"Sus" (Contén)

GALICIA

Poetisa. Coñecida como Chus Pato, publicou os seus primeiros poemas na revista Escrita (1984). Colaboradora habitual de Andaina, Dorna, Festa da palabra silenciada, Luzes de Galiza, Ólisbos e Revista das letras, foi membro da editora-cooperativa Letras de Cal, da Asociación de Escritores en Lingua Galega e do PEN Club de Galicia, ademais de fundadora das Redes Escarlata, coas que colaborou en Xuro que nunca volverei pasar fame (2003). Na súa obra analiza problemas sociais, aborda o culturalismo clasicista e incorpora elementos feministas, nunha novidosa combinación de imaxes realistas e surrealistas. Autora de numerosos libros de poemas aínda inéditos, da súa obra destacan Urania (1991), Heloísa (1994), en que se modifica a imaxe tradicional dos mitos clásicos; Fascinio (1995), Nínive (1996, Premio Losada Diéguez 1997), A ponte das poldras (1996) e m-Talá (2000)....

GALICIA

Debuxante. Coñecido como Suso Peña, especializouse no mundo do cómic aínda que tamén se dedicou ao retrato e á paisaxe. No cómic foi seguidor do expresionismo e a súa obra destacou pola súa sólida base fotográfica e a documentación. Colaborador das revistas Starlet, Roman Roche e Star, da súa produción destacan as bandas deseñadas Drake&Drake, detectives (1966), Gringo (1968), Steve Wheeler (1975), Jeff Blake (1976) e A Cova do Rei Cintolo (1981), e as ilustracións da Declaración Universal de Derechos Humanos (1983), para Amnistía Internacional; El Senado de España (1985) e Celso Emilio Ferreiro para nenos (1988).

GALICIA

Filólogo. Catedrático de Lingua Castelá na facultade de Filoloxía da Universidade de Santiago de Compostela, foi decano desa facultade. Das súas obras destaca Derivación verbal y sustantivos verbales en español (1975), Usos anómalos de los sustantivos verbales en el español actual (1976) e La derivación en el español: verbos derivados y sustantivos (1980).

GALICIA

Economista. Catedrático de Econometría da Universidad de Alcalá de Henares, foi membro da International Statistical Institute e da Econometric Society, un dos participantes do Programa das Nacións Unidas para o Desenvolvemento (1966-1971), consultante da ONU (1974-1975) e o representante español en TES (Training of European Statisticians) da UE desde 1996. Dirixiu a revista Estudios de economía aplicada (1993-2002) e publicou A planificación rexional e Galicia (1972), Galicia e os Plans de Desenvolvimento (1974) e Cien ejercicios de econometría (1999). Recibiu a insignia de ouro da Universidade de Santiago (2004).

PERSOEIRO

Capitán de pesca. Foi oficial e capitán de diversas frotas, como as de Pescanova e Pescafría, e presidente do club de dirixentes de empresa da Cámara de Comercio da Coruña e da Unión Bacallaeira Internacional. Escribiu Los descubrimientos de la flota pesquera española.

GALICIA

Xornalista e político. Comentarista político en diferentes xornais, como El Imparcial, periódico que dirixiu (1979), foi xefe de publicacións e de comunicación no Museo Arqueológico Nacional (1981-1987). En 1990 ocupou a dirección do gabinete de comunicación do presidente da Xunta de Galicia. Foi secretario xeral de Comunicación (1991-1996), deputado no Parlamento de Galicia (1997) e conselleiro de Cultura e Comunicación Social desde 1997.

GALICIA

Xornalista. Xefe de prensa do Centro Galego de La Habana e colaborador de diversas publicacións periódicas en Cuba, fundou e dirixiu os periódicos La Raza, La Región Gallega, xunto a Enrique Zas, Suevia, con Ricardo Carballal, e Vivero en Cuba. Relacionado con Manuel Murguía, Curros Enríquez e Fontenla Leal, foi un dos impulsores da Asociación Iniciadora y Protectora de la Academia Gallega e colaborador das sociedades galegas de instrución. É autor de Discurso: seguido de breves apuntes sobre la vida y la obra del glorioso maestro Montes (1926?). Foi académico correspondente da Real Academia Galega.

PERSOEIRO

Mestre e escritor. Actor na súa xuventude de Teatro-Circo, é autor de diversas obras de teatro, algunhas publicadas nos Cadernos da Escola Dramática Galega e na colección Castrodouro, como O xigante don Gandulfo, señor de Tentequedo (1980) ou O pauto (Premio de Teatro Breve da Escola Dramática Galega 1983); Ei, Feldmülhe (I Premio de teatro Rafael Dieste, 1991); Venenos (IV Premio de Teatro Rafael Dieste, 1994), Teatro-minuto (1996), Animal vacío (2002) e O milagre de Baíñas (2003). Tamén colaborou coas revistas Nordés e Agália e escribiu obras de narrativa infantil como O pintor do vento (1985), A porta prohibida (1985) e O demo presumido (1987), que destacan polo súa ironía e a crítica social que subxace.

