

Partido político fundado na Coruña en outubro de 1929. Na súa formación converxeron dúas tendencias, o republicanismo tradicional de Santiago Casares Quiroga e o nacionalismo galego de Antón Villar Ponte. O manifesto fundacional afirmaba que non era un partido nacionalista, xa que o referente nacional era España, e entre os seus obxectivos estaba a intención de transformar o Estado español en república federal, a separación de poderes entre Igrexa, estado e exército, e a consecución dun réxime de autonomía para Galicia. Destacou a súa promoción e engrandecemento de Galicia. A súa militancia baseouse nas clases medias e pequenos burgueses, e estruturouse de forma piramidal como un partido de comités. No Pacto de Lestrobe (16.3.1930) fixaron, xunto con Alianza Republicana, a constitución da Federación Republicana Gallega (FRG), co obxectivo de instaurar a república e conseguir a autonomía de Galicia, polo que quedaban definidos como un partido republicano-autonomista. Presentáronse aos comicios...

Revista publicada en Bos Aires a partir do 2 de xaneiro de 1962. Apareceu co lema “Todo por la libertad y la democracia”, baixo a dirección de Cándido A. González. Foi o órgano de expresión da Unión Federal Gallega Democrática, orientada a acadar a unión das colectividades galegas na defensa da democracia, a república e a autonomía galega fronte a Franco e o comunismo. Incluíronse textos de Castelao, Vicente Risco, Suárez Picallo e Ben-Cho-Shey.

Xornal publicado en Santiago de Compostela a partir do 3 de febreiro de 1888. Cesou o 11 de xuño de 1891. Subtitulado “Diario de intereses materiales” e “Diario de Santiago”, o seu fundador e director foi Enrique Labarta Pose. De carácter rexionalista moderado, foi defensor da política de U. Montero Ríos. Con motivo do 25 de xullo de 1888 publicou un suplemento de gran valor literario en que colaboraron os escritores máis destacados da época.

Partido político creado en 1933 a partir da Federación Agraria que xurdira o ano anterior no antigo concello de Valadares. Declarouse antiforista, progresista, de esquerdas, antiburgués e anticaciquil, e o seu programa tivo un marcado influxo galeguista. Limitaba o seu ámbito de actuación a Galicia e segundo as súas listas de afiliados, acadou unha importante implantación, especialmente entre os labregos da provincia de Pontevedra. Apoiou o proxecto da Autonomía de Galicia pero, despois do fracaso das eleccións de 1933, desapareceu como partido político para desenvolver un papel sindical. En 1936 decidiu apoiar o programa do Partido Galeguista.

Revista publicada en Santiago de Compostela a partir do 30 de marzo de 1891. Cesou o 15 de xaneiro de 1892. Subtitulada “Boletín-revista. Órgano oficial de la Asociación Regionalista”, editouse quincenalmente baixo a dirección de Alfredo Brañas e promovido por esta sociedade. A publicación xurdiu co gallo dos Xogos Florais de Tui, celebrados en xuño de 1891, momento en que se fundou a Asociación Regionalista Gallega, presidida por M. Murguía. De carácter literario, incluíu recensións e artigos xornalísticos en que manifestaba un grande interese polo rexionalismo catalán como modelo a seguir en Galicia. Pode considerarse como unha das publicacións máis destacadas da época.

Revista publicada en La Habana a partir de 1912. Cesou ese mesmo ano (nº72). Subtitulada “Revista Semanal Ilustrada: Órgano de los Intereses Gallegos en La Habana”, estivo dirixida por Xosé Baqueiras. De periodicidade semanal, ofreceu información de carácter xeral sobre acontecementos relacionados con Galicia e coas actividades desenvolvidas polo Centro Galego e o seu centro de saúde La Benéfica.

Cadernos editados en Vigo a partir de 1928 e dirixidos polo marqués de Quintanar, Xavier Ozores Pedrosa e Xosé Cao Moure, propietario da editorial PPKO, encargada de publicar cada un dos volumes. O seu último caderno foi probablemente o nº7, editado en 1932. Como publicación de excelente calidade, incluía fotografías dos pazos máis importantes de Galicia, ademais dos artigos en que se explicaban as súas características e os escudos das casas propietarias.

Xornal publicado en Pontevedra a partir do 27 de agosto de 1894. Cesou en xaneiro de 1900. Subtitulado “Periódico dedicado a la primera enseñanza”, o seu propietario e director foi R. Tovar Méndez. Incluíu disposicións lexislativas sobre educación e artigos pedagóxicos. Editouse nos obradoiros de Xosé Eiras e logo nos da viúva de Antúnez, en Pontevedra.

Revista editada en Vigo a partir de xuño de 1997. Subtitulouse “Periódico mensual independiente de información general”. Dirixido por Alberto Alonso Gallego e coordinado por Víctor de las Heras, centra a maior parte dos seus contidos na cidade de Vigo e nos concellos da mancomunidade.

Xornal publicado en Vigo a partir do 27 de xaneiro de 1924. Cesou o 17 de xuño de 1979 (nº 20.661). Fundado por Manuel Portela Valladares, o seu primeiro director foi Ramón Fernández Mato, quen cesou en 1927, cando pasou á dirección o seu fundador. Naceu por iniciativa da Liga de Defensores de Vigo, un grupo liberal que estaba ligado ao seu fundador. A propia Liga adquiriu os obradoiros de La Concordia, para editar os dous xornais. Distínguense dúas etapas na publicación. Durante a primeira, desde a súa fundación ata xullo de 1936, moveuse por distintas tendencias, desde o anticaciquismo ata os posicionamentos liberais achegados ao PSOE, o nacionalismo e o galeguismo próximo á Xeración Nós. Naqueles anos mantivo loitas co conservador Faro de Vigo e co liberal-galeguista Galicia. O xornal acadou gran prestixio popular, baseado na óptica política e cultural desde a que abordou os cambios sociais e do galeguismo, así como polo seu interese na galeguización do ensino...

Calquera cousa que se estraga.