acceso

Acción e efecto de acceder a unha aplicación informática ou a un documento xerado por ela; a un aparello informático ou unha parte do mesmo; e mesmo a unha rede ou un servizo ofrecido a través dela. Por exemplo, moitas páxinas web na Internet son de acceso gratuíto.

Operación de almacenamento e recuperación de datos na que o sistema recorre directamente á memoria conforme a un parámetro preestablecido.

Xeito de recuperar un rexistro ou dato indo directamente a onde está, como CD-ROM, disquete, un directorio, carpeta ou documento, sen necesidade de pasar por aqueles que o preceden, como había que facer empregando unha cinta magnética. Tamén se denomina así un proceso no cal os periféricos dun ordenador acceden á memoria destes sen control da Unidade Central de Proceso.

Entrada nunha rede local a través dunha conexión vía módem ou por medio doutra rede.

Xeito de localizar un rexistro ou dato que obriga a facer unha lectura consecutiva de toda a información que o preceda, como no caso das cintas de casete ou vídeo.

Concepto que no sector das telecomunicacións implica que todas as persoas que desexen acceder a un servizo o fagan ao mesmo prezo, independentemente da zona xeográfica dende a que o soliciten.