"lla" (Contén)

PERSOEIRO

Pintor. Coñecido como Villafínez, na súa traxectoria artística distínguese un primeiro período de formación, con Mariano Tito Vázquez, en que comezou copiando estampas e ilustracións de influencia xaponesa. Principiou a realización de paisaxes urbanas, sobre todo de Santiago de Compostela, cunha técnica impresionista. Foi abandonando o debuxo para darlle unha maior relevancia á luz e á cor. Destacan Bonaval (1930?), Pórtico da Gloria (1935), Torre do Reloxo (1935), Interior da catedral de Santiago, Vista de Santiago desde a Ferradura (1940?) e Os profetas (1941). Nos últimos anos tivo que realizar pinturas en serie destinadas ao gran público, como a repetición do motivo do Pórtico da Gloria.

PERSOEIRO

Oficial carlista, irmán de Xoán Martínez Villaverde. Foi depurado en 1832 do exército e uniuse ás filas dos carlistas. En 1834 levantou unha partida carlista nos arredores de Chantada e organizou a ocupación de Lugo, durante a que morreu.

PERSOEIRO

Relixioso, irmán de Francisco Xavier Martínez Villaverde. Cura e guerrilleiro carlista, nomeárono cóengo de Mondoñedo (1824) e arcediago de Melide. Presidiu a Xunta Carlista de Galicia e, trala disolución desta en 1839, fuxiu a Francia.

ILLAS

Arquipélago de orixe volcánica do Océano Índico, situado ao L de Madasgascar e composto polas illas Mauricio, Rodrigues, Reunión e outras illas menores (4.661 km2; 1.690.105 h [estim 1991]).

MUNICIPIOS

Municipio da provincia de León, Castela e León, situado ao N da capital provincial e drenado polo río Torío (1.624 h [2001]). A economía baséase na agricultura, na gandería e nos xacementos de hulla.

ILLAS

Estado de África oriental, situado no Océano Índico, ao L de Madagascar. Comprende as illas Mauricio, Rodrigues e os grupos de Agalega e Saint Brandon, tamén chamados Cargados Carajos (1.865 km2; 2.045 km2 coas súas dependencias; 1.156.000 h [estim 2001]). A capital é Port Louis.
Xeografía
De orixe volcánica, o relevo ao longo da costa é montañoso e de fértiles chairas no interior. O clima é monzónico e son frecuentes os tifóns. A base económica é a agricultura, onde destacan os cultivos de cana de azucre, té, tabaco, millo, arroz, legumes, hortalizas, oleaxinosas e froita tropical. Posúe industria de transformación de produtos agrícolas, da madeira, de confección téxtil, unha fábrica de fertilizantes e unha refinería de petróleo. Exporta azucre e subprodutos, confección, té, petróleo e artigos manufacturados.
Sociedade e goberno

Diversidade étnica e cultural
A poboación de...

PERSOEIRO

Físico estadounidense. Estudiou no Instituto de Tecnoloxía de California e na Universidade de Princeton, onde se doctorou en 1932. Traballou na Universidade de California e dirixiu o Laboratorio de Radiación Lawrence. Descubriu os elementos transuránicos neptunio (Np) e plutonio (Pu), inventou o sincrociclotrón e contribuíu ás investigacións sobre enerxía nuclear. En 1951 recibiu, xunto con Glenn T. Seaborg, o premio Nobel de Química polo descubrimento dos transuránidos.

1. 1. Peza de metal fundido ou cuñado, de forma semellante á dunha moeda e traballada en relevo, que está destinada á conmemoración dun feito. Realizadas preferentemente en ouro, prata ou bronce, o seu uso vinculouse coa condecoración de actos deportivos, militares, fazañas ou personaxes ilustres. De uso corrente na Antigüidade, especialmente en Roma, a súa fabricación recuperouse en Italia desde finais do s XIV, da man de artistas como A. Pisano, S. Malatesta, F. Laurana e máis tarde, B. Cellini. Nos países xermánicos destacaron os centros de Nuremberg e Augsburgo con artistas como A. Dürer, ademais de Q. Massys, en Países Baixos e J. Goujon en Francia.

   2. Chapa ou placa de metal que se pendura do pescozo como adorno.

   3. Condecoración ou premio que se concede aos mellores participantes en concursos, competicións ou exhibicións.

   4. medalla de bronce

      Premio que se concede nalgúns concursos, competicións ou exhibicións a quen acadou a terceira posición.

   5. medalla de ouro

      Premio que se concede ao vencedor nalgúns concursos, competicións ou exhibicións .

   6. medalla de prata

      Premio que se concede nalgúns concursos, competicións ou exhibicións  a quen acadou a segunda posición.

2. Peza metálica cuñada que reúne as características das moedas e das medallas. As medallas de proclamación, cuñadas desde Filipe I con motivo da proclamación dun novo soberano, tenderon desde os tempos de Carlos IV a acadar o valor dalgúns dos tipos monetarios en curso. Tamén se dá este nome ás grandes pezas de ostentación, múltiplos da unidade de ouro, que levan algúns soberanos e que polos seus altos valores non están destinadas a circular.

3. Mérito ou recoñecemento que se lle dá a alguén.

PERSOEIRO

Arquitecto e entallador. Traballou baixo o mecenado do arcebispo Antonio de Monroy na reconstrución do pazo arcebispal de Santiago de Compostela e na capela do Espírito Santo da catedral compostelá, para a que realizou os retablos maior e o colateral de San Sebastián, e os moldes para a reixa da porta de entrada da balaustrada e para a escaleira do coro.

CIDADES

Cidade Autónoma de España no Norte de África, situada na parte oriental dunha pequena península, nunha baía entre os cabos Tres Forcas e Agua. Limita co Mar Mediterráneo e cunha franxa neutral de 500 m de anchura que a separa do estado de Marrocos pola parte continental (68.789 h [2001]). Está a 35° 17’ 40’’ de latitude N e 2° 56’ 30’’ de lonxitude O.
Xeografía
O seu núcleo primitivo era un illote-fortaleza que domina a chaira onde se ergue a cidade moderna. Ten un clima mediterráneo semiárido, cunha temperatura media anual de 20°C e escasas precipitacións. A poboación é na súa maioría de orixe española, e a única minoría importante é a musulmá. É unha praza militar cunha economía limitada ás necesidades da poboación e cunha mínima dedicación ao turismo. A actividade do porto está vinculada á exportación de produtos marroquís, sobre todo ferro.
Historia
A antiga Rusaddir foi unha colonia fenicia desde o s VI a C. Pasou sucesivamente a mans...