correola

Herbácea gabeadora dos xéneros Calystegia e Convolvulus, da familia das convolvuláceas, de follas dispostas de xeito alterno e sen estípulas, flores cos pétalos soldados en forma de funil e froitos en cápsula. En Galicia están presentes as especies: Calystegia sepium, con follas de ata 15 cm de lonxitude, flores brancas ou rosadas de ata 4 cm de diámetro, propia de beiras de ríos e lugares húmidos; Calystegia sylvatica, de flores brancas de ata 75 mm de diámetro, propias de matogueiras do sudoeste do país; Calystegia soldanella, de follas arredondadas e carnosas, flores rosas con listas brancas de ata 40 mm de diámetro, propia de dunas e praias; e Convolvulus arvensis, de flores brancas ou rosas de 30 mm de diámetro, propia de cultivos, camiños e medios litorais.

2 chantaxe.

Alga das especies Chorda filum ou Himantalia elongata, caracterizadas pola súa morfoloxía de fita alongada e engrosada.