Coelophysis

Xénero de dinosauros da familia dos podoquesáuridos, de ata 3 m de lonxitude e cun peso menor a 25 kg. Tiña pescozo, a cola e as patas delgadas e longas, e a cabeza estreita con moitos dentes de bordo cortante e forma de serra. As patas traseiras, sobre as que se desprazaba, tiñan tres dedos con garras, e as anteriores, curtas, catro dedos, un deles reducido. Era un depredador veloz de finais do Triásico que aparece en xacementos de América do Norte.