accesión

Acción e efecto de acceder.

Dereito que ten o propietario dunha cousa de facer seu todo o que esta produza (accesión discreta) e todo o que lle é incorporado natural ou artificialmente (accesión continua). A accesión discreta ou por produción non está considerada pola doutrina como un auténtico suposto de accesión. Na accesión continua, polo que se refire aos bens inmobles, cómpre distinguir a accesión artificial, bens derivados do traballo do home, e a accesión natural que presenta diferentes supostos: aluvión, avulsión, mutación do leito dun río, formación de illa. Nos bens mobles distínguense a adxunción, a conmistión e a especificación.

otación obrigatoria que se leva a cabo durante o proceso de elección papal cando ningún dos candidatos obtivo as dúas terceiras partes dos votos precisos na votación ordinaria para ser elixido Papa. A finalidade desta nova votación é dar a posiblidade aos cardeais que apoiaron ao candidato menos votado para que transfiran o seu voto a un dos candidatos restantes.

Adhesión dun estado a un tratado asinado por outros estados.