corrección

1. s f

   Acción de corrixir.

   Ex: A corrección de exames é un traballo moi pesado. Non aprende nada das correcións que lle fai o profesor cando fala.

2. 1. s f

      Cambio resultante de corrixir un texto.

      Ex: A súa corrección non estaba ben feita.

      Sinónimos: emenda. Confrontacións: rectificación.
   2. s f

      Proposta dun especialista para mellorar un texto antigo corrompido.

   3. corrección de estilo

      Corrección feita sobre o orixinal dun texto para evitar repeticións innecesarias, darlle forma literaria, etc.

   4. corrección de probas

      Corrección feita xeralmente polo autor ou un corrector sobre probas de imprenta (galeradas e compaxinadas) mediante chamadas á marxe con signos convencionais.

   5. corrección tipográfica

      Corrección que consiste en substituír as letras (na composición á man ou no monotipo) ou as raias (no linotipo).

3. s f

   Calidade de correcto.

   Ex: A corrección do seu comportamento admirou a todos.

   Sinónimos: cortesía. Antónimos: incorrección. Confrontacións: urbanidade.
4. s f [MAR]

   Cifra variable que, sumada alxebricamente á altura observada do Sol, á hora do cronómetro ou ao rumbo, serve para calcular exactamente a situación do barco.

5. [BÉL]
   1. s f

      Lugar onde os suboficiais cumpren o arresto.

   2. corrección de tiro

      Manobras que pretenden a coincidencia entre o centro de impacto e o centro do branco ou o centro de tiro elixido.

6. [INFORM]
   1. s f

      Ausencia de erros ou defectos, especialmente os que poden ter consecuencias negativas na execución de programas ou de procedementos. Distínguese entre corrección parcial, que é a concordancia entre o procedemento especificado e o que se executa, e a corrección total, que engade á anterior unha proba ou garantía de acabado da execución nun tempo finito.

   2. s f

      Opción de aplicacións de deseño ou retocamento fotográfico que se emprega para modificar aspectos como a cor ou o brillo.

   3. corrección ortográfica

      Opción dalgunhas aplicacións para revisar a ortografía de documentos de texto.

7. corrección de cor [IMAX]

   Procedemento empregado para aclarar ou escurecer áreas concretas e axustar ou rectificar calquera matiz dunha fotografía en cor. A mellora da cor dunha área realízase mediante un tapado por sobreexposición.

8. corrección fraterna [RELIX]

   Admonición, recomendada no Evanxeo como deber de caridade, que se fai ao próximo para previlo e apartalo dun erro ou pecado.

9. corrección óptica [ARQUIT]

   Corrección realizada na superficie dunha construción para evitar a sensación de desproporción que se produce ao observar o edificio, como o emprego da éntase nas columnas gregas.

Refráns

• O que torta nace enderéitase tarde.
• Ós pes tortas dálles zocos.