enterrar

1. v t Antónimos: desenterrar.

   1. Poñer algunha cousa baixo terra.

      Ex: O can enterrou o óso na leira. Quitas a planta do tarro e entérrala na xardín.

      Sinónimos: soterrar. Antónimos: desenterrar.

   2. Cubrir algo ben con terra ou outro material.

      Ex: Unha tormenta de area enterrou o oasis.

      Sinónimos: soterrar.
2. v t Antónimos: desenterrar, exhumar.

   1. Meter un cadáver nunha sepultura. Na tradición oral recóllense ditos como: “Cada pobre enterra o seu pai como pode. Contigo me enterren, que ben me entendes.”

      Ex: Enterraron os corpos dos combatentes.

      Sinónimos: inhumar, sepultar, soterrar. Antónimos: desenterrar, exhumar.

   2. Asistir alguén a un enterro.

      Ex: Hoxe enterraron o seu amigo.

      Antónimos: desenterrar.
3. v t

   Esquecer alguén algo intencionadamente.

   Ex: É mellor que enterredes as vosas diferencias e volvades ser amigos.

   Antónimos: desenterrar.
4. v t

   Sobrevivir despois de que alguén morra.

   Ex: A avoa vainos enterrar a todos.

5. v pron

   1. Meterse baixo terra.

      Ex: Os rapantes entérranse na area para que non os vexan.

   2. Afundirse algo ou alguén nalgún sitio.

      Ex: Enterrouse en areas movedizas.

6. v pron

   Retirarse da vida diaria e deixar de relacionarse cos demais.

   Ex: Enterrouse na súa casa a escribir.

Frases feitas

• Enterrar o diñeiro. Aforrar.

• Enterrarse en vida. Deixar a vida cotiá e de relacionarse co resto do mundo.