calma

1. s f

   Estado da atmosfera ou do mar cando non hai perturbacións.

   Ex: Tivemos que acender o motor porque había calma e non avanzabamos coas velas.

   Sinónimos: bonanza. Antónimos: tempestade. Confrontacións: calmazo, calmeiro.
2. s f

   Falta de ruído, axitación ou movemento nalgún lugar.

   Ex: Durante o adestramento reinou a calma no estadio.

   Sinónimos: tranquilidade. Confrontacións: quietude.
3. s f

   1. Comportamento da persoa que está tranquila, sen nervios e sen preocupacións.

      Ex: É abraiante a calma que tes antes dos exames.

      Sinónimos: quietude, serenidade, tranquilidade.

   2. Estado de quen non está excitado nin demostra enfado.

      Ex: A súa faciana sempre transmite unha sensación de calma.

      Sinónimos: acomodo, acougo, paz, quietude, serenidade, sosego, tranquilidade.

   3. Resignación ante feitos adversos.

      Ex: Cando nos deron o golpe no coche, tomouno con moita calma.

   4. Calidade que ten unha persoa para esperar por algo ou alguén.

      Ex: Sempre espera con calma o autobús.

      Sinónimos: tranquilidade. Confrontacións: flegma.

Refráns

• Acabouse a calma e acabouse a présa.
• Comer, durmir e cagar piden vagar.
• Logo é feito o que é hen feito.
• Máis vale un bo vagar ca un bo traballar.
• O comer e o beber non queren présa.
• O que non é o día de santa Lucía é para outro día.
• O que non se fai pola santa Lucía, faise ao outro día.
• O viño, bebelo a modiño: gotiño a gotiño.
• Quen vén non tarda.
• Rai que dar tempo ao tempo, para que as cousas veñan con tento.
• Se non tes moito vagar, algo compre facer para descansar.
• Sen pensar veñen as cousas polo seu lugar.