PERSOEIRO

Empresario e xurista. Licenciado en Dereito pola Universidad Complutense de Madrid, fundou a Editorial Santillana (1958) e creou o grupo editorial Timón (1972). Impulsor e presidente de Promotora de Informaciones SA (PRISA), presidiu o diario El País (1985-1990) e, desde 1993, Unión Radio, en que se integra a Sociedad Española de Radiodifusión (SER). Membro da Academia Europea de las Artes y de las Ciencias, foi condecorado coa medalla da Universidad Internacional Menéndez Pelayo (1982) pola súa actividade editorial, coa Légion d’Honneur do goberno francés (2004) e foi investido doutor honoris causa pola University de Brown.

GALICIA

Xornalista. Licenciado en Ciencias da Información pola Universidad Complutense de Madrid, colaborou en Radio Pontevedra (SER) e Radio Noroeste ata a súa incorporación a Faro de Vigo, do que é subdirector. Para este xornal foi correspondente na comarca do Morrazo, xefe da área de Galicia e redactor xefe. Escribiu a biografía Johan Carballeira (1997).

PERSOEIRO

Sindicalista. De ideoloxía republicano-federal, colaborou na organización da Federación Local de Sociedades Obreras de Santiago de Compostela, durante a década de 1920. Amante do teatro e da poesía social, participou na fundación do grupo teatral Brisas Futuras estreando a obra de X. San Luis Romero, O Fidalgo (1918). Colaborou na prensa obreira e progresista compostelá, particularmente en La Lucha Social. Ocupou a secretaría do Centro Republicano Federal de Izquierda Gallega.

PERSOEIRO

Economista. Catedrático da facultade de Dereito da Universidad de Madrid, foi oficial do exército republicano e tivo que exiliarse ata 1954. Escribiu Inflación y desarrollo económico (1957), El sistema bancario español (1958), El plan de desarrollo de España 1964-1967 (1965) e La inflación (1974).

GALICIA

Relixioso. Licenciado en Teoloxía e Ciencias Bíblicas, foi cóengo e deán da catedral de Santiago de Compostela e profesor do Instituto Teolóxico e de ensino secundario. Foi secretario da Real Sociedad Económica de Amigos del País de Santiago de Compostela, secretario xeral da Xunta Central do Ano Santo compostelán (1965, 1971 e 1975), provigairo xeral do arcebispado de Santiago de Compostela (1973) e censor e xuíz prosinodal do mesmo.
Escribiu El Apóstol Santiago, apellidado el Mayor, Guía del Peregrino (1965), Santiago el Mayor, patrón de España: vida y culto (1985), Catedral de Santiago de Compostela (1993), Santiago Apóstolo: vida, peregrinaciones, catedral compostelana (1999) e O pensamento relixioso do profesor Alfredo Brañas (2003).
Deán honorario das catedrais de Santiago de Compostela e Braga, recibiu...

GALICIA

Escritor e profesor. Membro do grupo poético Cravo Fondo e cofundador do PEN Club de Galicia, colabora en diversas publicacións periódicas, como o Boletín Galego de Literatura, Dorna e Follas Secas con artigos sobre temas literarios e lingüísticos. Na súa obra poética, en que a paisaxe galega é un dos elementos centrais, abundan os trazos intimistas e pesimistas, xunto con algúns elementos eróticos. Publicou os poemarios Xuntos cara ao mañán (1969), Sangue na paisaxe (1980, Premio Manuel Antonio), No aló de nós (1981, Premio Galicia), en colaboración con H. Villar Janeiro; Matria de sombra (1987), Poldros de música (1993, XIII Premio Esquío) e Os dedos dos loureiros (2000); no apartado de literatura infantil, tamén con H. Villar, Contos de nós e da xente (1975) e O libro de María (1984); as novelas Morrer en Vilaquinte (1980, Premio Galicia), en colaboración con H. Villar; Branca...

GALICIA

Escritor. Correspondente e colaborador en varios xornais, escribiu D. Rafael M. de Labra: estudo biográfico (1911), Año Santo de 1920. El jubileo plenísimo del apóstol Santiago y las peregrinaciones arciprestales (1920), Compostela y su Año Santo. Programa de las fiestas patronales (1920), El arma de caballería española y su patrono el apóstol Santiago (1935) e El Jubileo jacobeo: su institución y desenvolvimiento hasta hoy: monografía (1937). Foi académico correspondente da Real Academia Galega.