levantar

1. v t Antónimos: baixar.

   1. Mover algo ou a alguén cara a arriba, ou poñelo nun lugar máis alto.

      Ex: Levanta a man cando queiras falar. Para mover a cadeira levántaa, non a arrastres. Levantou a saia ata o xeonllo. OBS: Nalgunhas construcións omítese o complemento e adquire valor absoluto. Ex: Levanta por esa esquina que vai caer ó chan.

      Sinónimos: alzar, elevar, erguer. Antónimos: baixar.

   2. Dirixir algo cara a arriba.

      Ex: Levantou os ollos ó ceo.

      Sinónimos: alzar, erguer. Antónimos: baixar.
2. v t Antónimos: deitar.

   1. Poñer algo ou a alguén dereito ou en posición vertical.

      Ex: Levanta esa roseira que dobrou o vento. Levanta a nena, que xa volveu caer.

      Sinónimos: erguer.

   2. Facer que alguén saia da cama.

      Ex: Levanta a teu pai que xa son horas de ir ó traballo.

      Sinónimos: erguer. Antónimos: deitar.
3. v t

   Construír un edificio ou unha obra.

   Ex: Levantaron a parede nunhas poucas horas.

   Sinónimos: alzar, elevar, erguer.
4. v t

   Provocar un determinado efecto.

   Ex: Os zapatos novos levantáronlle ampolas nos pés. A súa proposta para o cargo levantou moitas suspicacias.

5. v t

   Facer algo máis intenso ou incrementar algo.

   Ex: Non fai falta que me levantes a voz.

   Sinónimos: elevar.
6. v t

   Facer que a caza saia da súa gorida ou agocho.

   Ex: Foi chegar ó monte e o can xa lle levantou catro coellos.

7. v t

   Desmantelar unha cousa.

   Ex: Levantaron o campamento e continuaron a expedición.

8. v t

   Anular ou deixar algo sen efecto.

   Ex: Levantaron a prohibición de viaxar a ese país.

9. v t

   Suscitar algo.

   Ex: Uns individuos descoñecidos levantaron sospeitas entre os veciños.

10. v t

    Redactar un documento co fin de que quede constancia dun feito, dun acordo ou dunha manifestación de vontade.

    Ex: O notario levantou acta do acontecido.

11. v t

    Separar unha cousa do que está unida ou pegada.

    Ex: Levanta o adhesivo con coidado para que non rompa.

12. v t

    Proporcionar máis forza ao ánimo ou ao valor de alguén.

    Ex: Vou velo, a ver se lle levanto un pouco a moral.

13. v t

    Facer que alguén se rebele contra algo ou alguén.

    Ex: A falta de alimentos levantou a poboación.

    Sinónimos: sublevar.
14. v t

    Axudar a alguén nunha situación.

    Ex: Foi o seu sogro quen os levantou cando estaban empeñados.

15. v t

    Fundar ou levar a diante algo.

    Ex: Levantou un imperio comercial. Entre os dous levantaron unha magnífica familia.

16. v i

    Deixar de chover ou mellorar o tempo.

    Ex: En canto levante un pouco o día sairemos de paseo.

17. v pron

    Moverse cara a arriba.

    Ex: Ó pasar o coche levantáronse as follas caídas.

18. v pron

    Saír alguén da cama.

19. v pron

    Poñerse de pé.

    Ex: Se te levantas cólleme un refresco da neveira.

20. v pron

    Elevarse ou sobresaír sobre unha superficie.

    Ex: A torre da catedral levantábase maxestosa sobre os tellados.

21. v pron

    Comezar a aparecer algo.

    Ex: Levantáronse rumores de que haberá un cambio de goberno.

22. v pron

    Comezar a facer vento ou a axitarse o mar.

23. v pron

    Deixar algo de estar pegado ou unido a algo.

    Ex: Levantáronse as baldosas da cociña.

24. v pron

    Rebelarse alguén contra algunha autoridade.

    Ex: Levantáronse en armas contra o ditador.

25. levantar voo

    Separarse un aparato de aviación do chan ou do mar ao comezar o voo.

Frases feitas

• Levantar a carne. Sacar a carne do sal.

• Levantar a carne. Sacar a carne do sal.

• Levantar a eira. Recoller o gran.

• Levantar a eira. Recoller o gran.

• Levantar a lebre. Descubrir algo que estaba oculto.

• Levantar a lebre. Descubrir algo que estaba oculto.

• Levantar cabeza. Recuperarse dunha situación desagradable.

• Levantar cabeza. Recuperarse dunha situación desagradable.

• Levantarse o leite. Deixar de dar leite.

• Levantarse o leite. Deixar de dar leite.

• 2 Pegar a alguén.

• 2 Pegar a alguén.

• Levantar a man contra alguén 1 Ameazar a alguén.

• Levantar a man contra alguén 1 Ameazar a alguén.

• Levantar as patacas. Recoller as patacas.

• Levantar as patacas. Recoller as patacas.

• Levantarse dos pés de atrás. Arrepoñerse.

• Levantarse dos pés de atrás. Arrepoñerse.