¹ pasar

1. v t

   Levar algo ou a alguén dun lugar a outro.

   Ex: Pasa a bandexa para aquela mesa.

   Sinónimos: transportar, trasladar.
2. v t

   Atravesar un lugar.

   Ex: Pasaron a serra polo porto de montaña.

   Sinónimos: cruzar.
3. v t

   1. Entregar algo a alguén.

      Ex: Pasoulle os documentos que tiña. Pasáronlle a pelota e marcou un gol.

   2. Facer chegar algunha cousa a alguén.

      Ex: Pásame o teu número de teléfono. Pasoulle o recado.

4. v t

   Experimentar unha situación desagradable.

   Ex: Pasamos moito medo e frío.

   Sinónimos: sentir.
5. v t

   Transcorrer un período de tempo.

   Ex: Pasei a mañá limpando a cociña. Pasou un mes no hospital. Pasarei o Nadal cos meus pais.

6. v t

   1. Introducir unha cousa a través doutra.

      Ex: Pasou a corda polo buraco da roldana.

   2. Mover unha cousa pola superficie doutra

      Ex: Pasoulle a man pola cabeza. Pásalle un pano á mesa para limpala.

   3. pasar o ferro

      Alisar a roupa tirándolle as engurras, co ferro de pasar.

7. v t

   Transmitir algunha cousa.

   Ex: Pasounos o arrefriado. Espero que nos pasen toda a información.

8. v t

   Someter un alimento a unha cocción excesiva.

   Ex: Pasa ben a carne para que a coma.

9. v t

   Superar unha dificultade ou obstáculo.

   Ex: Pasou a primeira proba. O libro pasou a censura.

10. v t

    Deixar un obxecto que algo penetre a través del.

    Ex: O tellado pasa moita auga.

    Sinónimos: meter.
11. v t

    Deixar atrás un lugar ou un acontecemento.

    Ex: Pasamos Lugo e aínda seguía durmindo. Pasou as festas na cama.

12. v t

    Perdoar ou tolerar algunha cousa.

    Ex: Esta é a última vez que che pasa un feito semellante. Xa lle teñen pasado moitas falcatruadas.

13. v t

    1. Deixar atrás a alguén ou algo que estaba diante.

       Ex: O coche pasouno á altura do mercado.

       Sinónimos: adiantar.

    2. Sobrepasar un límite.

       Ex: Pasou o límite de velocidade.

14. v t

    Omitir un elemento dunha serie.

    Ex: Pasa as follas de dúas en dúas. Pasaron o teu número e non te chamaron.

15. v t

    Introducir mercadorías nun país de forma encuberta.

    Ex: Pasaban radios de contrabando.

16. v t

    Copiar un texto, xeralmente facendo algunha modificación.

    Ex: Xa pasei as miñas notas á máquina.

17. v t

    Engulir un alimento.

    Ex: Non dá pasado a comida porque lle doe a gorxa.

    Sinónimos: tragar.
18. v t

    Proxectar unha película.

    Ex: Mañá pasarán de novo ese filme que tanto che gustou.

    Confrontacións: emitir.
19. v i

    Ir a través dun lugar ou marchar preto del.

    Ex: Pasaron por aquí camiño do traballo. A carreira pasará pola rúa principal.

20. v i

    Desprazarse dun lugar a outro.

    Ex: Pasou dun lado a outro do camiño sen mirar. Pasou a un despacho máis grande.

    Sinónimos: ir, ir.
21. v i

    Ir dun estado ou ocupación a outro novo.

    Ex: Pasa con facilidade da risa ao choro. Pasou de aprendiz a encargado en menos dun ano.

22. v i

    Ir a un lugar e parar nel.

    Ex: Pasou pola oficina para recoller os papeis.

23. v i

    1. Chegar algunha cousa á súa fin.

       Ex: Xa pasaron as vacacións.

       Sinónimos: acabar, terminar.

    2. Transcorrer o tempo.

       Ex: Pasará moito tempo ata que nos volvamos ver.

24. v i

    Renunciar a tomar parte na xogada, sexa voluntariamente, sexa por necesidade, en certos xogos de mesa.

    Ex: Eu esta rolda paso.

25. v i

    Ser considerado dun determinado xeito.

    Ex: Con ese traxe pasa por un cabaleiro.

26. v i

    Ser algo axeitado para determinado fin.

    Ex: As tesoiras non son moi boas, pero poden pasar.

    Sinónimos: servir.
27. v i

    Ter bastante con algo.

    Ex: Eu paso con calquera cousa para cear.

28. v i

    Absterse de algo.

    Ex: Pasa sen almorzo por non facelo. Ide vós ao cine, que eu paso.

29. v i

    Tolerar aquilo que se expresa.

    Ex: Eu non paso outra vez por iso.

30. v i

    Acontecer algo.

    Ex: Iso pasou onte pola noite. Non sei qué pasará na rúa. Que che pasa, encóntraste mal? Se non vai non pasa nada.

    Sinónimos: ocorrer, suceder.
31. v i

    Poder atravesar unha cousa por un determinado lugar.

    Ex: Por aí non pasa o tractor.

32. v i

    Transcorrer un río ou unha vía de comunicación por onde se expresa.

    Ex: O Barbaña pasa por Ourense. A estrada que pasa pola aldea está cortada.

33. v i

    Ir máis alá.

    Ex: Non pasedes do xardín. Pasa dos cincuenta.

34. v i

    Pórse por diante de alguén.

    Ex: Pasoulle na curva. Como non estudes pasaranche diante na escola. Medrou tanto que xa lles pasou aos pais.

35. v i

    Transmitirse algo.

    Ex: Hai costumes que pasan de xeración en xeración.

36. v pron

    Superar un límite considerado razoable.

    Ex: Pasouse de listo.

37. v pron

    Esquecer algo.

    Ex: Pasóuselle comprar o pan.

38. v pron

    Deixar un alimento de estar en boas condicións para o seu consumo.

    Ex: Xa se pasaron os figos e houbo que tiralos.

39. v pron

    Abandonar un grupo por outro diferente.

    Ex: Pasouse á oposición.

40. v pron

    Estragarse ou gastarse un parafuso ou outra peza semellante.

    Ex: Non apertes tanto a porca, que se pasa a rosca.

Frases feitas

• Pasalas negras. Sufrir moito.

• Pasalo ben. Divertirse.

• Pasalo mal 1 Aburrirse.

• Pasar a coitelo. Matar a alguén cunha arma branca.

• Pasar a mellor vida. Morrer.

• Pasar da raia. Ser algo ou alguén excesivo.

• Pasar pola pedra 1 Darlle unha malleira a alguén.

• Pasar polas armas. Axustizar a alguén.

• Pasar por alto. Omitir algo adrede.

• Pasar por riba 1 Superar algún problema ou inconveniente.

• 2 col Fornicar.

• 2 Atravesar unha situación comprometida ou desagradable.

• 2 Non deterse por nada.

• Pasar as de Caín. Sufrir ou padecer moito.

• Pasaren os cegos a ponte. Disimular algo evidente.