"fico" (En toda a entrada)

Aplícase á forza que se orixina pola rotación da Terra (forza de Coriolis) ou aos ventos causados por ela.

san (Strido, Dalmacia 342? - Betlem 420) Pai e doutor da Igrexa. O seu labor reflectiuse nunha obra abundante e extraordinaria, como a versión latina da Biblia, coñecida como Vulgata, incontables comentarios a textos bíblicos cunha exhaustiva achega de datos xeográficos e filolóxicos, traballos edificantes como De viris illustribus e a continuación da historia eclesiástica de Eusebio. Participou tamén en polémicas e deixou unha correspondencia. Represéntase como penitente no deserto, como sabio na súa cela ou como doutor da Igrexa. Como atributos leva a pedra coa que daba golpes no peito, a caveira sobre a que meditou, a pomba da súa inspiración, o capelo cardinalicio, o león domado e o báculo. A súa festividade celébrase o 30 de setembro.

Relativo ou pertencente á xilografía. OBS: A grafía <x> representa o son [ks].

(Fontiveros, Ávila 24.6.1542 - Úbeda, Jaén 14.12.1951) Escritor e doutor místico da Igrexa. De nome Juan de Yepes Álvarez, toda a súa vida estivo baseada no coñecemento da filosofía da Sagrada Escritura e da patrística. Representante do cume da escola ascético-mística castelá, escribiu poesías e varios tratados que son comentarios a algunhas destas composicións: Subida al Monte Carmelo e Noche oscura, comentan o poema “En una noche oscura”; Llama de amor viva, comenta “Oh llama de amor viva!”, e Cántico espiritual, a do mesmo título. En Subida al Monte Carmelo trata da purgación do sentido, do entendemento, da memoria e da vontade, e en Noche oscura da purgación espiritual e sensorial. Cántico espiritual ten catro partes, que corresponden á vía purgativa, á vía iluminada e ao estado beatífico. O autor, para expresar aquilo que é inexpresable, é dicir, a experiencia mística, serviuse de fontes bíblicas,...

Xornal publicado en Pontevedra entre 1991 e 1992. Dirixido por Javier Sánchez de Dios e, posteriormente, por Francisco López-Barxas, apostou pola información local e o carácter independente. A opinión e os suplementos monográficos caracterizaron esta publicación que se distribuíu exclusivamente na provincia de Pontevedra.

Órgano de goberno do réxime preautonómico galego, dotado de personalidade xurídica plena. O 16 de marzo de 1978 aprobouse o Decreto de Autonomía Transitoria polo que se constituíu a preautonomía galega e se instaurou a Xunta como órgano de goberno. O goberno formalizouse no pazo de Xelmírez o 18 de abril de 1978 baixo a presidencia de Antonio Rosón Pérez, de UCD, que contou ademais con membros dos partidos con representación nas Cortes con grupos sen representación política como os galeguistas históricos ou personalidades da vida cultural que formaron parte das comisións de transferencias. Este primeiro goberno estaba organizado en tres secretarías (Xeral, Emigración e Interior) e oito consellerías (Agricultura, Gandaría e Montes; Cultura; Educación e Ciencia; Enerxía, Industria e Comercio; Ordenación do Territorio; Pesca; Sanidade e Seguridade Social; e Traballo). O 3 de xullo, segundo a proposta de Rosón, a Xunta fixo una convocatoria xeral chamando á colaboración na elaboración do Estatuto...

Lugar do estado de Virginia, EE UU, situado no esteiro do río York, na badía de Chesapeake. O 19 de outubro de 1781 tivo lugar alí a Capitulación de Yorktown, que significou o final da Guerra de Independencia.

Combate que tivo lugar preto da antiga cidade de Naraggara, en Numidia, en outubro de 202 a C. O exército romano, baixo as ordes de Escipión Africano, derrotou as tropas cartaxinesas de Aníbal, o que significou o fin da Segunda Guerra Púnica.

(s VII? a C) Fundador do mazdaísmo. Segundo as noticias dos Gāthā, de dubidosa verosimilitude histórica, era un sacerdote que predicou as revelacións recibidas de Ahura Mazdā e que obtivo a conversión do Rei Vištāspa. A tradición faino orixinario de Rhades (actual Ràyy, preto de Teherán), pero indicios xeográficos e lingüísticos (a lingua do Avesta) fan pensar nas rexións orientais. En canto á época, as opinións son tamén moi contraditorias, pero a tradición parsi fixa a súa época 258 anos antes de Alexandre o Grande, cara ao 630 a C.

Desdobramento de cada unha das liñas dun espectro atómico en diversas novas liñas dispostas simetricamente respecto ás iniciais, cando os átomos produtores do espectro son sometidos a un campo magnético. A separación das liñas desdobradas é proporcional á intensidade do campo magnético aplicado. Descuberto por Zeeman en 1896, significou, no caso do hidróxeno, unha confirmación da teoría clásica do átomo de Bohr.

Empresa fundada pola familia Fernández López en 1939 e instalada no Porriño, que se dedica á investigación e fabricación de produtos químicos e farmacéuticos. Está constituída por cinco compañías dedicadas a dous sectores diferentes: o sector biofarmacéutico, ao que pertencen, PharmaMar, compañía biotecnolóxica dedicada a avanzar no tratamento contra o cancro mediante o descubrimento e desenvolvemento de medicamentos innovadores de orixe mariña, Neuropharma, empresa especializada na investigación e desenvolvemento de tratamentos para a enfermidade do Alzheimer e outras enfermidades neurodexenerativas do sistema nervioso, e Genomica, compañía especializada na análise e no diagnóstico molecular; e o sector químico, ao que pertence Zelnova, que se dedica á fabricación de produtos de hixiene e limpeza para o fogar, industria e hostalaría e Xylazel, que se dedica á fabricación de pinturas e vernices. O grupo edita unha revista médica Zeltia,...

Deus da mitoloxía grega, fillo de Cronos e Rea. Seu pai adoitaba comer os seus fillos ao nacer, pero a nai salvouno e confioullo a unhas ninfas en Creta ou en Arcadia, que o criaron nunha cova. Adulto, destronou o seu pai. Era un deus do ceo, e posiblemente el e Posidón tiveron un papel moi importante na masculinización da relixión grega de época histórica, en tensión cos modelos femininos da relixión mediterránea que os indoeuropeos atoparon en Grecia ao chegar. Desde a época arcaica é unha divindade especialmente vinculada a conceptos como o de xustiza. Foi o deus máis venerado en Grecia e en Roma identificouse con Xúpiter. Represéntase barbado e xeralmente espido, ou parcialmente cuberto cunha capa se aparece sentado maxestosamente nun trono.

Comunidade animal natural en equilibrio multiespecífico, no seo da que dominan os fenómenos de interdependencia e que, cun hábitat definido homoxéneo, permanece en equilibrio ao menos durante todo un ciclo anual.