cabalete

Elemento de construción composto por dúas vertentes ou aquel formado por unha peza horizontal apoiada en dous pés.

Utensilio que consiste xeralmente nun pao apoiado de forma horizontal en catro patas diverxentes, que serve de soporte para diversos usos, entre eles, formar provisionalmente unha mesa, un banco, etc.

Armazón de madeira sobre a que se improvisa unha estada.

Figura de entremés, chamada tamén cabaliño de cartón. Formada por un grupo de homes ou de nenos que van dentro dunha carcasa de cartón en forma de cabalo, sen patas, cunha faldra amodo de aditamento que fai de galdrapa. Ten un buraco nas costas por onde a sosteñen. Fan danzas e movementos distintos, todos eles coordinados; a miúdo marcan o ritmo con axóuxeres, fustas e contan co acompañamento de frautíns e tamborís. Xa se mencionaban no s XV, e parece ser que formaban parte dun entremés de loita de cabaleiros cristiáns contra mouros ou turcos.

Bordo de lousas ou tellas no que conflúen as dúas partes dun tellado.

Monllos de canas de millo dispostos en forma de pirámide.

Estrutura xiratoria de madeira sobre a que se colga a gramalleira nalgunhas cociñas das casas rurais.

Armazón sobre a que se coloca a madeira para serrar.

Peza do muíño de madeira que xira para levantar a moa.

Poldro no que se daba tormento.

Apoio en forma de forca que levaban os soldados desde o s XVI ata ao XVIII para soster os arcabuces e outras armas de fogo no momento de apuntar.

Mesa con caixóns onde se coloca a caixa de imprenta que se está empregando.

Elemento de soporte para a botavara, formado por dúas táboas a xeito de X ou de Y, que se emprega no peirao para non deteriorar o pau de botavara.

millá.