"An" (Contén)

PERSOEIRO

Político e economista italiano. Opúxose ao fascismo, exiliouse en Francia (1924) e foi detido polos alemáns (1943). Ao retornar, en 1945, foi un dos fundadores da Unione Democratica Nazionale e senador (1948-1953).

PERSOEIRO

Relixioso. De familia nobre, foi arcebispo de Reims en 649. Reformou os costumes da súa diocese, restableceu a disciplina do clero e restaurou varios mosteiros. A súa festividade celébrase o 1 de setembro.

1. Relativo ou pertencente a Nixeria ou aos seus habitantes.

2. Natural ou habitante de Nixeria.

PERSOEIRO

Poeta persa. Iniciouse na mística sufí e foi protexido de diversos príncipes. Da súa produción destacan cinco célebres matnawī e o conxunto de narracións novelescas Sete ídolos (1188).

PERSOEIRO

Escritor francés. Na École Normale Supérieure de París (1924) coñeceu a Jean P. Sartre, con quen mantivo unha estreita relación. Membro do Partido Comunista (1927-1939), foi un dos intelectuais franceses máis destacados da súa época. É autor dos ensaios Aden Arabie (1932) e Chronique de septembre (1939), e das novelas Le cheval de Troie (1935) e La conspiration (1938).

PERSOEIRO

Político ganés. Primeiro presidente da república de Ghana (1960), instaurou un réxime centralista, unipartidista, progresista e panafricanista. En 1966, durante unha viaxe a Pequín, foi derrocado e exiliouse en Guinea.

GALICIA

Anarcosindicalista e tipógrafo. Foi un dos máximos referentes do obreirismo coruñés. Alternou o labor sindical e a actividade xornalística na prensa obreira, coa presenza nos postos directivos do Centro de Estudios Germinal e a xestión da Tipografía Obrera, que rexentou ata a súa morte. Foi membro do Comité da Federación de Sociedades Obreras da Región Española (1905) e alicerce da Federación Solidaridad Obrera de Galicia (1910). Entre 1916 e 1917 presidiu a Federación Local Obrera coruñesa, encabezou a sociedade de mariñeiros El Despertar Marítimo e participou activamente nas grandes folgas xerais deses anos, polo que foi recluído varios meses no castelo de Santo Antón. En 1918 orientou aos propagandistas do Comité Nacional da CNT na súa xira por Galicia e, un ano despois, foi deportado xunto con varios correlixionarios a Baltanás (Palencia).

PERSOEIRO

Escritora, princesa de Brancovan e condesa Mathieu. Influída por V. Hugo, as súas creacións caracterizáronse polo lirismo e a sensibilidade. Destacan as súas obras Le coeur innombrable (1901), La nouvelle espérance (1903), Les éblouissements (1907), L’honneur de souffrir (1927) e Le livre de ma vie (1932). Foi membro da Académie Française.

PERSOEIRO

Eclesiástico. Foi bispo de Caors (1679) e de Châlons-sur-Marne (1680), arcebispo de París (1695) e cardeal (1700). Interveu na disputa xansenista, pero ao non aceptar a bula Unigenitus dividiu a Igrexa de París.

IGREXAS

Igrexa parroquial situada en Sanxenxo. Consta dunha soa nave dividida en tres tramos, os dous máis occidentais cubertos con bóveda de cruzaría e o terceiro xunto á capela con bóveda de canón. A fachada presenta dúas arquivoltas apuntadas. No tímpano atópase un calvario do s XVIII. Conta cunha torre-campanario.

PERSOEIRO

Poeta. Caracterizouse pola suavidade e a melancolía dos seus versos. Publicou en París a primeira edición do seu principal libro, Só (1892). Postumamente apareceron Despedidas (1902) e Primeiros versos (1921).

IGREXAS

Igrexa parroquial situada en Lalín. Datada nos ss X-XII, consta dunha nave e catro ábsidas cuadrangulares en que se observan as diferentes épocas en que foron construídas.

GALICIA

Político e xurista. Formou parte da milicia nacional. A súa andaina política comezou no progresismo, e pasou por diferentes tendencias como o autoritarismo (1868), o carlismo (1870) e o absolutismo. Foi deputado en numerosas ocasións entre 1844 e 1872 e ministro da Gobernación (1856-1857). Defendeu a necesidade dunha lei do funcionariado, o dereito da Igrexa a administrar os seus bens, e redactou a Lei da Imprenta (1857).

IGREXAS

Igrexa parroquial situada nas Nogais. Construída no s XIII, conserva restos prerrománicos. Consta de nave de planta rectangular, ábsida realizada en estilo románico de transición cun tramo recto cuberto con bóveda de canón e testeiro redondo cuberto con bóveda de laranxa; capela na parte esquerda da nave, muros de cachotaría de lousa e cuberta a dúas augas. Destaca a portada sur, fachada principal do antigo templo cun arco triunfal peraltado, tripla arquivolta con doelaxe radial e saínte decorada con semicírculos e bólas nas esquinas, mochetas biseladas e outros adornos como estrelas de oito radios.

IGREXAS

Igrexa parroquial situada en Chantada. Realizada en estilo románico na segunda metade do s XII, sufriu reformas na torre e na fachada durante o s XVIII. Ten nave rectangular, ábsida cadrada con arco triunfal de medio punto e bóveda de canón, e cuberta de tella a dúas augas. A fachada, barroca aínda que cun rosetón románico, está estruturada en tres corpos verticais separados por pilastras. A torre, composta por tres corpos, é cadrada.

GALICIA

Político, enxeñeiro e economista. Enxeñeiro industrial e licenciado en Ciencias Económicas, traballou en Citroën   Hispania (1964-1972) e en 1973 incorporouse a Sociedad para el Desarrollo Industrial de Galicia (SODIGA), onde foi responsable das áreas de Promoción Industrial e Relacións Internacionais ata 1997. Na década de 1960 fundou Galicia Socialista e desde 1964 presidiu a Asociación Cultural de Vigo, centro de oposición cultural e política ao Franquismo. En 1975 contribuíu á creación da Asemblea Nacional Popular Galega (ANPG) e do Partido Obreiro Galego (POG). Foi dirixente de UPG-ANPG (1970-1977), do PSG-EG (1977-1996) e do BNG (1996-1999). Foi un dos redactores do Anteproxecto do Estatuto de Autonomía de Galicia, participando na Comisión dos 16. Foi deputado no Parlamento galego (1981-1993 e 1997-1999) e no Parlamento europeo polo BNG (1999-2004) formando parte do Grupo de los Verdes-Alianza Libre Europea. Como eurodeputado formou parte dunha misión de paz en Iraq e participou no...

IGREXAS

Igrexa parroquial situada en Meis. Pertenceu ao antigo mosteiro beneditino de Nogueira e, a partir do s XVI, á orde dos Cabaleiros de San Xoán. Realizada en estilo románico, o arco triunfal conserva unha inscrición de 1150, data de construción. Ten ábsida semicilíndrica, capiteis interiores adornados con follas de acanto e exteriores con motivos de cestaría.