criterio

(< grκριτήριον, deκρίνω ‘xulgar’)

s m
Norma que serve para xulgar unha cousa.

Ex: Seleccionaron todos os traballadores cos mesmos criterios.
s m
1. Capacidade para discernir sobre algo.
  
  Ex: Está sempre manipulado polos demais, xa que non ten criterio propio.
  Sinónimos: opinión, xuízo.
2. Opinión que alguén emite sobre algo.
  
  Ex: Segundo o meu criterio este libro é o mellor da colección.
  Sinónimos: xuízo.
criterio de verdade [FILOS]
Conxunto de condicións que esixen o recoñecemento de algo como verdadeiro. É distinto do obxecto de coñecemento e da facultade cognoscitiva. Analizouse en relación co problema da verdade e en relación co grao de veracidade das fontes do coñecemento. O criterio de verdade variou segundo se adoptase o idealismo ou o realismo gnoseolóxico para analizar o coñecemento. Désiré Mercier afirmou que se trataba da proba pola que se distinguía a verdade e o erro.

Palabras veciñas