cambiar

Escoitar

(< lat tardío cambiāre)

v t
1. Dar unha persoa ou cousa e recibir outra a cambio.
  
  Ex: Cambiou o apartamento da praia por un piso no centro. Os meus amigos non os cambiaría por nada no mundo.
  Confrontacións: conmutar, intercambiar, permutar.
2. Dar unha cantidade de diñeiro nun tipo de moeda e recibir o equivalente noutra distinta ou ben en moedas de menos valor.
  
  Ex: Necesito cambiar os dólares que me sobraron da viaxe.
  Confrontacións: intercambiar, permutar.
3. Dirixirse dúas ou máis persoas saúdos, olladas ou palabras. OBS: Nesta acepción leva o suxeito en plural.
  
  Ex: É importante que nos reunamos e cambiemos impresións.
  Sinónimos: intercambiar.
v t
Retirar ou deixar unha cousa ou unha persoa no lugar doutra. OBS: Pode ir seguido dun complemento introducido pola preposición de.

Ex: Cambia ese disco e pon algo máis tranquilo. No segundo tempo cambiaron o porteiro por lesión. O raposo cambia de pelo, pero non de mañas.
Sinónimos: mudar.
v t
1. Facer que algo ou alguén adquira características ou situacións diferentes ás que tiña.
  
  Ex: A tintura cambia a cor dos cabelos.
  Sinónimos: modificar. Confrontacións: alterar.
2. Facer que unha cousa se transforme naquilo que se expresa.
  
  Ex: Ten a capacidade de cambiar os defectos en virtudes.
v t
Quitar unha cousa ou unha persoa do lugar onde estaba para colocalo noutro distinto.

Ex: Cambiou a televisión da cociña para a sala. Cambiaron os pacientes do hospital de andar.
v t e pron
Quitar a alguén ou quitarse un mesmo a roupa que leva posta para pór outra.

Ex: Xa cambiei o neno tres veces e non me quedan cueiros limpos. Cámbiate, que á festa con eses trapos non te levo!
Sinónimos: mudar.
v i
1. Experimentar unha transformación unha persoa ou unha cousa.
  
  Ex: Moito cambiaches desde que non nos vemos.
  Sinónimos: mudar.
2. Volverse diferente en relación a algo que se indica.
  
  Ex: Cambiou de idea e non veu á festa.
v i
Deixar unha vivenda ou un lugar de residencia por outro.

Ex: Cambia de residencia cada ano.
v i
Modificar a súa dirección o vento ou unha embarcación.

Ex: O vento cambiou e arrastrou a chalana novamente á praia.
Sinónimos: virar.
v i e t
Meter unha marcha distinta á que levaba un vehículo con motor.

Ex: Na rampa, cambia cando vexas que o motor non tira con forza. Como estaba sen freos, cambiei a marcha para reducir a velocidade.
v pron
Pasar algo a un estado diferente.

Ex: O amor cambiouse en ira ó saber que o enganara.
v pron
Deixar de habitar unha vivenda ou de realizar un traballo para trasladarse a outro lugar ou realizar un labor distinto. OBS: Úsase coa preposición de cando indica a orixe do movemento e coa preposición a e para cando indica a dirección do cambio.

Ex: Este ano xa se cambiou de traballo tres veces. Cambiuose á aldea veciña.

Palabras veciñas

Conxugar

VERBO cambiar

Forma verbal: Infinitivo

Indicativo

Presente Eu
Ti
El/Ela
Nos
Vos
Eles cambio
cambias
cambia
cambiamos
cambiades
cambian

Pretérito imperfecto Eu
Ti
El/Ela
Nos
Vos
Eles cambiaba
cambiabas
cambiaba
cambiabamos
cambiabades
cambiaban

Pretérito perfecto Eu
Ti
El/Ela
Nos
Vos
Eles cambiei
cambiaches
cambiou
cambiamos
cambiastes
cambiaron

Pretérito pluscuamperfecto Eu
Ti
El/Ela
Nos
Vos
Eles cambiara
cambiaras
cambiara
cambiaramos
cambiarades
cambiaran

Futuro Eu
Ti
El/Ela
Nos
Vos
Eles cambiarei
cambiarás
cambiará
cambiaremos
cambiaredes
cambiarán

Condicional Eu
Ti
El/Ela
Nos
Vos
Eles cambiaría
cambiarías
cambiaría
cambiariamos
cambiariades
cambiarían

Subxuntivo

Presente Eu
Ti
El/Ela
Nos
Vos
Eles cambie
cambies
cambie
cambiemos
cambiedes
cambien

Imperfecto Eu
Ti
El/Ela
Nos
Vos
Eles cambiase
cambiases
cambiase
cambiasemos
cambiasedes
cambiasen

Futuro Eu
Ti
El/Ela
Nos
Vos
Eles cambiar
cambiares
cambiar
cambiarmos
cambiardes
cambiaren

Imperativo

Eu
Ti
El/Ela
Nos
Vos
Eles -
cambia
-
-
cambiade
-

Formas nominais

Infinitivo conxugado Eu
Ti
El/Ela
Nos
Vos
Eles cambiar
cambiares
cambiar
cambiarmos
cambiardes
cambiaren

Xerundio cambiando

Participio cambiado
cambiada
cambiados
cambiadas

Idiomas