"fico" (En toda a entrada)

Enfrontamento bélico que tivo lugar en 1982 entre Reino Unido e Arxentina, por causa da soberanía sobre illas Malvinas, de titularidade británica desde 1833. As illas tiñan un interese estratéxico por ser escala do tráfico marítimo entre o Atlántico e o Pacífico. No aspecto militar, Reino Unido gañou o conflito, e no aspecto político provocou unha crise interna en Arxentina que implicou a caída da ditadura e a instauración no poder de Raúl Alfonsín.

Formación vexetal helofítica constituída basicamente por mangleiros e especies leñosas similares, propia da banda intermareal dos litorais planos e lamacentos da zona intertropical, sobre todo no Pacífico, pero tamén no Atlántico e no Índico.

Mapa cartográfico de España reproducido a escala 1:50.000 e a escala 1:25.000, que constitúe a cartografía básica oficial. O mapa de 1:50.000 comezou a elaborarse en 1853 e rematouse en 1968, baseándose na rede xeodésica e cun total de 1.122 follas. En 1975 comezouse a escala 1:25.000 con datos proporcionados por satélites e fotografías aéreas; rematouse en 2003 con 4.123 follas, que cobren a totalidade do territorio ofrecendo unha representación detallada do terreo nos seus aspectos topográficos, morfolóxicos e os derivados da presenza humana, así como do medio natural. Ambos foron levantados polo Instituto Geográfico Nacional.

Introdución xeneralizada, progresiva e a grande escala, das máquinas no proceso de produción. A Revolución Industrial significou un cambio moi forte das formas de produción de bens, pois introduciu o uso xeneralizado de artefactos mecánicos que conseguiron aforrar man de obra.

Formato bibliográfico susceptible de ser tratado por ordenador, desenvolvido pola Library of Congress de EE UU en 1966. É un intento de definir unha fonte estándar de información bibliográfica que permita o intercambio e a manipulación no ámbito internacional. Despois de mellorar o formato inicial apareceu o MARC II (1968). Estrutúrase segundo campos que poden almacenar máis de 500 informacións sobre unha soa obra.

Aparato que rexistra as variacións do nivel do mar nas distintas horas do día, especialmente as que se deben ás mareas. Está formado por un flotador acoplado á pluma dun rexistrador que debuxa sobre un gráfico as variacións.

(s I) Penitente. Personaxe do Novo Testamento, foi discípula de Xesús Cristo, a quen acompañou ata a súa morte na cruz e foi a primeira persoa que anunciou a súa resurrección. A tradición medieval occidental identificouna coa pecadora arrepentida que perfumou os pés de Xesús Cristo na casa de san Simón, citada nos Evanxeos de san Lucas, san Mateo e san Marcos. Discútese se María de Magdala, María de Betania e a pecadora anónima eran esta mesma santa. É a personificación das bágoas do arrepentimento. Na iconografía existen dúas tipoloxías: a Madalena cortesá de gran fermosura e sensualidade que, vestida con ricos vestidos, leva na man un vaso de perfume para lavarlle os pés a Xesús Cristo; e a Madalena penitente, xeralmente núa, co corpo cuberto por unha longa cabeleira, e que leva nas mans un cranio, un rosario e unha coroa de espiños. A súa festividade celébrase o 22 de xullo.

Depresión do Océano Pacífico que constitúe un estreito arco que se estende de L a S do arquipélago das Marianas. Ten unha profundidade de 10.960 m, a máis profunda que se coñece.

Porto do litoral atlántico galego, situado en augas abrigadas da ría de Pontevedra e que goza dunha estratéxica localización no centro xeográfico do Eixo Atlántico. O seu privilexiado emprazamento ofrece unha óptima entrada a Europa, xa que dispón de boas comunicacións que garanten un rápido transporte tanto ferroviario como por estrada. É o motor económico da zona e o terceiro de Galicia en importancia, despois de Vigo e A Coruña. Destaca como centro loxístico de distribución de grans agroalimentarios para o S de Galicia e o N de Castela-León. Dentro das operacións portuarias destacan as de grans sólidos, a terminal de contedores, as de pasta de papel, madeira e cemento, a terminal de froitas e a pesca fresca e conxelada.

a Vella Igrexa situada en Maside. De estilo románico, foi construída entre finais do s XII e principios do s XIII. Ten planta rectangular e unha soa nave separada da ábsida por medio dun arco toural de medio punto ornamentado con outro arco, que descansa sobre dúas columnas acaroadas e cos capiteis decorados. Durante a restauración do templo descubriuse unha arcada similar á anterior e atopáronse na ábsida pinturas murais do s XVI de estilo renacentista. A fachada ten portada románica con dous pares de columnas de fustes lisos e capiteis zoomórficos. As arquivoltas son sinxelas e o tímpano liso. No edificio destacan os numerosos relevos nos capiteis e nos muros, tanto do exterior como do interior. O templo foi igrexa parroquial ata 1910, cando se construíu a igrexa de San Tomé de Maside a Nova.

Arquivo fotográfico formado por imaxes de José María Massó (1899-1981), E. Barreiro, X. Pacheco, Sánchez Ocaña e os irmáns Sarabia. Composto de numerosas imaxes de África, destacan tamén as fotografías de acontecementos familiares, retratos de amigos e parentes, e de diversas actividades lúdicas, ademais das súas visitas a países europeos. A elas hai que sumar outras moitas de carácter máis etnográfico e económico relacionadas co mundo do mar.

Certame convocado polo Concello de Ferrol a partir de 1983. O fin foi o de constituír unha colección galega de gravado contemporáneo, conservada e incrementada despois de cada edición polo Arquivo Calcográfico Ferrolán. Non ten carácter anual e dos premios destaca o extraordinario para a especialidade de linóleo. As obras premiadas pasan a formar parte do Museo Municipal.

Relativo ou pertencente á mecanografía.